<原創評測> The Last of Us: 美國末日與人性的表露無遺

大佬John

我未玩, 你地D post我只係立下眼睇...
我覺得寫劇本D人, 身邊太多物質, 佢地寫災後既自己對自己條命果種價值唔會作出調整
例如你生平有親朋戚友, 玩具寵物, 樓同車, Xbox成就分, 所有野加埋, 自己條命既總值係100分
到你災後所有熟人死晒, 冇人冇物, 你應該係生無可戀, 唔會再值100分, 仲會唔會咁努力去生存, 生存到咁又點呢? 都返唔到去以前果種生活, 仲駛唔駛傷害其他人來保住自己條狗命? 如果對方生存既話, 既價值高過自己, 例如人地係死剩夫妻、父女、母子 etc (仲有寄托). 我就一條友, 俾我就是鬼但, 成全人地好過

通常劇本只有兩種生還者, 一種係死都要保命, 自我估值100分既主角同奸角, 另一種係dead rising 果D psychopath, 自我估值零分, 但自毀都要你倍葬... 絕少有 零分 又肯大義既人

海盜

大佬John 發表於 2013-6-23 00:28
我未玩, 你地D post我只係立下眼睇...
我覺得寫劇本D人, 身邊太多物質, 佢地寫災後既自己對自己條命果種價 ...

我有諗過如果世上真係有喪屍,我寧願自殺死鬼左去好過,唔想自己變多隻出黎

@肥狗仔@

sagapo909 發表於 2013-6-22 10:15
又看到版大的精彩報告了

相對很多聲音表示結局頗為平淡 或是竟然是HAPPY END!?

人的世界往往的係充滿無奈。四處都係"美麗"的謊言，但所謂的"美麗"只係對個人而言。比如若果一開始有一大班人想求生，但因為抵唔住肚餓一個一個咁死去，到最後死靜一對夫婦。丈夫用儘一切辦法想太太生存落去，所以建議食人肉充飢。但太太站在道德高地，死都唔願意食。丈夫見太太再係咁只會難逃一死，所以講左個大話，話D人肉係鹿肉等妻子可以充飢。遊戲入面食David果班人，如果有小朋友出左世，哩班山賊點樣說服佢地食人肉?相信佢地會灌輸埋"人肉一向都可以食"的知識比小朋友。

每個人都有自己的選擇，大部份時候會好容易揀到，但亦會有好難決擇的時候。但每個決擇都會基於自己的價值觀，本作入面大部份人的價值觀都係比較自我中心。Marlene算係相對理性的人，佢同Joel遇到同一條難題，最後選擇左拭救人類，犧牲Ellie。但死前的求嬈並非純粹的"Leave me and take the girl"，Marlene如果唔死的話就一定會追捕Ellie，唔咁做的話人類就冇救了。國一日唔可以無君，如果火螢的人類拯救行動係基於Marlene的堅持的話，咁佢亦會明白到自己的重要性。若果要用自己的命同Ellie事但揀一個，Marlene一定會犧牲自己，但佢由中槍果一刻就知道Joel係永遠都唔會交出Ellie的，所以Marlene先會求Joel放過自己，否則火螢解體後就冇人再繼續哩個任務了。

至於Joel，佢係疫症爆發同埋20年的遭遇已經令佢唔再相信人類，係佢眼中人類值唔值得救都係問題(可以參考"第五元素")。反正我感覺佢都冇太大掙扎過。事實上長頸鹿果度已經反映左Joel開始怕因為將Ellie交比火螢，會令佢失去哩個人生寄託，所以講到出口叫Ellie返歸。對大部份玩家黎個係一個再荒謬不過的事，一個女仔點可以同全世界去比?但對於Joel黎講，地救/人類放係天坪上遠不及Ellie黎得重。至於岩定錯，就視乎玩家的價值觀，我相信哩樣野會影響到玩家對本作結局的理解同滿意程度。

@肥狗仔@

海盜 發表於 2013-6-22 21:47
我覺得個結局好不安
Joel 已經全無人性可言
難道人性本惡嗎?

如果遊戲一開始用一大堆反派黎話比玩家知咩叫性惡，咁最後Joel的行為就仿佛同人講: "人就係為生存而不斷掙扎同努力，我同其他人冇咩分別"。人性係本作要探討的一個話題，但要判斷岩定錯從而得出結論就要視乎玩家的價值觀。所以本作就好似係一份測試咁，一開始的題目可能好試答，但之後就愈黎愈難。當測試者想check答案果陣先知道原來冇標準答案的。

@肥狗仔@

在此多謝各位Ching的加分

jt9862

宜家再睇埋個review...
好想入手。。

sagapo909

@肥狗仔@ 發表於 2013-6-23 01:26
人的世界往往的係充滿無奈。四處都係"美麗"的謊言，但所謂的"美麗"只係對個人而言。比如若果一開始有一大 ...

說的很中 未被迫至牆角又怎會如此
這是人性本來該存在的善良吧

所以 我反倒欣賞DAVID這角色了
有點像Walking Dead的Governor

LCPD

呢隻GAME最好屋企熄晒燈,
再拎大部AMP個音量玩7.1,
真係一步一驚心,
有時嚇到心都跳出黎,
黑媽媽拎住枝電筒,
慢慢潛入去真係好好玩。

大佬John

想問呢隻2.0 有冇Pro Logic軟件支援, uc 1,2都有 (PS3冇硬解)

lawerce90

故事聽落好唔錯!!!
依家D遊戲唔係呢方面落D工夫冇咩人會買