[拋磚引玉][聽感討論]AKG K3003,我的聲音

jasone_ti

[廢話]
不知何時開始旗艦universial fit iem的價錢已經由3K上升己cm的價錢上了很多
印象中應該是由FAD帶起的,不過當時也只是8-9k
而11年尾AKG推出的一圈兩鐵又刷新了紀錄,K3003就算和頂級CM比也不算便宜
$12800的公價實在非常嚇人(不能和XG比就是了),要知道CM能輕易賣8k以上的價錢除了頂級的音質外,手功也佔了很大因素,每隻都唔同,一定麻煩過UIEM
不過k3003出左咁耐都唔太見人討論,而其他貴價iem(ie Fitear tg 334)卻不乏買家和注意,所以我也未曾留意過
如果唔係想試IE800既時候望到有得試可能我成世都冇機會試到依隻咁強大既IEM
[/廢話]

以下係個人聽感,非常主觀

講左總結先: K3003係我聽過既UIEM/CM中之最好既耳機,沒有之一.

先講講我既配置:IPC> CLAS SOLO >DIY AMP
那diy amp是一名diy 高人製作的,比 triad audio L3更強,音色更暖

由一開聲我己被3003嚇倒,因為3003擁有非常優秀的音場和空間感.雖然它的音場並不是很大或很深的類型,也不算很3D.如果說3003的音場很真實的話,相信會比不少CHING圍插,而我也不會這樣說,IEM實在不能和speaker比.不過它卻擁有我聽過的耳機中最合理的音場.除了合理之外我也想不到其他形容詞.這裡的合理不是人聲係中間,大提琴係右邊如此低層次的表達,或者言語真的表達不到,換另外一個方式,它對音場的presentation是最合理的.

一隻合理的耳機,我會如此形容k3003.

除了音場外,3003的三頻亦很[合理].三頻很平衡,沒有過份地強調某一頻段,試聽的時候就是有一種感覺:耳機就是應該這樣.

以上所有的感覺,是在試聽的頭十秒內得出的.這就是所謂[中了]的感覺吧. 平時我試聽的時候總是盡全力找出所有問題,如果接受到所有問題而又喜歡的話才會買的.但在試聽3003的時候我很快的放棄找缺點了.不是說它沒有,例如在聲音的質感上是比較弱的.不過在短短三十分的試聽裏我很快由試機變左做聽音樂.成件事非常之自然.

3003亦是唯一一隻能給如此強烈退燒感覺的耳機.以前次次升級後都同自己講今次係最後一次,唔會再買.相信依個論壇唔少人都講過依個大話唔少次.仲要其實講既時候已經知自己吹緊水.所以最近我已經醒左,之前試canal works L05QD時我非常喜歡,亦同自己講:遲d入左依隻應該唔會再入其他野...呱.但試完3003卻可以好肯定咁講:入左佢真係唔洗入其他野(除非黎緊出6006啦)(portable咋).

很抱歉,說是聽感分享也不能說太多,因為對我黎講3003真係可以拋開一切,咩分離度,分析力都變成浮雲.我自已都算係所謂日本聲(這說法有d濫)既fans,玩過w1000/d5000/th7b/jvc dx2000等等也很喜歡.雖然我好肯定3003不像日系的風格,我卻深陷其中. 甚至令我完全冇心機寫er4既review同dx2000既開箱文.3003我係入硬,亦令我想出了完全冇諗過賣既hpp1,把所有資源放在3003上,可惜銀包唔爭氣要儲下先.

3003出左都唔止一年,應該唔少人試過/買左,唔知有冇其他CHING分享下

#我實在太喜歡3003,相信上面極bias,每個人既聽感都唔同架

hiyori

首先恭喜jason兄找到自己的最好
有人認為最好是有期限，我覺得即使如此，這也並不是一個輕易可達的目標，你要試過很多，也要對自己的口味和追求有深刻理解，然後才可以有種這是「肯定的了」的信心和感覺，從jason兄的行文，可以肯定jason兄是充份理解和一番體會後，才會寫出這樣的感動，非常難得

說回k3003本身
k3003是一對我非常欣賞的耳機，也是一對非常獨特的耳機
他的音色幾乎沒有相似的，如果真要找對概念和調音理念相近的耳機，我會認為是spiral ear se5way這對cm，不過兩者調出來的結果是不盡相同。兩者都是以真實樂器的表現(不是單單的還原)為目標，只是口味上我自己比較喜歡spiral ear的方式(個人喜好，沒有高下之分)。

k3003大概一直是被undervalue，而且也很少人談及，我覺得是有以下原因︰

k3003非常難推好，這裡推好的意思不是完全發揮，而是可以令k3003的魅力和特色表現出來。k3003的難推令我疑惑為什麼AKG會推出i版本，因為用在iPhone等電話上，k3003的特色完全展示不了出來，只有空洞的聲音，虛假的音場，堆在一起的聲音，幾乎沒有k3003推好時的影子 - 大概除了樂器的準確上尚有一些感覺，但這個有點尷尬的i版會令人有種k3003易推好的錯覺，我覺得這某程度上是影響了k3003給一眾燒友的最初印象，也令一些朋友對k3003沒有興趣。
如果接hp-p1的話，k3003的基本魅力會走出來，我覺得jason兄用「合理」相當神妙，這精確描述了k3003的其中一大魅力，她的樂器聲真實，size，timber，延伸都非常合理，hp-p1的分析和密度會令用家知道k3003的樂器還不是「真實」，但這問題不能簡單加amp解決，一般的amp推力太大，有機會把動圈駕馭到但動鐵部份就會over drive，而source方面還要更進一步的密度和分析力，才可以把整件樂器，整個樂團的表現出來，也把k3003的基本實力展示開來。現時的手提系統，要花不少心機調整才可以做到，不介意限定了k3003只能播某類大堆頭古典，hm901+平衡卡是一機之選，dx100和k3003相性一則般，不過dx100的分析力是可以的，配上一台配合的amp也可發揮k3003。另一個組合是imod 4gen做source，雖然會犧牲了分析力，但和k3003的音色取向配好，也比較易令k3003表現出其身價，如果centrance m8和dac mini 音色一致，也會是非常有力的後補。

簡單來說，k3003推不好的話，會令人覺得其定價太高，但推好的話就無可取代，k3003是耳機技術的發展未有良好系統配合的一個例子，市場確實需要係portable source同amp上有進一步breakthrough，這樣耳機市場就有可以有新突破。

k3003的定位也不是太好，她價格不便宜，直接對手有cm，還有精品iem如fitear那堆，fitear那些做功上出色，也有高級感，但k3003除了皮套外，那一外表看來比較弱的線影響很大，當然aesthetic的東西和聲音無關，但無可否認會影響買家意欲，而K3003也在Luxury和audiophile之間曖昧不明，這些定位問題都令k3003很難得到一個點去給大家去理解。

muffy

多謝分享!
原來師兄係K3003既fans! 失覺曬!
其實好欣賞你果句紅色字: "K3003係我聽過既UIEM/CM中之最好既耳機,沒有之一"
由此可見可能我套裝備未能完全發揮到K3003既真正實力!
不過有機會師兄記得要試下黎緊既其他旗艦產品, 如SE846同1plus2, 可能有小小機會會改變你既看法
不過都係果句, 去到呢D級別, 沒有最好, 只有自己最喜愛
始終聽感好個人呢!

jasone_ti

對846同1+2好有興趣,k3003的確開闊我既眼界
不過846的重點是低音,唔太好我口味
而1+2太神秘，muffy你又唔出review

muffy

jasone_ti 發表於 2013-7-6 13:27
對846同1+2好有興趣,k3003的確開闊我既眼界
不過846的重點是低音,唔太好我口味
而1+2太神秘，muffy你又唔出 ...

1plus2有人出左review啦已經...
我自己好少執人口水尾...
再加上黎緊好快會有demo, 所以等多D人聽過再討論都唔怕啦

原來846重點係低頻? 呢對野對黎真係超級神秘!
非常有興趣一試/一買

Drunnktroop

一件器材可以做到你唔去挑缺點
個下已經贏左

斯路

非常好睇既review呢, 之前都用過3003都好想同人分享分享個種好聽既感受, 奈何唔係好識點寫

對於「真實」個點我非常認同, 而有點師兄無特別提及但我亦非常鐘意K3003既一點就係佢個種高貴既音色, 應該同佢個重手硬身厚身既金屬外殼有關

恭喜師兄搵到心頭好呢

MICGAY

師兄,是重度中毒者呢

可以的話用一下三節膠試試,{:9_434:}

tomato75444

買左之後每日都好享受簡簡單單聽歌果種感覺!!!
(純粹我人感覺)

jasone_ti

Drunnktroop 發表於 2013-7-6 16:29
一件器材可以做到你唔去挑缺點
個下已經贏左

同意,可以話係最高境界
唔係佢冇缺點,而係令我可以忘記佢既缺點
令我沉醉在音樂中

斯路 發表於 2013-7-6 17:44
非常好睇既review呢, 之前都用過3003都好想同人分享分享個種好聽既感受, 奈何唔係好識點寫

對於「真實」個 ...

其實我聽左大概半隻歌,已經好好奇:點解咁強大既機好似冇人提咁
一search得兩個post,其中一個就是斯路兄的po了,不過沉得太勁,只好另外新po
不過我份人冇咩墨水,唔可以好似師兄寫review咁有條理
其實我係get唔到咩係貴氣,而我其實都唔知點寫實咁形容3003,只是很順耳,所以才想拋下磚,等各位高人指教下

3003的音色我不算特別受落,反而它呈現音樂的手法卻真的令我[走唔甩]

MICGAY 發表於 2013-7-6 19:14
師兄,是重度中毒者呢

可以的話用一下三節膠試試

CHING是買家嗎?
有冇得講多幾句
粗管三節好像不常見呢
我有一邊都唔太啱,入手後必定慢慢試

tomato75444 發表於 2013-7-6 22:37
買左之後每日都好享受簡簡單單聽歌果種感覺!!!
(純粹我人感覺)

完全同意

斯路

其實我聽左大概半隻歌,已經好好奇:點解咁強大既機好似冇人提咁
一search得兩個post,其中一個就是斯路兄的po了,不過沉得太勁,只好另外新po
不過我份人冇咩墨水,唔可以好似師兄寫review咁有條理
其實我係get唔到咩係貴氣,而我其實都唔知點寫實咁形容3003,只是很順耳,所以才想拋下磚,等各位高人指教下

3003的音色我不算特別受落,反而它呈現音樂的手法卻真的令我[走唔甩]

我寫下文都係發洩下又或者開心下, 都係想睇下有無得傾傾計者, 邊有咩條理之類可言
貴氣呢個講法睇落總會有少少俗氣 hahahaha
我諗我所想形容既係佢尾音個種好輕微既金屬感, 踏實唔造作, 而且亦唔刺耳, 好正好好聽

CW L05QD我都好欣賞呢, 可惜試聽兩次d聲都幾大分別, 唔知係咪因為兩次都戴唔同amp呢...aiyaa