年青一代的廣東唱片

Think

好歌係有，但頒獎禮唔會見到，而且年齡層面不同，老一輩未必接觸到又或者接受到，好似對上啲post提到嘅人名只不過係唱片公司力捧。

P.S.呢幾年由地下走到地上嘅歌手同樂隊都有好歌，只不過大家未必會知或接受到
(Post76 Android 手機版送出)

o2mini

Think 發表於 2014-1-5 00:58
一隻CD買到一萬以上已經叫好銷量，好多連五千銷量都無，出一隻蝕一隻，有幾多人會揼本搞好個創作
(Post76 A ...

這是本土大小唱片公司正面對的問題，七八十年代的唱片銷量下下都幾多白金咁數落去，對比番現在的唱片銷量絶對係九牛一毛！無本錢搞好製作; 歌曲質素自然無保證，歌手點叻點努力都係無功而回，質素平平的廣東唱片更加引唔起購買慾。

想當年各大CD舖放在當眼靚位的全是新發行的粤語大碟，而現在這些位置已被翻炒又翻炒的各式舊碟或HiFi碟取代，邊樣好賣放邊樣係好自然的現象，基本上而家唱片公司的生存之道係以翻炒碟去補貼新發行大碟以求苟延殘喘。

香港樂壇開始步影壇後塵慢慢走上不歸路

chengvin

依家新一代都無物人玩hifi。咁個水糖無新水再加上D歌詞連我講左幾十年廣東話都聽唔懂唔知唱物又點會有人買。個市都係靠班上左岸或有＄hifi一族頂住。

momolee

以家個d新既歌手好多連基本功都無,學咩人唱歌丫。。。
一係就唱到無病呻吟,一係就一味玩技巧但基本野都未做好。。。唉
不過近排有個ginlee 真係好唱得,絕對真功夫,把聲都算靚
唱歌夠氣有感情,唱live 好輕鬆,唔會就死就死咁。。。
佢只係欠一首主打歌,呢個就係要睇公司同運氣了

Norman

momolee 發表於 2014-1-5 09:56
以家個d新既歌手好多連基本功都無,學咩人唱歌丫。。。
一係就唱到無病呻吟,一係就一味玩技巧但基 ...

其實佢幾隻CD曲同詞一D都唔差！起碼有頭有尾係表達緊D野，有D其歌手既歌詞真係百思不得其解？？費解！

jimmy188

好似果對所謂孖女，仲可以唱到E+，真係奇蹟。。。

penice001

其實好歌唔係冇



呢首一其實係而家來講O既金鑽組口精心炮製, 曲：Christopher Chak | 詞：林夕,住年呢個組口有 富士山下,搜神記,一絲不掛,任我行 都係大熱之作, 呢首 好得好 其實寫得好迴腸盪氣,交由一個咁柔聲O既歌手唱,跟本唱唔出FEEL,要用咁多和音去補救反而將歌手O既弱點無限放大,而且呢首歌抖氣位非常短,又連續幾十秒成大段咁去,要唱功非常強先可以完美唱到,對於呢首歌,容祖兒呢個級數係最低消費

現場變左咁



其他例子唔多詳述

原MV


LIVE



睇完個MV錯睇LIVE,心中只有4個字, 9唔塔8

除左歌手之外,好多公司打歌都好有問題,陳奕迅同容祖兒O既演唱會通常都會有好多SIDE TRACK, 證明到根本好多時D公司都只係揀D大路野去打,另類DD O既就唔派,二來又真係有又真係有人,唔大路就唔聽,呢D係相對O既結果


呢首歌真係幾正,不過真係冇咩可以派到台

c.m.

除左各C兄所說一蟹不如一蟹外, 還有近年TVB太貪心了, 想自己做埋音樂!
不斷將的藝人當歌手, 是旦歌得兩句就話系, 但又冇人材創作, 最終唱片公司唔出人, TVB就做垃圾!
(有點似當年亞視) 看近年的扮獎就知尤其十大!!
另香港CD製做的質數連大陸都不如, 真系用HIFI聽的話, 用樣系SACD都差人地幾級!

Ramsberry85

chengvin 發表於 2014-1-5 09:09
依家新一代都無物人玩hifi。咁個水糖無新水再加上D歌詞連我講左幾十年廣東話都聽唔懂唔知唱物又點會有人買 ...

換電話都換到佢地窮 ... 聽歌? DL MP3咪得囉 , 高級少少買部IPOD...   

唔好講HIFI , 我估十年8年後連影碟機, CD機會愈黎愈少人的了 個個一部電腦搞店哂

Ramsberry85

c.m. 發表於 2014-1-5 14:14
除左各C兄所說一蟹不如一蟹外, 還有近年TVB太貪心了, 想自己做埋音樂!
不斷將的藝人當歌手, 是旦歌得兩句就 ...

放心放開所有....我只記呢首放手...

啤機會佢地不是問題 , 但甲硬啤個獎塞啤佢地其實係害了他們