Nht Classic Three & Classic Two C 的100個鐘後...

cakecake

日煲夜煲, 前中置3隻Nht已煲了大約100個鐘
係時候做番MCACC(auto setting)了.....and出報吿了
之前唔做係因為知道新speaker做auto setting都係side 氣
(因為之後要補做)
其實小弟一直都擔心LX50唔夠力推呢3隻Nht(靈敏度唔高)
再加上身痕.....所以前排話要換amp...
所以今日同自己講如果部amp較完D聲唔得的話就換amp..

放工返尼開左部機煲一個鐘speaker先至做MCACC
做完MCACC之後check result..發覺前中置3隻既輸出比之前用Monitor Audio BR時為大
高低音既EQ亦比之前用Monitor Audio BR時為高..
其實都係意料中事(密敝式低音難推+高音無MA咁高, 推高EQ去幫補下都好合理)
跟住微調一下EQ, 各聲道輸出..etc
好啦.....放隻小弟用尼較機既其中一隻~~L' Arc-en-ciel DVD Concert..
開聲.............
發生咩事...???點解D聲靚左咁多??
比起之前用Monitor Audio BR靚唔止兩條街...
高中低層次分明(三路speaker既威力), 以前係一舊同散既Bass drum, 而家係聽得出踩左幾多下Bass
而且實淨有力, 密敝式低音果然好D..
高音無MA咁甜, 但論營造聲音既真實情度, Nht較優勝...
亦因為夠真, 投入感亦大增
跟住開隻"新變型俠醫"BD,
以前用MA都可以較到有打心口feel...而家打得重勁....
而且聲音快左, 清析度高左, 好多弱音比之前更出..
之後試左好多碟, 全部都好似upgrade左D聲咁....
尤其是睇戲.....真正快狠勁....

今日先知, 原來Pioneer VSX-LX50一直都俾我封印左佢既能力...
今日先真正發揮佢既能力....
所以.....都唔考慮換amp住了......

qq1122yq

cakecake兄好在無衝動
提議每換一樣硬件,應用一段時間,睇下個特性啱唔啱口味先改其它,對正下藥...
  NHT咁正,小心又被人盗用呀  

cakecake

cakecake兄好在無衝動
提議每換一樣硬件,應用一段時間,睇下個特性啱唔啱口味先改其它,對正下藥...

qq1122yq 發表於 2009-7-28 01:05

換硬件唔好心急轉o係我初買subwoofer時已經學懂...
(用左$6000去學懂..... )
都係身痕作怪...其次真係想轉下口味...
我對LX50一直都好滿意, 再加上而家佢同Nht speaker合拍成咁...
想我放左佢都幾難...

......今次唔會又俾人"偷"左間房掛......

cakecake

Congrat! cake hing saves the life of Pioneer LX50 and NHT. You are God!
ryanenen 發表於 2009-7-28 00:52

ryanenen 兄客氣了....

ikkjr

日煲夜煲, 前中置3隻Nht已煲了大約100個鐘
係時候做番MCACC(auto setting)了.....and出報吿了
之前唔做係因為知道新speaker做auto setting都係side 氣
(因為之後要補做)
其實小弟一直都擔心LX50唔夠力推呢3隻Nht(靈 ...
cakecake 發表於 2009-7-28 00:45

能盡可能發揮現有器材至極限,

真高手也

cakecake

試左以下呢D碟for Fine Tune:

Batman Begins:
試左Batmobile首次出擊果段, 開車頭燈跟住果下engine聲…直情好似老虎咁撲埋尼, 以前就好似隻貓咁離遠大叫…..跟住架車由遠駛埋o黎直至聲音去到後置走埋…聲音前後置配合比之前更好, 聲音更連貫..Batmobile蹗上去架警車, 壓爛左D玻璃聲和金屬聲好清析, 連跌落地果D玻璃聲都聽到(以前好D聲好弱), 跟住架車落番地果一下低音, 好實在, “Boom”完之後收得好快

Batman The Dark Knight:
試左炸醫院果段, 以前爆真係得個轟字, 呢家爆得尼係有細節好多, 沙石聲多左, 最後大爆果下, 首先前置好似有團火擁在我面前, 亦因為前後置配合比之前好, 之後就好似感覺到俾個大火球包住咁..(其實試左幾段的, 不過呢段最有驚喜)

新變型俠醫:
試左一開頭成堆特種部隊揾到主角果段和大學內大戰果段. 堆特種部隊破門入去間屋之後向住張牀開左好多槍(麻醉彈), D麻醉彈每一下打心口既勁度俾之更高而且快, 麻醉彈打入棉被既聲音比之前更真實…去到主角變左”大隻佬”, 麻醉彈打唔入彈番出尼既聲音好真..真係好似打落舊膠彈番出尼咁..跟住擰轉身踩爛地下既麻醉彈, 玻璃磨擦地下既聲…以前係弱到無咁濟, 淨係聽到玻璃踩粹既聲…直到大隻佬捧起架起重車, 原來捧起果一下都有少少低音的…以前係聽唔到…..去到大學內大戰果段, 最有驚喜係佢o係條橋入面變身果度…佢爆開o個兩條石柱飛過尼既聲好快, 而且收得好快..爆果下既低音比之實左好多…以前呢下低音好散…而玻璃碎聲亦好似飛落我塊面咁…

007皇家賭場:
一開始主角追個黑人果段, 鏟泥機推冧間屋果下, 力度比之前大左好多, 子彈打落鏟泥機既玻璃好清析. 跟住果D一”look look”既鐵通從高落地既聲(低音), 以前好濛, 而家就聽到清左好多.

Mr. & Mrs. Smith:
屋內大戰, 安祖蓮娜係樓梯上開散彈槍, 最後退彈殼果下聲, 金屬槍管互相磨擦既聲質感好好..而最後退果粒彈殼跌落地”look”開左既聲亦比之前”look”前左. 散彈打穿牆, 聲音多左份打落有牆紙既牆既感覺. 跟住安祖蓮娜開步槍, 每一發既槍聲清析有力左, 多左少少打心口. 子彈打落雪櫃門既聲比之真實好多. 到最後煤氣喉爆果下, 亦都係最有驚喜, 低音&高音終於無失控了, 真正感覺到有團火球擁出尼, 唔係一盤火咁散出尼……

新手報告打住咁多先…重有演唱會表現未講…

cakecake

能盡可能發揮現有器材至極限,

真高手也
ikkjr 發表於 2009-7-28 09:36

ikkjr兄...客氣了...

acepiloted

好似好刺激咁boo..

Let-Go

Let-Go

cakecake 哥
"Nht Classic Three & Classic Two C" 幾錢呀??
估 Yamaha AMP 推佢地 OK 嗎?