有冇人好 enjoy 去德"8" ?

chuwing

fatkie 發表於 2013-6-9 01:42
我尋晚 check 機時就有兩三個熟客幫個 sales 手抬部機出黎, 仲一齊試埋一份, 好攪鬼 ...

人地做左咁多年更有佢本事；我第一套Naim都係係佢到買！

chuwing

shrek-01 發表於 2013-6-9 01:52
話說上年想換AMP安記3009(因3010未出要等)
因家住港島東(部機咁重唔想過海買)
有日放假由銅鑼灣行去灣仔(諗 ...

咁咪係law ! 有心買還過價又唔屎死；連價都唔還就話人地唔老實想賺盡！
如果自己想買到最平但又唔想俾人賺盡....咁都好難搞！

z01549

我好耐之前已經幫襯佢地，次次都好好禮貌！覺得好過樓上果d囉〜〜〜
問價錢都冇要我還價喎！

yuppi

chuwing 發表於 2013-6-9 01:16
雖然我現在好少幫佢買嘢；之前我都算係熟客！
不過今次樓主講ge嘢我就唔應同喇；人地打開門口做生意更係要 ...

話分兩頭講, 佢地真係好有禮貌, 不過問你想幾錢<--呢個絕對吾係正常手法.

HD308

chuwing 發表於 2013-6-9 01:54
人地做左咁多年更有佢本事；我第一套Naim都係係佢到買！

好同意師兄既講法, 只要有做定小小功課, 還個比較合理的價錢, 他們的服務態度是良好的, 我第一套Naim 都是他們介紹買的, 價錢算合理.

manKi

chuwing 發表於 2013-6-9 02:02
咁咪係law ! 有心買還過價又唔屎死；連價都唔還就話人地唔老實想賺盡！
如果自己想買到最平但又唔想俾人 ...

'如果自己想買到最平但又唔想俾人賺盡....咁都好難搞"

ice_man

chuwing 發表於 2013-6-9 01:16
雖然我現在好少幫佢買嘢；之前我都算係熟客！
不過今次樓主講ge嘢我就唔應同喇；人地打開門口做生意更係要 ...

同意...我都係果度買過吓野，Sales幾有禮貌，會耐心解釋啲資料過你聽，又可以坐低慢慢試機，我唔覺得佢地有問題啵...

香港嘅影音舖可以生存到廿幾年，相信除左呢間之外真係少之又少，就算個舖名一樣但地址、老細同伙記都已經唔同晒。所以佢地能夠生存到今時今日一定有佢地自己一套，如果真係呃人的話一早執左啦，只係做生意嘅手法各有不同，唔喜歡的話唔幫襯佢地就可以，如果真係有心買的話行多幾間問吓價，咁心中一定有個數目，回返自己心中個價，而佢地又做到的話咪大家開心囉，不用動氣嘅...

話時話我係呢度見過有師兄唔知係誤會定係刻意踩佢地，話佢地呃人錢又話佢地賣壞機、賣返pack舊野，搞到好似成間黑店咁，人人都怕左呢間舖。講句公道說話我去買野嘅感受係完全兩回事，Sales有禮貌，價錢OK，售後服務又唔錯，仲提供trade-in服務雖然回收價一定唔及綱上二手區，但都多個方便嘅方法俾個客。另外見佢收番D有問題嘅機都會放埋一邊等有關代理回收，老細話俾番啲機代理好簡單啫，使乜返pack賣舊野咁麻煩呢！呢樣野我信佢地...

uglyduckling

半年前第一次去問 amp 價, 服務有禮, M 哥都係講/(問) 同一樣嘢, 我無做功課亦唔知公價, 笑吓就走

後去 K showroom 試過 q200 及 r100, 知道公價幾多, 决定 r100, 去 M 哥鋪問 r100, 佢開價我覺合理, 買下 r100 (其實我都無去誘承及SSP等鋪四圍格價),   

由於 r100 價錢合理, 再同時買埋 r200c 及 eq-max8, 我相信 M哥唔會大咬, 我講多两句, 再平 200蚊, 我不知幾開心

落單比曬餞, 約好日期時間, 送貨前毋須電我, 準時夜晚9點送到, 送貨大哥好有禮貌, 耐心等你檢查, 你滿意收貨後先離去

timlee672

我都應該算熟客，之前同佢買過一部avamp，同老闆講話只要同時期唔好貴過人地我就0K，結果2星期後代理自動減價佢話都無計，結果佢話比我買返一樣我不樓都好想買而唔想咁貴買既貨比我（佢應該要siz），算有心啦

louis001

呢間我去過六七次 四次有試野 其它係問價 一次冇幫襯過 亦冇黑面過
我覺得佢地服務係OK既 可能係樓主師兄個日去開個SALES哥哥心情唔好啦