請教2CH系統是否適合+SUBWOOFER

manblood

plnl88 發表於 2013-6-5 14:37
叮噹大哥，主動式十仔九成有 cut off frequency set 的。
返而 主體 woofer 的反應 夠唔夠 快速 先真係一 ...

晶爺,...SUBWOOFER過機線改為銀線會唔會有幫助呢? ..............定系SUBWOOFER本身0既先天不足?

ST33

manblood 發表於 2013-6-5 00:26
我個12"WOOFER放響聽度,...好大舊,..大人成日話無鬼用,阻住佢,....就黎搵唔到直口啦  ...

賣咗佢, 再買D啱玩嘅嘢放落2ch!

plnl88

manblood 發表於 2013-6-5 16:01
晶爺,...SUBWOOFER過機線改為銀線會唔會有幫助呢? ..............定系SUBWOOFER本身0既先天不足 ...

係隻woofer本身的設計問題。
睇戲用的woofer,為左增强punch感，
多用厚邊。如此一來。會不利重播連續不斷的快速bass attack.
出現反應延遲，聲音混亂的情況。
反觀用舊式風琴邊woofer所'造的就不會有此現象、
換線不能解决此先天不足的問鶗。

plnl88

soba 發表於 2013-6-5 15:06
2CH 用十仔一定得，尤其系用在書架喇叭上，不過要選適合2CH用的。

呢位師兄講得岩。以前D書架多用12吋woofer,又行埋三路。
低頻重現能力比而家D六吋半強好多好多。

ilavbnm

plnl88 發表於 2013-6-5 16:28
呢位師兄講得岩。以前D書架多用12吋woofer,又行埋三路。
低頻重現能力比而家D六吋半強好多好多。 ...

2聲道加十仔當然得啦...因為我多年前已聽過
玩法就係好似我之前所講
不過...當時唔係主動式十仔...係用mono amp x 2推兩隻十仔
對十仔仲係diy(唔記得係12寸還是15寸)...感覺真係好震撼...

plnl88

ilavbnm 發表於 2013-6-5 16:40
2聲道加十仔當然得啦...因為我多年前已聽過
玩法就係好似我之前所講
不過...當時唔係主動式十仔...係用mo ...

係呀。我記得中三，四那年，同學老豆玩自製四路電子分音。
自己造左兩隻15吋woofer音箱。個時都以為佢係儍的。
到自己出黎做場時，班隊友個個都係自己套野度加超高，15吋低音。
先知道原來要出哂隻黑膠D聲，非此不可。因為當年係無樂譜可買。
全靠自己用耳仔去聽，之後默返出黎。所以2ch用十仔已是咸豐年代的事情，
只是D後生不知道罷了。

zoneaudio

玩2.1,5.1地方夠大先有用,音量要適當不要貪勁而開大破壞整個音場,
盡量選擇無倒相孔的,仲要留意播放20HZ半波長要距離28尺咁遠,
聽一個完整20HZ就要五十多尺,自己衡量一下家中可以點..........,
你隻十仔SPEC並不代表家中可以做到,強而行之換來是腫,蒙,慢

ilavbnm

plnl88 發表於 2013-6-5 17:30
係呀。我記得中三，四那年，同學老豆玩自製四路電子分音。
自己造左兩隻15吋woofer音箱。個時都以為佢係 ...

我仲係o靚仔果陣...有個世叔伯就係咁玩
當時乜鬼都唔識...淨係知個EQ好好玩...成日將d犁推o黎推去(又無比人鬧喎)...

plnl88

zoneaudio 發表於 2013-6-5 17:59
玩2.1,5.1地方夠大先有用,音量要適當不要貪勁而開大破壞整個音場,
盡量選擇無倒相孔的,仲要留意播放20HZ半 ...

玩 Hi Fi，有地方當然係最好，由其係聽大棚野個 D 。
喇叭後無返三呎離牆又真係頭都赤。都唔知點裝得落個四十件樂器。
但，如果係聽 rock, jazz, fusion, big band 十零件野又唔一定要好大地方。
小弟個聆聽地方只有約七十呎，放滿雜物，2.1 用隻 Impact 12。woofer 到前牆 只有五呎度。
上過黎的師兄都被我個狗竇嚇左一跳。
但，支電 bass, double bass, 隻kick 的像真度卻出到有八至九成。
以小弟的經驗，重播 band sound 計，十仔擺位真的重要過地方的大細。
同時，正如師兄所言，調校適當的音量，工作頻段，亦是非常重要的一環。
over 與否，全在於這三方面的處理。

nicknick

可否講講是那款十仔？

2ch加十仔有它獨特的樂趣，我之前的2ch有幾年時間都用subwoofer的，1隻、2隻、3隻都試過，用電子分音、用外置EQ、用av十仔自己的eq等等都試過，也碰過無數釘，脱腳問題、試擺位試到傻只係冇放落sofa底，找出每個位對3頻的變化都試超過兩年才稍為滿意……

可以好好玩，但絕對唔易玩，仲要好有耐力，你準備好未？