如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 littlesweet 於 2013-4-25 00:31 編輯
其實, 是咁的, 之前一直用緊冇3d 的國慘機, 後來買了3d 電視, 就跟手買左 p 記的入門 3d player, 後來手痕, 唔小心上網必左s記既入門3d player, 計埋部 ps3, 呢兩年家中有4部終極入門級blu ray 機輪流當值.
今年初開始, 想買個高階些少的 player, 可以睇 blu ray, 可以聽下 cd, 按play制會play碟, 按stop制又識停, 閒時又可以當家私咁, 唔係入門機唔好, 但我想清一清家中的幾部 player, 換成一部全天後24小時冬暖夏涼防虫防霉補肺益腎驅寒止咳超級霹靂毛滴乳宙盤………………………..
考慮左數個寒暑, 不眠不休咁反覆思想, 最後, 決定了買這部一出扑直, 鑊氣超班的 9700……….. 請不要問我典解唔幫襯 oppo 103, 105, 典解唔幫襯 denon 3313, 典解唔幫襯 p 記 450, lx55, 典解唔幫襯惠康, 典解唔幫襯大家樂………. 因為真係純粹個人喜好及一顆勇敢的心.
所以經過週圍格價後, 鎖定某舖開價比較平, 再加上我喜歡接近人地臨收工先衝入去, 問東問西, 再問價錢, 再問有冇得平d, 再瀨屎唔走, 加上有太太壓場, 終於, 用一個合埋價錢, 攞走隻鑊……………. 當然, 仲有3d 少年pi同柏加跟我走.
好, 廢話講完, 以下是一個新手用後感, 不是測試包膠, 更沒有同級ab比較, 只有個人主觀感受及情感發洩, 不喜請勿插得太深………………………….
開盒
有1.5m hdmi, 電源線, remote, 保養卡, 仲有碟, 碟, 同埋碟
外型時尚, 不基得黎帶點穩重, 淑女得黎帶點君子
好, 第一時間 set wifi, update firmware
介面簡潔得黎帶點簡陋
好, 我用的是818, 再加kef specker, 先試 3d 蝦死人
試山洞果段, wa…… 真係得~ 顏色對比好好, 暗位夠光又清晰, 比起之前用入門機好上不少, detail 睇多左, 最正係好層次感實在, 不像過往般痴地
再試睇過毛數次的老變3死人臨樓果段, wa…… 好得, d 紙碎飄得好出, 3d 境深距離好好, 立體感提升不少, 金屬感強, 同埋一開聲, 音效已經唔同, d紙碎既”刮風” 聲, 同金屬既”啪啪”聲好翠, 包圍感重, 之前細微的聲音都清晰很多.
輪到聽歌仔了, 由於我用的是國慘旦機, 聽的又是小品為主, 所以用了陳果的新碟先試第五首.
一開聲~~~~~ oh~~~~~~~ 人聲好埋身, 口水聲都聽多左, 感覺好似同陳果濕吻完之後既口水仲痴住個口咁, 係~ 我係好重口味的.
再試埋歌利亞的濕樂園同有呻吟, 確實聲音出了很多, 分析力唔錯, 樂器的沙鎚聲層次很好, 不過線條就冇想像中咁滑, 同埋欠些少溫柔.
總結一下, 初步試用感想:
由於只用了很短時間, 未玩佢個雙hdmi, 未試光纖, 同軸, 好多setting未試,, 可能還未發掘到佢既優點同缺點.
如果筆直唔多, 又會買乳宙盤的, 又想測試自己的能耐, 呢部我絕對推介, 用料好, 價錢唔貴, 質數收貨有餘.
但如果本身有 cd player, 想 upgrade 藍光機的話, 就唔好買呢部, 因為相信仲有好多bug要收正, 如果只追求畫質聲效, 筆直又毛上限的話, 仲有很多選擇.
再加上佢果個見到都唔開胃的 remote, 真係極之反感, 又話旗艦機, 個制十足$199既 dvd 機, 設計果個要返學校重讀.
我自己呢, 就滿意收貨, 希望玩倒兩至三年, 就叫有賺 |
[複製鏈接]
發表於 2013-4-24 23:27
樓主
