聖誕禮物 (Sony Z1000)

Andykong

laz 發表於 2013-12-25 23:36
拜亞D耳筒好似好多要用一段時間才能好感受到它的優點。我對T1 頂到第三天終於有返D野睇。 ...

店員都話 Tesla 比以前既 driver 需要更長時間 run-in，無 1000 都要 500 先入狀態，所以賣個位都話聽 Demo 機都只能有個大概，煲落先見真章！我信佢架，但既然急唔來，就唔好急見到有荀野先入手囉！

上個 post 答漏左有關帶耳機出街方面。我其實無打算帶出街，但有時會係屋企行出行入帶住聽，所以帶出街對我來講唔影響 purchase decision，但要比較的話，我覺得 Z1000 比 T70P 更 portable，更易帶出街！ 和 T70P 比較，Z1000 易推 D，用 IPC/DX50/X3 等直推的話，我相信 T70P 會好勉強但 Z1000 已經可以好爽。size 來計 Z1000 細隻 D，尤其是 Ear Cup，成隻黑色又低調 D，T70P 隻金屬色我相信會「揚」好多！  我前兩日上個 friend 度試聽佢個幾隻 ultrasone, 試完佢落街踩單車，見佢掛隻 ED8 係條頸度，真係「揚」到我好快就同佢講 Goodbye 了！  

jaffeinism

Andykong 發表於 2013-12-25 23:56
唔係話佢唔好，唔好就唔會買佢啦！

Monitor 應該是好錄音令你非常淘醉，衰聲碟就即刻現形的，ZK 對前端 ...

其實同訊源, 耳放組合上都有關係 ... 換一個好的既解碼, 隻唱片又聽多左野

Andykong

jaffeinism 發表於 2013-12-26 00:13
其實同訊源, 耳放組合上都有關係 ... 換一個好的既解碼, 隻唱片又聽多左野 ...

咁隻耳筒有分析力，upgrade 前端聽多D野都合理既!

提起 upgrade 前端， 有無試過睿志?  售後服務如何?

t1174

睿志 AUDIO-GD N 年前聽過其HEADAMP, 平平無其, 音色好FLAT, 雖說不至HEA 死悶死, 但就是冇乜癮, 唔知現在會點了.
另外感它的機有點"over-engineering"

laz

t1174 發表於 2013-12-26 15:45
睿志 AUDIO-GD N 年前聽過其HEADAMP, 平平無其, 音色好FLAT, 雖說不至HEA 死悶死, 但就是冇乜癮, 唔知現在 ...

over-engineering很好的表達。我覺得何師傅不斷強調不妥協，結果又呢樣又果樣，但一點都不簡單直接

laz

Andykong 發表於 2013-12-26 00:11
店員都話 Tesla 比以前既 driver 需要更長時間 run-in，無 1000 都要 500 先入狀態，所以賣個位都話聽 De ...

我其實都有ED8, 出街用唔高調啦，我係香港見過有人在雞雞大廈出黎戴住隻ATH大木殻，炎炎夏日，倍感溫暖。

可能sony耳筒就係唔夾平果聲、我試過z1k & t70p iPod iPhone 直推，我鐘意拜亜聲多少少。不過z1k都係有水準，這是個人喜好了。

jaffeinism

Andykong 發表於 2013-12-26 13:00
咁隻耳筒有分析力，upgrade 前端聽多D野都合理既!

提起 upgrade 前端， 有無試過睿志?  售後服務如何? ...

有心買國產野最好查下有無二手承接力...

Andykong

t1174 發表於 2013-12-26 15:45
睿志 AUDIO-GD N 年前聽過其HEADAMP, 平平無其, 音色好FLAT, 雖說不至HEA 死悶死, 但就是冇乜癮, 唔知現在 ...

昨日慢慢刨了何生個 website 一次，然後走 Headfi 刨左自已最合心水 model  (NFB-28)既 discussion thread 一次，師兄呢句 over-engineering 真係可圈可點！

調音其實是一種音樂文化多過工程 know how，由工程出發去完成音響產品，就算質數超標，但把聲夾唔夾可能真係只能靠撞彩！

Andykong

laz 發表於 2013-12-26 19:20
over-engineering很好的表達。我覺得何師傅不斷強調不妥協，結果又呢樣又果樣，但一點都不簡單直接 ...

我又唔覺得係不妥協，真係不妥協就唔會同一產品有 3 粒 DAC chip 任客人揀了。

我覺得佢是站在自已既 proud achievement (e.g., CAST, ACSS, ...)上堅持，頑固既 Engineer 見唔小，樣樣都信自已個套而又不妥協既很多時都係無得伸傾或者傾唔埋欄結局！

Andykong

laz 發表於 2013-12-26 19:24
我其實都有ED8, 出街用唔高調啦，我係香港見過有人在雞雞大廈出黎戴住隻ATH大木殻，炎炎夏日，倍感溫暖。 ...

ED8 唔係好大隻，但個種獨特支架形態和非常 artistic 既 ear-cup 真係一望就話比人知「我唔係池中物」咁！

By the way, 雞雞大廈即係 ??

單論聲底，我估 10 個有 7 個會 prefer Beyer 聲底多過 Sony 聲底，包括我在內！

我用 Dx50 mid-gain 試推隻 T70p，有越開越大聲既趨勢，因為加極個 Groove 和 un-換身指數都仲上升緊，但好快已經大聲到頂唔順要轉用 high gain，寧願接受小小底噪和粗聲，所以我認為 T70p 唔係想像中咁易推，我是在「右」店試既，個日撞正 X5 樣版到版，D 人聞風排晒隊，所以間 shop 非常好招呼佑但都唔算是理想的環境，dx50 和 dx100 各試了 3 首歌的 first half 就放低了。等假期過晒個市無咁旺先帶埋隻 Z1000 出去再覓場地試真 D 了。