Pet Shop Boys rarity

takeishi

psb 發表於 2014-7-15 15:48
如果距地系用上便 DJ CULTURE SINGLE 封面照片做演唱會宣傳海報, 可能我都無執輸會"出手"架! {: ...

  唉~歲月不留人囉. 你睇下 Tennant 個頭. 呢家得番幾條毛毛.
同以前相比. DJ CULTURE 個封面比較. 真係唔駛講啦. 果陣又後生又有型. 又多頭髮. 又FIT
呢家. 中年發福. 甩頭髮. 圓碌碌. 肥滕滕既老叔. 真係爭好遠.
BY THE WAY ~ 佢地兩個都真係幾恩愛架. 可以同愛心一齊生活. 一齊工作. 大家都咁喜歡音樂.
真係幾幸福. 可能係咁啦. 所以一日肥過一日囉.

psb

takeishi 發表於 2014-7-15 16:47
唉~歲月不留人囉. 你睇下 Tennant 個頭. 呢家得番幾條毛毛.
同以前相比. DJ CULTURE 個封面 ...

妮D米叫魯， 一世吾系人人有,  要惜得把握同珍惜...其實同性戀可以好長情...好快 Neil Tennant 會連最後一條毛都無埋...PSB 過左30年有多, 人生有多少個30年? 多數流行電子組合都收曬皮魯...同一批的德國最流行二人電子組合 MODERN TALKING 同挪威 A-HA 三人電子組合都收曬皮 bye bye 玩完...

takeishi

psb 發表於 2014-7-16 09:56
妮D米叫魯， 一世吾系人人有,  要惜得把握同珍惜...其實同性戀可以好長情...好快 Neil Tennant  ...

  我都好羨慕佢地兩個既關係. 兩個人真心相愛. 打破年齡性別的規範.
外國好多呢D例子. 不過香港似乎就無啦. 何況~好多人仍然歧視同性戀. 基督教直頭好似當係罪人咁啦.
所以晌香港都幾難可以俾人接受到囉. 其實兩個人相愛. 關人咩事呀. 佢兩個人既事. 第三者真係無權干涉.
何況. 香港D女人真係好多都好乞人憎. 都唔怪得呢家咁多人攪基架.  

  言歸正傳~搵下搵下. 又俾我搵番張廿幾年前既唱片出黎. 真係滄海遺珠呀.
我係得呢一千零一張 PET SHOP BOYS 既唱片架昨. 重要係透明膠限量版.
其實我重有一張12"既透明膠IT'S A SIN既香港版架. 不過.......唔見左啦. 唔知去左邊.
可能遲D搵下搵下又俾我搵得番出黎既.

psb

takeishi 發表於 2014-7-16 16:11
我都好羨慕佢地兩個既關係. 兩個人真心相愛. 打破年齡性別的規範.
外國好多呢D例子. 不過香 ...

同性戀也是他們的不幸, 因為直到90年代美國大眾尚未可以接受同性戀, 再加上他們的 DOMINO DANCING 單曲 MTV 被偏見認為是推動同性戀, 因此美國市場當時開始遺棄PET SHOP BOYS, 記得DOMINO DANCING 是PSB最後一張單曲 打入 top 40 US Billboard Hot 100 Singles 排行榜.... 再加上那時 NIRVANA 音樂征服整個世界的音樂潮流, 人們慢慢忘記了電子音樂和組合. 此後 PSB 有好多新單曲總是打入美國 Billboard Dance Chart 舞曲榜第一的,  但就吾系 HOT 100 Singles 榜. 至今PSB 成為美國第3個最成功的流行舞曲音樂歌手, 而第一座位是麥當娜. 如果他們在性開放的本世紀出道, 相信他們的命運會大大吾同, 會在美國取得更大的成功.

psb

見到兩隻罕見的 It's Alright 單曲 3" CD SINGLES 放在一起成為一體, 感覺挺好, 有一種完整的感覺...這種感覺對於一個收藏家是幸福同興奮的!

The PSB rarity will continue...  

psb

takeishi 發表於 2014-7-16 16:11
我都好羨慕佢地兩個既關係. 兩個人真心相愛. 打破年齡性別的規範.
外國好多呢D例子. 不過香 ...

忘了同您分享 "得閒炒飯"一部周慧敏同吳軍如的DVD電影, 是關於同性戀的, 好正, 很喜歡這部電影, 實際上同性戀已經很普遍常見被一般人接受了.

psb

好希望有"得閒炒飯"續集... 哈哈

takeishi

psb 發表於 2014-7-27 01:24
好希望有"得閒炒飯"續集... 哈哈

  我無估錯既. 你同我都係"MEMBER"    RIGHT ~
呢套戲我無睇過呀. 遲D得閒睇下先. 有關同志既戲其實我興趣不大. 好多都根本同現實偏離.
真係當睇場戲睇個故仔咁睇架啦. 現實生活當中根本就無可能有呢D事情發生. 所以. 無謂俾自已太多不切實際既幻想.
你我都知道Memebr條路係幾難行架啦. member既感情生活根本就係好脆弱. 不坎一擊. 不過行得呢條路既就預左架啦.

psb

takeishi 發表於 2014-7-28 12:09
我無估錯既. 你同我都係"MEMBER"    RIGHT ~
呢套戲我無睇過呀. 遲D得閒睇下先. 有 ...

哈哈哈...你估錯曬啦大哥!!! 我不是 "Member" 黎架, 娶左老婆啦, 雖然很多我喜歡 D歌手是同性戀, 距地有藝術同創意啦麻. 我從來不歧視同性戀, 我的一些朋友也有同性戀, 我學生(我是大學講師) 都有一些同性戀者, 習慣曬魯... 同性戀同普通人沒有分別, 我覺得距地更加重感情.

takeishi

psb 發表於 2014-7-28 12:35
哈哈哈...你估錯曬啦大哥!!! 我不是 "Member" 黎架, 娶左老婆啦, 雖然很 ...

  哈哈哈哈~原來我估錯左. 不過. 唔緊要啦. 我認既.
我都想好似你地正常男人咁結婚呀. 但你知啦. 無可能. 香港根本就唔可能接受同性婚姻.
何況. 我既另一半係一位"日本人" 我地誇國界既同性關係更加難度高. 所以. 算啦. 都無得諗咁多.
亦無得俾我選擇. 晌呢個圈入面. 搵到一個大家都愛對方既人已經係一件十分難既事.

  BTW~請番PSB先. 原來我有呢隻LD架. 好耐年前啦. 呢張碟有海報送架當年.
可惜既就俾. 俾我掉左啦. 真係遺憾.