年青一代的廣東唱片

Ramsberry85

mhc 發表於 2014-1-4 23:40
直頭越聽越回塘!就算聽蔡興麟，蔡濟文個d級數歌手嘅歌，都比而家d歌好聽十倍!幾乎唔聽而家嘅歌
(Post76 And ...

蔡興麟首 為了你為了我 不知幾正 ~~~  不過年輕一代應該好少人知呢首歌係他唱

mhc

Ramsberry85 發表於 2014-1-7 12:27
蔡興麟首 為了你為了我 不知幾正 ~~~  不過年輕一代應該好少人知呢首歌係他唱 ...

個衰公仲有"最後一闕小怨曲"."情感怎分對錯"等等有味道正歌!而家反而成日聽番衣d歌手嘅歌，個d整色整水翻唱歌HIFI碟，直頭無聽好耐
(Post76 Android 手機版送出)

gutgut

商業社會，講嘅始終係供求，年青一代永遠都係最追新歌哥批，佢地未必有咩叫好歌嘅概念，但一定有咩叫靚仔靚女嘅思想
而家大部份年青人CD都未摸過已經日日聽MP3，呢個係改朝換代嘅大方向
唱片公司賺錢都由賣碟改造狂出新歌捧紅歌手然後再響周邊賺錢，因為賣碟已經賺唔到錢了，既然市場係咁，唱片公司都唯有跟住走
雖然還有一班人對音質好注重，但係又佔幾多？大部份人要求只係聽到就OK了
唱片公司一日解決唔到點響數碼音樂度賺大錢，一日都唔會有誘因掉落去做好個錄音......
當全民聽眾對音質都有要求嘅時候，唱片公司也不得在錄音省成本，可惜現實不是，像kkbox 呢d 幾十蚊任聽嘅app越黎越多，一睇條數就知邊邊人多，要取悅邊d人，賣得嘅歌手一年可能出三五七隻碟，點會做得好，公司個個都要開飯，賺錢行先，狂出任出出到醫神都醫唔到自己
呢個就係現實.......
就當做係一個數碼年代緩衝期吧，不過緩衝過後又如何又真係天曉得了
情況等同相機由菲林轉數碼，好多新公司彈起，好多傳統廠商亦執笠，大家一邊追新相機新spec，古董相機需求及叫價亦水漲船高，但最後統計出來最多人用來影相嘅工具係iphone，就係一個字，方便！
正如而家好多人由唱碟轉玩CAS都係求方便......
黑膠碟需求係有上升，但係keep 到幾耐真係唔知，可能過幾年好多人嫌煩唔玩又返返去數碼市場
我想作為音樂迷都要與時並進吧，而家唔係冇好歌，有心人仲有一堆，只不過在二三線多，林二汶其實也不錯 :D

不過只回想七八十年代了，其實哥個年代好歌係有，差嘅其實都唔少，只係流傳唔到今日，大家有個錯覺舊歌好聽d je，因為已經經過時間洗禮

BTW, 呢期迷上 Eason 的好久不見，歌詞比廣東話的不如不見好太多了 :D

psb

我相信，CD的價格在未來將會非常昂貴, 因為低產量，就如現在的黑膠唱片.

在未來多數人將下載MP3, 不買CD, MP3成為大眾聽音樂的方式(取代CD), CD將遭受黑膠唱片的同樣命運.

gutgut

psb 發表於 2014-1-7 21:31
我相信，CD的價格在未來將會非常昂貴, 因為低產量，就如現在的黑膠唱片.

在未來多數人將下載MP3, 不買CD, ...

時代在變，無可避免........
正如我開藍光同老婆睇，佢會話真係靚好多喎，但轉頭都係開pptv 煲戲
而家4k 都online streaming 唔落碟了.....

其實慢慢應該網上發佈高質音樂，例如 hi-fi tracks 呢類咁，既可滿足需求又可減省成本
什至如kkbox 呢d或者都可以提供如壓縮flac 呢類高質選項
好似我用緊嘅蝦米音樂咁，本身係完全免費，付費的話就可以由 128kbps 升上 320kbps，我都經常用，始終係方便好多
音質雖然冇咁好，但也不太差，好多歌查本買唔到cd，或者新碟根本上唔知做成點嘅，都可以先試後買 :D

oldj

gutgut 發表於 2014-1-7 21:42
時代在變，無可避免........
正如我開藍光同老婆睇，佢會話真係靚好多喎，但轉頭都係開pptv 煲戲
而家4k  ...

時代在變，無可避免 x 2

早兩年開始玩cas, 以前聽歌會揀隻cd出來再慢慢聽, 而家都會, 但次數少咗.
又或者咁講, 而家選擇多咗, 我可以慢慢咁嘆一隻cd, 又可以用cas, 好快咁隨機抽一些歌來聽, 又可以直接網上實時播放. 質素當然各有不同, 但可以想聽邊樣就邊樣. 亦都可以聽到好多唔同類型的歌曲音樂, 而有些根本就冇出碟.

講番廣東碟, 真係好少買, 對上係買eason同王苑之, 新人的歌我都有幫襯, 好多時只會上iTunes買1首,2首, 心態上亦同以前買cd不同, 抱著聽新歌/流行歌, 聽吓無妨感覺去買, 購買的過程已係一種消遣娛樂.

我希望網上購買本地音樂都可以提供高質版本,現時的iTunes, 1首歌8蚊, 但只有256k. {:9_435:}

c.m.

Ramsberry85 發表於 2014-1-7 12:25
放心放開所有....我只記呢首放手...

啤機會佢地不是問題 , 但甲硬啤個獎塞啤佢地其實係害了他們 ...

冇錯

245141525

以前會為咗一首鍾意嘅歌買一隻碟，想聽歌就要買碟，係理想當然嘅事。
始終時代唔同咗，現今嘅年青人，正如gutgut兄所講，好多連CD都未掂過，個個貪方便玩mp3，但時勢所趨，無辦法……
現今一代，寧願買個靚耳筒(色彩繽紛？)，都唔會買一隻碟……(當然都有會買碟嘅新一代，但肯定係佔少數囉)
宜家好嘅音樂唔係無，但相對上無以前咁多，可能以前做音樂仲揾到食，宜家唔得啦，但我仲見到對音樂好有熱誠嘅音樂人嘅！
可能CD真係有被淘汰嘅一日，但希望唔好嚟得咁快……

gutgut

245141525 發表於 2014-1-9 10:44
以前會為咗一首鍾意嘅歌買一隻碟，想聽歌就要買碟，係理想當然嘅事。
始終時代唔同咗，現今嘅年青人，正如g ...

其實當年由 LP 轉 CD 都係求個方便
我而家個個月都買十隻八隻 CD
不過返黎第一時間係 Rip, 之後用 Amerra 聽
隻CD好好安放在CD架，一來方便，二來隻CD可以保存得好D~
反正我木耳聽唔出 rip 同 cd 有咩大分別 ^^"

Ramsberry85

psb 發表於 2014-1-7 21:31
我相信，CD的價格在未來將會非常昂貴, 因為低產量，就如現在的黑膠唱片.

在未來多數人將下載MP3, 不買CD, ...

CD會貴 , 但一定不會變到現在黑膠咁貴 , 因為有燒碟機....