好耐冇上13樓買CD，—上去又入左D!

giseegoobi · 發表於 2013-11-23 14:43

好認同幾位前輩既講法！正所謂百家店賣百家貨，更會有百家客！
上得去都係為左d野齊價錢公道，唔會d貨炒炒炒，同埋佢生存到而家一定有佢生存之道！
或者佢對生客真是不太有善，但總好過好多扮晒熱情既sales 崑你買呢樣果樣，又話咩版本好聲！
上得去老實講個個都係有晒目標知佢平老實，有時更加為左揀no.

guly · 發表於 2013-11-23 14:50

我開頭上去都試過俾佢激親, 後來接觸多咗, 覺得佢份人好nice同健談!!

slche2001 · 發表於 2013-11-23 15:05

記得兩三年前初初上去見到玻璃櫃有碟自己有興趣，問佢賣唔賣，佢話暫時唔賣，態度都唔係差架，到上多左去買野，開始有偈傾添，到而家每次上去買野，佢價錢一定平過一樓，仲會再平$5~$10一隻比我，訂碟永無甩底，唔幫趁佢幫趁邊個？上到去有時遇着佢忙緊，我都唔煩佢，買左自己所要嘅咪走囉，你尊重明白佢佢自然都尊重明白你，我同佢買野就好開心嘞。

不過有時唔可以怪佢態度差，試過有一次有個男人入黎問有無鄧麗君啲碟，佢問你想要邊隻，男人話你有邊隻，咁佢咪答無鄧麗君啲碟，之後個男人走去佢行人止步擺貨嗰度，coolman咪話嗰度啲貨唔掂得，男人話買碟睇吓都唔得，佢答嗰度係擺貨嘅，睇碟只係睇到行人止步前，結果個男人緊係無買野啦，咁我唔覺得呢件事上coolman有咩問題喎，比我我都會咁做。