經一事長一智， Case Study......

jason1969

其實買二手,一定要試一試先買.

stevenyu2000

jason1969 發表於 2013-8-10 11:35
其實買二手,一定要試一試先買.

物品有部份功能你未必用得着但一定要試！唔一定指二手，包括全新品。 以我case為例，賣家可能買貨時已壞，但佢無試optical out.
又例如你買dac, 有單端及平衡出，你只有單端，好自然試single out only, 請死都要店接好名樣輸入輸出試好晒名樣功能，唔係日後要用或者要賣就煩！

BTW , How can I test the optical out and charger in MTR station

jason1969

stevenyu2000 發表於 2013-8-10 12:02
物品有部份功能你未必用得着但一定要試！唔一定指二手，包括全新品。 以我case為例，賣家可能買貨時已壞 ...

咁又係, 真係要睇個人運氣囉

scene030112

或姐約佢去音響鋪到試?
如果雙方唔介意既話,咁樣應該可以試得齊果堆功能先

Keith824

本來都無諗住應你，見你大做文章講到自己大俠一樣，真係忍唔住都要回應一下，只此一次，因不想男人老狗喺度好似八婆咁講事講非！
首先我唔怕你公開網上ID, 當然如係個人資料等你就等收律師信。
我同你deal嘅時候講明閒日只可夜晚喺我附近，星期六就邊度都得。你要去邊度試都無所謂，反正我根本無嘢要隱瞞！部機仲有保如有壞我唔攞去整特登玩你？這點你應清楚！至於你話事後態度，師兄講嘅只喺部份，我補充一下
Deal 完嗰晚收到你msg, 話個火牛w數唔夠，要我退50元，我即复你OK，因老實講隻牛我隨手攞，你覺得唔得我都唔好意思。半夜臨瞓前再收到MSG,又話駁電腦認唔到driver, 我心諗俾你前我都試過放歌落去，無理由唔得，叫你再試，如真係唔得就call我，但之後再無提，我諗即係可以啦！第二日下午返緊工又收到MSG, 話急事叫我call你，我喺深圳開工都即刻打IDD俾你睇下咩事，點知你話我部機個volume制如果用手指去捽會有小小陏動，但唔影響操作，叫我幫你攞上深圳整！喂，大佬，你用手去捽有小小洧咁都係問題？我真係有D滾滾地，拒絕你就當然，我都忍住話不如攞返去X源整喇，反正有保，但你話唔想等咁耐，咁我只有sorry收線啦，大佬電話費我都唔同你計，你夜晚又send段片嚟話我部機個volume制斜咗，我肯定俾你嗰陣無問題，斜咗你當場check唔到？定係你折過部機整后攪唔掂，邊個知？第二朝再收到你MSG 話coaxial 有問題，要退錢，大佬，究竟你想點？講到最緊要就係coaxial，點解事前無問過，你有問我實check, 之後第一晚你又點解唔試？你攪咁多無非就係想退錢，正常情況下我已ok，2千只係小數目，但你個情況唔到我唔懷疑你當我老襯！你係第二個forum啲post,教人整Dac, chip set之類，又拆曬部機影相，你話你唔識整我真係唔多信。再講，反正有保，點解你唔肯去整而要我拎上大陸整？成件事我覺得好似俾人坤緊，但如果誤會咗你就真係唔好意思！

stevenyu2000

我亦只回你一次:
火牛你應承退$50, 但搞到咁，我亦費事退，所以我無再問過。

個volume制我即時係睇唔到，第二朝扲friend部960mod對比先見到，所以拍低左個情況話比你知。 我message你前email左學林問，佢地叫我寄回維修。
点解唔比x源整，因為x源收左唔會即時寄，經佢地有排等，起馬成個月。 原本可能只要一星期就ok. 見你做野同學林維修同區，先問你幫我拎上去整。
個volume咩問題，我拍低左片，自己睇下。 但聲無事，我之前又睇唔到，咁你reject我咪收聲，的確小事。

Watch "960 button 2" on YouTube -
Watch "960 volume control problem" on YouTube -

P.S. 四日後我有另一個friend收到另一部960, 同你部個volume制一樣係咁，先証實到係學林qc問題。 所以我無再提過。

USB 係我柒左，返公司用notebook無事！

我由火牛。。。到volume制。。。再到usb, 小問題係咁出，難怪我bad feeling, 唔知係咪又壞wow !

到optical out死！你話点解當晩唔check, 我成套DAC放左係公司唔在家，當日收工夜晩先交收。好自然第二晩先試。

問題接二連三，要求退錢好自然不過！

原本係好小事，但你開口就屈我拆機換野呢下嬲。 你有乜証明你無心賣壞野呀！所以你一講到咁我都無謂同解释咁多，收左聲！ 我post亦無唱你，只怪自己當日唔試足晒！

itoy2008

路過，有時一千幾百事少，交個朋友分享下唔得就當係正常商業交易，如買賣雙方交收先，講清楚幾日來可退或如有問題怎樣處理，照跟規矩。冇講，即貨一出門，恕不退換。所以提議買賣先，試清楚些。小弟常常買完野就等得閒先開，都好驚來野，但唔會怨，最驚買賣野比收埋佬Ching,因遇過d冇品既。希望大家以和為貴。^^來自: iPhone客戶端

午餐肉

路過 , 以和為貴先

兩邊睇
在賣方的角度 , 如果有條友咁買左後咁多事實成日話咁又唔得咁又唔得 , 咁真係會有 d 火都黎 , 咁又無理由專登拎去大陸修理 , 有單香港修理係好合理 , 最大問題係賣方如果唔出黎講清楚件事 , 咁真係有小小老屈成份 , 仲要開個貼專登插人 , 咁就左賣方的角度睇 .

在買方 , 買左還買左 , 有乜事當然係要搵你啦 , 去佰記買野都有 7 日包退啦 , 大那那兩千蚊喎 , 部野有問題想快 d 搞咁買方話寄返大陸咁快 d 都好合理(不過自己做啦) , x源要成個月先寄 , 咁係人地公司定下來的規則 .

在我角度睇 , 買得二手就會有咁樣問題出現 , 想無問題就買全新 , 玩得起就玩 , 玩唔起就算.
以上係個人見解 , 插我都好 , 這貼不再回.

cripsy

仲有保養已經好好啦. 二手買賣都真係幾頭痕. 你話如果d零售店舖可以做一d試機服務, 咁就解決左好多二手買家煩惱. hahahha 幻想當中.