正版碟，隻隻都親手整花！請各唱片公司正視！

m600

最近買了林憶蓮隻RE:WORKZ, 見網上有好多人嘈包裝套甩毛毛的問題！都唔明點解啲唱片公司點design 個唱片封套！啲碟要攝入去啲卡紙包裝內！一買回來拿出的時候，就等於親手整花隻碟！真係肉都赤埋！連價錢相宜的復刻王都有個CD膠套入住！我已經係SSP買咗200個CD膠套！就係為咗你哋嘅精美設計而買！你話你哋啲設計係攪咩!?
買正版碟嘅人越來越少！我哋支持正版，除了買封套、歌詞、內容和相片之外！還想用最完善嘅器材去欣賞！就係播隻花碟！CD理論上係唔會因為碟有花痕而跳線！點解？因為CD有error correction! 如果因為花痕的關係，部CD用改錯系統估出來嘅據！你話有幾準？又如果成首成隻碟有兩至三成係經error correction執出來！咁咪衰聲囉！咁各唱片公司點回鐀給音樂愛好者呢？

我中蕉嘅碟有：
林峰 self-portrait (EEG)
余翠芝 RISE (Sony Music)
李克勤 在森林和原野 (環球)
張敬軒 是時候 (環球)
劉德華 Wish (東亞)
鄧麗欣 no one knows (金牌大風)
梁詠琪 Kiss (華納)

psb

正因為如此，我每買新CD也有恐懼症，害怕一打開發現有划痕. 對於一個愛好音樂者者和音樂發燒友, 收藏一隻划痕的CD是痛苦的, 可以說是折磨, 寧願不要... 我就有小小這個毛病, 不知道其他ç興有否同樣的感覺...

liverpoolman

心中有氣但可以點樣，除了罷買所有CD，唱片公司還是依然固我。我已經很久沒有買到一隻用普通CD 膠盒的CD了。

haruko

psb 發表於 2014-1-26 18:40
正因為如此，我每買新CD也有恐懼症，害怕一打開發現有划痕. 對於一個愛好音樂者者和音樂發燒友, 收藏一隻划 ...

我也有這同感! CD有花痕, 好似用針刺入心咁

travelbooy

好認同以上所講！其實好多外國CD都係隻碟直入紙套！一開就花到不得了，我最後都攞番去換其他嘢！見到就晤開胃！最近隻軒仔精選，個設計衰到無人有，都晤知點攞隻碟出嚟，我換極都係花，根本入碟時已整花晒！我寧要實際多過些不濟的設計！整個膠托盤真係有幾難呢？

jcttt

其實國外唱片市場現在還是以傳統膠合包裝為主，好少有象香港嘅花巧包裝，香港現今嘅唱片市場不濟，卻又不正視問題根源，而要采取旁門左道來取悅樂迷，結果釋得其反，最後只會流失更多嘅消費者，希望香港嘅唱片公司懂得學識了解樂迷嘅喜好，以及復刻舊唱片時懂得尊重原作包裝。返樸歸真，最原始嘅膠合包裝才是最好，最能保護CD嘅包裝，消費者要買嘅喺CD碟，並非一大堆多余嘅包裝，唔知唱片公司幾時才明白他們是在做唱片，還是在做包裝！

haruko

我也買過不少日本碟, 整體以日本版的包裝為最好, 甚少有花, 即使有花巧的包裝, 設計也很貼心, 雖然日本版的價錢卻是貴了點,
但CD拿上手, 卻是精美極了.

Will

買開陳eason既CD好明白你既感受, 入左環球後佢每隻CD都唔同包裝, 企唔埋到一齊架!
有碟托既專輯小之有小, 隻碟zip zip埋埋, 拎出黎一係要倒出黎,唔係就要用手指掂住CD邊拉出黎

danny-2000

Will 發表於 2014-1-27 19:06
買開陳eason既CD好明白你既感受, 入左環球後佢每隻CD都唔同包裝, 企唔埋到一齊架!
有碟托既專輯小之有小,  ...

重有吹神咁碟錄音好平面 出來音場效果好差！

fkbong

絕對有各師兄嘅同感！只要一個普通嘅盒就祝夠！質量好少少得唔得，諗咁多無胃嘅包裝，只係想賣貴D！對我來講真係垃圾。D做唱片嘅仲唔正視問題，只會便加少人買香港碟！