升級邊樣野升

bertram

小弟用緊
iPod classic >$100 cheap過機線 > VorzAMDuo(升級感不大, 唔知關唔關過機線事) >BA瓦哈拉 > shure535R

如果我想再升級呢套野, 你地覺得應該換左過機線先? 買DAC? 還是換PLAYER? 定直頭換左耳機?

hiyori

師兄目標既升級感係想做到點效果?

guppyguppyguppy

過機線當然係crystal cable 啦

hiyori

先補充一點點小弟的想法

先假定你喜歡535r的聲音
我覺得535r好易推好，一般加amp影響不多，比較夾既amp有iqube，rsa p51，Pico，三部機出來風格會好唔同
係source上入手會有多d提昇，如果你喜歡ipc，咁可以考慮上HP-P1或者Vamp Verza，快推出的Centrance M8都值得期待，不過呢個組合加起來都唔平，如果IPC不是必定的，咁可以考慮換Source，source選擇有唔少，真係要看你想要點既效果同表現，還有預算同接受到用咩野出街了

如果535r不是你最喜歡的，那師兄可以形容一下你希望想要點既聲，咁會易d俾建議你

tommy852

咁我都想問下
想要包圍感
有什麼建議?thanks

WE300B

hiyori 發表於 2013-6-5 11:02
先補充一點點小弟的想法

先假定你喜歡535r的聲音

Hiyori big brother say all the main point .....    

bertram

hiyori 發表於 2013-6-5 11:02
先補充一點點小弟的想法

先假定你喜歡535r的聲音

唔係好明

比較夾既amp有iqube，rsa p51，Pico，如果你喜歡ipc，咁可以考慮上HP-P1或者Vamp Verza,

我用緊IPC+Vamp Verza, 咁呢部AMP夾D定iqube，rsa p51，Pico夾D?

bertram

其實535R D聲, 我都好鍾意, 鍾意佢既高分析力, 但無奈係音場不足,
加上呢個係我第一次買既高級耳機, 其實升級都唔知係買D野補佢既缺點好, 但再強化佢既優點好....
如果係買D野補佢既缺點, 玩到各方面都係平衡, 下次買呢一款耳機又係玩到平衡, 到時2隻好似唔大分便.
但如果係再強化佢既優點, 下次買呢一款耳機又係強化佢既優點, 就好似有2款各有各好的耳機咁....

hiyori

bertram 發表於 2013-6-5 13:04
唔係好明

比較夾既amp有iqube，rsa p51，Pico，如果你喜歡ipc，咁可以考慮上HP-P1或者Vamp Verza,

師兄是已經用緊vamp verza還是?
其實vamp verza 和 hp-p1是屬於 portable dac+amp，iDevice專用(IPOD, IPT, iPhone etc)，而家呢類產品好普遍，佢地既DAC部份會比ipod本身既強，原理係直接係IPOD取數碼訊號再解碼，簡單來說，iDevice就變左提供檔案，影響聲音既部份(dac, amp)就交俾呢d portable amp(其實嚴格來說不同機既數碼訊號有唔同，所以IPC同iPhone用vamp verza既聲會有dd出入)，呢種產品最大賣點係俾一d鍾意同用開蘋果機既朋友，想提昇個source但又唔想轉會玩其他牌子/ 大陸機，咁呢D機就可以保留番你用開既蘋果機(甚至電話)既介面，支援既檔等，而又有高質既前端

vamp verza本身不用再接amp，hp-p1就有line out，想再提昇可以接amp，但因為hp-p1本身amp部份都很好，接不接amp就看樓主你接不接受到咁多舊野

hiyori

bertram 發表於 2013-6-5 13:10
其實535R D聲, 我都好鍾意, 鍾意佢既高分析力, 但無奈係音場不足,
加上呢個係我第一次買既高級耳機, 其實升 ...

師兄呢個係一個好問題，應該係好多朋友既升級煩惱
如果你喜歡的音樂類型比較集中，咁我覺得下一隻係升級(即係535r既特性強化為主)，係正路，到遲d你覺得想有多d口味，先入其他機都ok
但如果你喜歡唔同既音樂，同喜歡好多唔同既演釋方式，我會建議你入隻唔同取向既耳機，看你喜好，實在有好多choice都可以考慮，我估師兄係覺得聽535r覺得有少少膩，想玩d刺激野?
至於平衡路線，我覺得值得有一對平衡既耳機來做下ref，但不用刻意把535R變成很平衡，535r既調音魅力應該係師兄你鍾意既野，係咪 ?

如果同535r感覺完全唔同既機，其中一個考慮可以玩下動圈耳機，例如Sony EX1000，應該會有新刺激感覺