『淘』出事

ZONBIE

事源於因為身痕，想玩膽機，經過一輪資料查閱，最終鎖定目標是近來比較多人注意 MP301，經過 CHING 指點知道香港有代理，於是走去聽聽，結果比預算更好，可惜無貨要等，亦因為咁先至有這次事件出現。。。。。。。。。

當時聽到要等到 5 月中，心急既我非常失望，於是決定再一次考慮其他選擇，到外面走一轉都係比較喜歡 MP301，於是反去上綱睇下有冇其他地方有可能有貨。

最後找到幾個，攪完一大輪都係冇貨比，之後指我要第件，怪唔得價錢咁平，原來係借勢引人買其他，咁先知原來 MP301 都有些少名氣，係我港燦唔識！！！

最後終於有一個有貨，滿心高興比錢等收貨，故事開始了。。。。。。。。。

比錢，出貨，到收貨，好快 3 日！

開箱 ﹣ 點解個箱好似代用？ 又報紙，又發泡膠咁。。。。。。 心想出事了，著機正常都算啦，應該無問題掛。。。。。

著機 ﹣ 左右好似有些微不平衡，對調 D 膽都係側埋一邊，喇叭又好，耳筒都係，麻煩來了 ！！！！！

即時找個賣家，個賣家死都話冇問題，同我講大不了退貨，運費我自負！

但是我根本寄唔到上去，又要報關，又要稅，一來二去仲貴過部機，投降！當買教訓。。。。。。

後來我去左代理處再訂過，同馬爺講起，佢覺得奇怪叫的帶部機比佢睇睇，一睇之下不來部機係 MK II 並非 MK III 仲要唔係全新機，馬爺話呢類情況並無特別，只係我心急先至中招。。。

現在已經同馬爺訂過部 MP301，而呢件『教材』留在馬爺處幫忙處理中。

不過呢個教訓，個人覺得值，亦令我明白到香港代理的真正價值，以前以為香港代理只不過是左手過右手，賺差價，無事穩賺，出事就拖，什至不了了知！ 現在才明白到香港代理的價值，當問題出現有人跟進跟無主孤魂是兩件事，而且經過馬爺講解，香港代理的貨都是出口版，而馬爺自己代理的更會加上一些針對性改良，要求廠方按照出貨，所以價格有點分別亦是因應成本而來。

經過馬爺講解以及自己在國內工作經驗，相當明白『內銷／出口』之間因應成本而來的區別，個人而言，單以馬爺公司的誠懇／負責態度（這次基本是義務幫忙），個人絕對支持，日後再有任何音響相關產品定會首先考慮馬爺公司產品。

在此借位向馬爺誠心感謝，亦告知各位有意『淘』貨朋友一個提醒。

fmk888

之前個超高音D ching pm我話上淘x平幾多幾多、我就係怕呢樣野！好什麼頭昏身興可以找馬sir搞好過！

bigair

國內最叻咩？





老翻

zero981210

除非大公司如amazon等，否則我到家陣都信吾過外國/香港既網購，更何況內地?
見D人成日話淘淘平幾多幾多，但一次不幸事件夠你嘔凸以前淘野所賺既錢，仲要花時間去處理番好件事，何必呢?

liclic

local 保養都好重要!

roland

死啦... 仲想 "淘" 機架TIM....

馬爺...不如你代理埋機架啦.... ..... 等我唔使周圍搵...

喜喜天使

當買教訓啦

charliey

thanks for sharing ... buying online from overseas and mainland china have to take shipment and non-refundable risks ... your unhappy purchase did not allow u to confirm proper receipt of goods before u authorise to pay ?  

chengvin

Ching,有冇比個差評賣家？

baki1105

大陸人貴一貴都要落來香港買野係有原因的
我都係淘寶中過招,以後只買D無傷大雅野