原來我地 POST76既團購都好出名.....

火機

話說上次行MK, 上左間樓上鋪睇下 AV野, 見到間野都有買我地上次團購果部 DAC, 就問多口問下價(其實我已經團購左) , 同個 SALES吹下水, 點知講開先知原來有次有條友仔, 上黎又係問呢部野, 點知佢一野就話網上有呢部野團購, 仲要幾多幾多錢, 個網叫 POST76(係呢個時間, 我覺得自己勁似無間道, )平過你地幾多喎, 問佢地可唔可以再平D, 就係咁, 間鋪就同代理反映返 (話就話反映...實情係反台) , 叫佢地唔好再供貨比網上團體, 話呢D團購又做爛個市, 又冇售後服務, 總之就講到佢地收多幾百係為左有更好 SERVICE點點點咁啦.

之後上黎就見第二波dac收左皮 , 先知原來我地雖然網仔細細, 都開始好多人睇, 不過同時間, 我地集合大家力量取得既好價格, 真係唔好週圍唱, 尤其係同同行用"格價"形式去以團購價去討價還價, 呢點真係好易累大棚, 令到呢度同所有 AV行家都做哂敵人, 最後POST76同代理冇哂計傾果陣, 就大家都唔洗再有團購價買到平野勒!!!!

小瑟

唉....終都都吹到呢個風出黎......依家其實我都幾驚行影音店, 我怕比人打!!!

alexn

邊個咁冇品 .... 用網上團購價去同鋪頭 bargain ....

里奧

老實講 ,咩售後服務咪又係壞左自己拎去比代理整 ..... 不過預到有人上完網再去同舖頭格價 , 都好無奈  . 希望自己友唔好咁做 , 因為團購呢D大棚福利 , 唔係咁易攪 .

火機

邊個咁冇品 .... 用網上團購價去同鋪頭 bargain ....
alexn 發表於 2009-7-22 12:16

拉佢出黎公審........

里奧

樹大招風 , 其實四圍都有 , 我地團購價可唔可以用第二個再保密D既方式進行通知 .如會員資訊/P.M等 . 雖然唔係話有咩用 , 不過都降到要係會員先知 .

唉....終都都吹到呢個風出黎......依家其實我都幾驚行影音店, 我怕比人打!!!
小瑟 發表於 2009-7-22 12:12

radhk

唉....終都都吹到呢個風出黎......依家其實我都幾驚行影音店, 我怕比人打!!!
小瑟 發表於 2009-7-22 12:12

post76, 出去比人打到67.   呢d真係要避忌下.

Ken704

團購好難攪, 真係希望各師兄唔好太高調

civiclau

售後服務.....多舊魚...超!!講到尾咪怕冇生意...比間補我,我以後唔再幫佢買野{:1_337:}

radhk

售後服務.....多舊魚...超!!講到尾咪怕冇生意...比間補我,我以後唔再幫佢買野{:1_337:}
civiclau 發表於 2009-7-22 12:24

其實都唔可以咁講既. 人地要比租出糧. 仲有可以比人試聽既環境, 器材. 都要比錢既.