正版碟，隻隻都親手整花！請各唱片公司正視！

m600

jcttt 發表於 2014-1-27 14:35
其實國外唱片市場現在還是以傳統膠合包裝為主，好少有象香港嘅花巧包裝，香港現今嘅唱片市場不濟，卻又不正 ...

真的同意師兄所說的！做音樂最重要是音樂！而不是包裝！本沒倒置！今時今日嘅錄音器材一定比當年好！但唔明白有師兄話王菀之隻'晴歌集'首'Chotto等等'低音部份拆聲

可能當年老番嘅出現，對當時出名的作曲作詞家有好大打擊！其中當然是收入... 變相走去寫書或做其他事！剩下這作曲作詞一般的創作人！香港好在還有林夕和黃偉文！歌曲的吸引力少，自然會覺得隻碟唔好聽！啲人咪下載聽下先，聽下聽下咪連碟都唔買！仲變成為風氣！早兩年有個八十後嘅同事問我點解你仲會買CD嘅？上網咪有囉

其實啲唱片公司老闆點睇呢？一隻大碟唔係用歌曲取悅消費者，而係用包裝？歌曲的吸引力少，只顧簽新人、囡囡、或是搶人哋公司有名氣賣錢嘅歌手回來？但啲歌又唔啱佢唱！我個人覺得陳奕迅係新藝佬除了U87之外，真係再搵唔到一隻好聽嘅碟！我仲覺得依家環球'燈勤'係同我差不多年紀！只識捉我哋呢班仲會買嘅人心理，出完大碟無耐就出K2HD (克勤 復克) ！部份本身係日本推出的CD, 佢又會用K2HD加條紙邊扮日本版！轉頭又出唔知幾多周年嘅金碟！小弟佩服萬分！

byingfung

psb 發表於 2014-1-26 18:40
正因為如此，我每買新CD也有恐懼症，害怕一打開發現有划痕. 對於一個愛好音樂者者和音樂發燒友, 收藏一隻划 ...

Ching 我以前同你一樣有恐懼症，後尾發覺後悔，因為錯過好多好既野，最記得響HNV幫當年華聲結業做清貨，張國榮光榮歲月金碟賣20元!! Yes只係廿雞，買左發覺隻碟邊有一撻野，其實唔影響Read既區域，不過作為CD玩家，有時唔係價錢問題，難道你買一堆廿蚊VCD就可以容許隻碟點花都得? 起碼當時我係咁樣諗，因此我走去換，結果換過隻又係咁! 我條氣唔順就叫職員退返廿雞比我，當無來過，十幾年之後，我無記錯而家隻碟由20x40陪，變左800元，所以而家我為左唔後悔，不斷向自己洗䐉，港版係咁差! 而家我寧願買左發現有花，再換都花的話，咪過一排放上網賣，隨時唔洗蝕之餘反而可能有得賺，所以奉勸Ching門，盡快醫治恐懼症

jcttt

    真正好嘅唱片封套，並非要追求一大堆嘅無謂包裝，而是在於唱片封套嘅平面設計，例如黑膠唱片，每張大小尺寸，內外包裝都是一樣，但分別就是每一張碟都有著不同嘅封套設計，每個封套印刷和設計都是如此精美，令人愛不惜手，反觀今日嘅封套設計，我幾乎沒有見過一個設計是合格的，真是一代不如一代。不懂得設計，很自然，就會把註意力放在大堆頭包裝上，為了花巧，就不會顧及得上隻碟花唔花了，對他們來說，包裝是主力，碟是陪襯，可能他們還介意你有冇搞壞個包裝，多過關心你隻碟花唔花。
   這種現象嘅出現，其實喺反映出今時今日業內人士嘅整體水平彽下，經常都會做出很多方唐嘅事情來，只有整體提高業內人士對唱片嘅認知水平，我地樂迷才有機會聽到更多好嘅音樂，真正靚聲嘅唱片，真正設計精美嘅簡單包裝，以及有托盤托著，真正唔會花嘅完美碟片來！

ellen

jcttt 發表於 2014-1-28 15:13
真正好嘅唱片封套，並非要追求一大堆嘅無謂包裝，而是在於唱片封套嘅平面設計，例如黑膠唱片，每張大小 ...

絕對認同jcttt嘅諗法。

今時今日嘅CD packing, 已經去到一個標奇立異嘅地步。
我唔係話唔尊重設計者嘅心思，不過只感到時下嘅設計者連件product嘅特質都唔知/唔清楚，就話係設計。只要交得出一件標奇立異；與眾不同嘅嘢就話係好design。究竟呢班所謂做設計嘅人係唔係真係有個心去做件事/做個project?? 唔通班所謂做設計嘅人會覺自己係一個藝術家? 自己嘅設計係絕頂完美??

老實講，如果再咁樣搞落去，我相信CD，呢個format嘅工業必死無疑。

相信都係時候，考慮轉去CAS??!!

Will

再講開環球D包裝, 唔知大家有冇買開環球D外語碟, 尤其係EU版
無論CD, DVD, Blu-ray, 9成以上都無透明外袋包裝, 成隻碟响運送過程入哂塵, 見到都嬲
呢間公司越做越大, 包裝一係ON居居, 一係唔包, 唔知想點

travelbooy

想慳成本囉！我一見到嚟種紙套入碟，我“一定“晤買！因為隻碟真係好似買“番梘“咁花及多塵！如真係好值得擁有的，我寧買日版或其他晤同地區嘅europe版，不過就要等好耐吓！