版友對盈富為天龍香港指定經銷商問題 ... (p1 加左通告相)

wil-wil

正當版友對盈富售賣問題 Onkyo 產品及經確認非指定經銷商嘈得熱洪洪之際，忽然有網友係旺角花園大廈見到一張 DENON 既聲明，內容大至係果楝大廈裡面既香港天龍影音指定經銷商只有一樓盈富影音，大廈內既華人影音所賣天龍產品並未得到授權，將不會獲天龍香港代理提供售後服務。

網友報導此消息來源 : Siuting 於 2009-07-08 22:05 發帖 (最底)
http://www.avbuzz.com/bbs/av/av-thread-111004.html


*相片由 post76 版友 Kelvin 提供


好多網友即時想到 ...
1) 有無咁橋呢個時候出現?
2) 封信係真定假?
3) 仲乜呢個時候天龍走出黎撐盈富?
4) 華人影音單野搞邊科?
5) 我係樓上舖買在拆家貨會唔會變左 RAPHAEL 同盈富事件?
6) 影友點揀影音舖選購產品?

就以上總總我地 post76 直接找黎天龍既市場部經理回應事件。

聲明:
下面整個回應不代表 post76 任何立場，我地只如實反映回覆，但文字上只作大意轉述詳情，語調用詞或會與當時人有別，如有任何誤解引起其它不必要的事情發生，post76 絕不負上任何刑責。


天龍大致回覆來容:
首先如果大家真係睇到旺角花園大廈樓下貼出黎封信，內容大致如上述所講的話，封信的確由 D&M Sales and Marketing (HK) Ltd.發出。發出既時間性又的確巧合地遇上 post76 版友同盈富事件，其實天龍都係現在經 post76 查詢才清楚了解該版友的不幸事件。

呢封信其實唔係要撐任何影音舖頭或與任何商戶及消費者為敵。發信原因係最近收到好多電話查詢有關華人影音以圖文並茂方式展示出可以超低價出售天龍影音產品。事實係客戶基本買不到該影產品之餘，特約經銷商亦被此行徑影響銷程。同時亦怕消費者買入水貨、賊贓之類不明來歷產品時，就算係行貨都可能無得受惠保養範圍，所以發出此信件作嚴正聲明。無可否認係時間上剛巧遇上另一個問題 ~  RAPHAEL 同盈富事件，所以令版友誤會而對號入座、想錯隔離! 。

其實各大品牌產品點解都要指明特約經銷商，原因就係怕貨源問題，影響該品牌係香港區受保既範圍或購入行貨產品質量保障既承諾。況且被點名既店舖亦多次被投訴後，天龍再經多番調查証實 ... 該推廣並不能以所指明既價錢購入相中型號既產品，為免此風可長影響市場上正常運作，才有此行動。

就算消費者購入非指定經銷商產品，只要符合以下幾點，保養是沒有問題:
1. 貨品必須係香港行貨、
2. 拒絕購入不明來源既貨品，如被報警証實為賊贓、水貨之類、
3. 有齊原廠香港天龍 (D&M Marketing HK Ltd.) 保用証、依時寄回來

所以遇到任何不了解、不知明既貨品；包裝有問題、無原廠香港保用証，幾平都唔好買，有疑難就打上天龍直接查詢，咁就可以做到一個精明既消費者，亦係今次出信既最終目的。

wil-wil

我都想見個封信既全文同貼係什麼地方，唔知有無版友可以影相參考噸

ssss41357

睇完呢單野之後,我只有興趣想知,旺角除左黑店之外,仲有邊度係 DENON 指定經銷商~~~

黑店....一定唔去,唯一經銷商又如何!!!

孤身走我路

睇完呢單野之後,我只有興趣想知,旺角除左黑店之外,仲有邊度係 DENON 指定經銷商~~~

黑店....一定唔去,唯一經銷商又如何!!!
ssss41357 發表於 2009-7-9 19:34

我都想知..........

孤身走我路

正當版友對盈富售賣問題 Onkyo 產品及經確認非指定經銷商嘈得熱洪洪之際，忽然有網友係旺角花園大廈見到一張 DENON 既聲明，內容大至係果楝大廈裡面既香港天龍影音指定經銷商只有一樓盈富影音，大廈內既華人影音所賣 ...
wil-wil 發表於 2009-7-9 18:33

事情真係越來越複雜..............................
咁德發地下個間買的天龍......................................................................{:5_75:} {:5_74:} {:5_83:}

mtvbb

純睇聲明角度，其實一個好既代理，　表明立場，　保障消費者以正視聽！
ｏｎｋｙｏ　ｈｋ　應多多學習
避免RAPHAEL 同盈富類似事件再次發生
始終呢ｄ事或多或少對自己品牌形象扣點分

不過衰左就係衰左，　我地雖係７６ｍｅｍｂｅｒ，　但笨畢柒碌

otigero

黑店就係黑店.做生意手法完全有問題.DENON 既聲明.只不過係驚d人知呢間pk野.冇人去.整個聲明比人知呢間pk野係指定經銷商.但係咁又點.指定經銷商都冇用架.因為佢係黑店

ming226

黑店就係黑店.做生意手法完全有問題.DENON 既聲明.只不過係驚d人知呢間pk野.冇人去.整個聲明比人知呢間pk野係指定經銷商.但係咁又點.指定經銷商都冇用架.因為佢係黑店 ...
otigero 發表於 2009-7-9 21:52

support

kinkin

黑店就係黑店

ccs

黑店就係黑店
黑店....一定唔去,唯一經銷商又如何!!!