Ironman 3 有D好重要嘅想問大家 (嚴重劇透)

ewartuen

我睇完套戲其實覺得真係好精彩, 夠熱鬧, 夠劇情, 去到ending嘅一幕亦都覺得好清楚令我覺得成套第三集只係Ironman嘅一個夢, 跟住最近就同朋友傾呢套戲, 佢地異口同聲話今集D機械人點解咁廢, 最尾成批機械人唔襟撞不特止, 仲要玩自爆超無聊! 跟住我就話我覺得完全無問題喎, 因為最尾呢幕Stark搵The Hulk講故仔, 已經代表成件事只係個夢啦, 入面嘅嘢真係完全唔洗合情理架喎! 反而令我覺得個導演可以有原作以外嘅發展空間, 所以更覺得今集好睇, 因為夢入面嘅嘢通常比現實生活更精彩! 跟住我個朋友就話咁Ironman心口個核子堆咪即係未清, 我都有D打個突, 唔知大家點睇呢?

mistaleung

個人理解: 最後個幕個係tony當Dr bruce 係心理醫生講述番件事. 無話過件事係一場夢

edlsang

Ching 想像力太豐富 .......

ewartuen

都有可能係真係自己諗太多, 不過亦都係我睇完套戲第一個感覺!
其實係唔係夢, 呢個可以係後話, 自己慢慢諗, 但呢個場口主要係講返成套戲係Tony講緊故仔俾the Hulk聽, the Hulk都講自己聽到個bad guy入elevator介紹自己就已經頂唔順啦!
至於點解我會覺得佢係講緊個夢,
1. 係因為如果單嘢真係有發生, Tony洗乜搵The Hulk黎講呀
2. The Hulk亦都話自己只係doctor唔係心理醫生.  
3. 因為呢個係個夢, 所以女主角變種同閔大人情節可以完全唔跟原著

可能我本身有呢個諗法啦, 所以我完全唔覺得最尾一幕係多餘, 反而因為呢幕, 我覺得個導演真係幾好嘢, 因為佢完全可以對原著O認識, 但一樣拍得好精彩同吸引! 如果唔覺得呢個係佢個夢嘅話, 呢幕就當然可以無視啦!

P.S.: No right or wrong answer, open discussion

moyourBB

少部分網友都有呢個諗法
有人認為Tony見到果個細路其實係自己年幼時嘅化身
我記得有場講個細路被父親遺棄(會唔會係Tony年幼經歷?)
不過無論如何睇電影都係個人享受同領悟
情況有少少似Inception last scene
(當年我記得有個說法講Inception成套戲只係DiCaprio夢中夢中夢)

ewartuen

其實就算Tony夢入面手術拆左個nuclear reactor, 清左啲碎片，都好合理，一啲都唔出奇, 邊個想拕住呢舊炸彈呀，只係如果真係做左呢個手術, 無左個nuclear reactor, 佢仲點可以做Ironman呢?

mike384

ewartuen 發表於 2013-5-6 23:43
其實就算Tony夢入面手術拆左個nuclear reactor, 清左啲碎片，都好合理，一啲都唔出奇, 邊個想拕住呢舊炸彈 ...

從以往咁多集睇到，其實舊野係可以外掛的。。。唔一定要植落個心度。

ryan2012

其實點解咁多人都覺得 "玩自爆超無聊" (係其他網 / NG 都見人咁講)
各位記唔記得由第一集到今集, Pepper其實都唔多想Tony做ironman
今集仲要訓訓下俾集搖控ironman甲嚇醒
tony結尾一下子爆哂d甲都係想Pepper安心, 其實都唔係一件無聊事啦
比起d後生仔係沙灘砌d心心蠟燭等有意思得多

ewartuen

mike384 發表於 2013-5-7 01:01
從以往咁多集睇到，其實舊野係可以外掛的。。。唔一定要植落個心度。

但係第二集, 佢換新嘅nuclear reactor時, 要佢女友幫手植入去架喎, 仲幾乎無命!

mike384

ewartuen 發表於 2013-5-7 08:37
但係第二集, 佢換新嘅nuclear reactor時, 要佢女友幫手植入去架喎, 仲幾乎無命! ...

PEPPER 幫佢換心係第一集, 之後PEPPER包起佢做了紀念品, 當佢畀光頭佬搶了個[新心]後, 又將個紀念品塞返落去....
個心主要作用係將佢心附近的炸彈碎片吸埋去, 當時係山窿就話冇法子做手術, 其實返去US後佢大把機會啦.
而除了TONY之外, 其他人都係用外掛的[心心]去運用類似武器的, 去到呢一集, 可以見到每件SUIT個心都係獨立運作的.
呢點證明左佢攞唔攞個心出黎, 其實同做唔做IRONMAN冇關.
佢炸哂D衫的理由係最尾已經講左, 個D衫係[繭], 而家長大了.
我的理解係, 佢將自己比喻自己以前有如一條毛蟲, 繭既然係佢的保護, 但亦同時限制左佢, 終有一日要破繭而出, 一飛沖天.