beyerdynamic T51p: 整合早期聽感及煲機後聽感

jo_ckh

斯路 發表於 2013-11-7 18:43
可以再修正一下以上講法呢。一直以來只係插住同一部amp，發現原來換amp分別頗大。
聽耐左再黎個修正先， ...

我 AV Show 聽過, 好有音樂感, 一聽難忘。我係用 DX100 試, 直推完全收貨。

kelvinhin

尋日我自己親身試左DT1350同T51p, 並用Xperia Arc S直推，結果都係鐘意DT1350多啲。DT1350的音色勁似DT880 Pro, 高音唔會好尖，中音有啲飽，低音量唔多而實。T51p高音延伸力強，解析力更高，但高音有啲吉耳。可能係T51p太clear, 反而突出了電話直推嘅缺點。睇嚟遲啲要搵部靚啲嘅player去試先見真章！
(Post76 Android 手機版送出)

斯路

我曾經都係DT1350用家，但並唔覺得DT880同DT1350有相似之處呢，DT1350聲音對我黎講太硬，太studio monitoring聲，而DT880相當全面，比DT1350亦順滑唔少。

煲左好一段時間機，同時亦因為實在有些少壓力，就返黎逃避左一下現實，寫一寫左煲機後既感受想同大家分享。

已經更新左去正文度啦。

---

呢半年期間配置改變左唔少，由於轉左新地方生活所以便攜玩具都唔齊，家用置備就更唔使講。期間忍唔住所以添置左左Violectric V800同埋V200，換上左台式配備繼續長時間細聲煲T51p。同初入手時相比，改變非常之大。

T51p整體音色實淨但唔強硬地表現其高訊息量令我覺得T51p亦剛亦柔。聲音密度以及連貫性高，動態表現唔錯。T51p對推力有要求，但一般直推並唔失禮，唔易出惡聲。個人傾向最好加耳放，Just Audio AHA-120會係一個唔錯既選擇。

值得一提既係，T51p的確係Tesla系列耳機。用上Violectric V800+V200，開第二細增益，T51p聲音具有Tesla系列個種密度，聲音非常細緻。細節多但唔會太有偏頗，但唔會過分強調細節；簡單黎講就係能夠令我聽得非常舒服地多細節。特別係比較細微既部分，例如弦樂部擦弦以及弓法刻劃等等，聽得到之餘唔會過量，聽感自然。

以便攜耳機黎講，T51p出到算係非常闊既頻寬，加上非常優質既低頻，T51p能夠優秀地表現出中程度既動態；至於大動態表現雖然無法同同前端下全耳式耳機例如beyerdynamic DT880(600)/AKG K702相比，但顧及到T51P只係便攜耳機加上係封閉式設計，佢對於大動態音樂既表現絕對唔失禮。如果加大增益去催侷動態表現，即使能夠令T51P動態變得更猛，亦會因為佢係封閉式設計而令到含混，細節失去條理變得紊亂，聲音變粗，未必會聽得太舒服。

個人猜測，或者同物料有關所以T51p聲音微微帶有金屬感，或者因為咁所以T51p既高頻稍乾，而低音弦樂部分比較容易出現較有機械感既聲音；呢一點我個人持中性至偏正面既評價。同時亦係個人猜測，有機會係物料因素，而令T51p結像相當唔錯，音場帶金屬感地立體，有一定定位能力。其程度係我係其他同類型定位既產品所未見過。試聽左Mr. Children Simple (1/42，Live Recording)以及Jason Mraz Sleeping to Dream (Tonight; Not Again, Live Recording)，現場感非常高，低頻稍多但同聽流行音樂會現場相若，我非常喜歡。

係整個煲機過程中T51p變化相當微妙，改變好大但同時都重係T51p。最主要係整體表現融合程度改變非常大，細節表達方式變得更細膩同埋無咁衝，本身密度非常高既聲音其實唔算太自然，經過長期煲機後密度質素提高但同時變得更自然。

呢對係我非常推薦既一對耳機。

甜鬆潤

斯路 發表於 2014-4-22 04:12
我曾經都係DT1350用家，但並唔覺得DT880同DT1350有相似之處呢，DT1350聲音對我黎講太硬，太studio monitori ...

物料應該有好大既影鄉力
小弟新買既ES10（金屬殼）同試過demo既ES9（木殼）聽感都幾截然不同。

甜鬆潤

斯路 發表於 2014-4-22 04:12
我曾經都係DT1350用家，但並唔覺得DT880同DT1350有相似之處呢，DT1350聲音對我黎講太硬，太studio monitori ...

就以低頻黎計，我會認為ES10既低頻下潛唔深但係量多，而且實凈得黎清析，係可以影象化既低頻。
ES9木殼既低頻就比較擴散，相比底下會較矇，但係就有唔錯既迴嚮。
當然以上只係小弟既愚見。

thisismyname

斯路 發表於 2014-4-22 04:12
我曾經都係DT1350用家，但並唔覺得DT880同DT1350有相似之處呢，DT1350聲音對我黎講太硬，太studio monitori ...

好似好正, 揾d時間去試試先
唔知會唔會試完有番以前嗰種想帶便携耳機出街嘅心情, lee排出街一直都係聽iem

斯路

甜鬆潤 發表於 2014-4-22 16:40
物料應該有好大既影鄉力
小弟新買既ES10（金屬殼）同試過demo既ES9（木殼）聽感都幾截然不同。

咦，ESW9同ES10係用上同單元定唔同單元架?

其實質料影響應該有，但到底有幾大我又講唔清楚。正如T51p咁樣，唔能夠講得清楚到底係物料定係單元令到佢有某d特質。希望師兄你有時間都去聽聽T51p，再同ESW9同ES10對比下啦

thisismyname 發表於 2014-4-22 17:16
好似好正, 揾d時間去試試先
唔知會唔會試完有番以前嗰種想帶便携耳機出街嘅心情, lee排出街一直都係聽iem

試試就點都無妨既，不過覺得初聽同煲開後T51p表現相差都幾遠，煲開後表現非常forgiving，呢點係我係上面唔記得提及到既一個大優點。香港都應該變熱天啦? 咁既話好似都係玩返IEM方便d

甜鬆潤

斯路 發表於 2014-4-22 17:36
咦，ESW9同ES10係用上同單元定唔同單元架?

其實質料影響應該有，但到底有幾大我又講唔清楚。正如T51p咁 ...

依個問題非常值得討論，其實理論上質料影響大唔大呢？尤其係封閉式？

黑翼菜鳥

斯路 發表於 2014-4-22 17:36
咦，ESW9同ES10係用上同單元定唔同單元架?

其實質料影響應該有，但到底有幾大我又講唔清楚。正如T51p咁 ...

我無記錯的話W9是40MM,ES10是50MM(我也是一位前用家)

斯路

甜鬆潤 發表於 2014-4-22 17:54
依個問題非常值得討論，其實理論上質料影響大唔大呢？尤其係封閉式？

呢個就要交比師兄你多入手分享一下啦