新手純AV投影入門分享

kenchui · 發表於 2013-4-13 19:42

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 kenchui 於 2015-2-2 00:39 編輯

10年間由房仔小小衛星喇叭到終於有自己間屋, 可以玩套好少少既5.1 System + 入門投影, 今次趁小弟新屋裝修完, 同大家分享下我套入門影音套餐先得~

P.S. 小弟發現呢度啲師兄成日都話入門分享, 睇完先知9成都唔係入門級既, 全部都係正野黎~

講投影, 緊係先講投影機, 經過一眾師兄不同既意見, 最終選擇近排新出既Benq W1070, 貪佢平平地表現唔錯得黎又有3D, 兩副3D眼鏡加埋個平平地入門電幕都係大約15K, 好抵玩!

Benq W1070

講開呢部投影既3D眼鏡都幾好, 望住SCREEN, 眼鏡會自動感應係咪3D, 係先會著, 唔係就會熄, 變返普通眼鏡, 慳電得黎睇睇下去TOILET都唔駛除 (因為如果開住, 帶住望到其他燈會閃下閃下, 好辛苦)

Benq 3D glasses

5.1 Speaker 都係貪方便, 本身用開Mirage OS3中置同書架當前置用, 依家買多對Mirage OS3 FloorStand 做前置, 夾聲無問題, 外型又夠COOL, 最好係對FS唔會太大舊, 過到老闆果關先~

Mirage OS3 FS

Mirage OS3 CS

Mirage OS3 SS

8"Sub仔買左好多年了, 當年咩都唔識由個影音舖老闆介紹, SEK我都唔知咩牌字黎, 有師兄識既話希望可以指教下~不過用落啲低音幾柔幾潛幾順耳 (個人唔太鍾意太勁太DUP心口既低音), 夠用就用住先, 睇下將來有無計攞到FUNDING再換~

SEK Sub仔

AV amp 由用左10年既安橋轉會Pioneer, 細緻度同分析力好左, 睇戲用真係一流, 不過個人覺得聽歌方面安橋做得比較好~

Pioneer LX56

Hdmi Cable用左AQ既入門線Peral, Projector用就因為要用10M, Peral無出, 所以買左FOREST, 此終入門系統唔想用咁多錢係線度, 用返入門級就算了~

Blu-ray player用返幾年前新出時買既pioneer BDP320, 當年黎講價錢都唔算平, 其實畫面到現時黎講都算唔錯, 係LOAD得慢啲, 諗左好耐究竟換唔換OPPO 103好, 不過要4千幾, 部機又未壞, 好似好浪費咁, 最終都係唔買, 幾舊水買部Hi-media算, 都幾好用吖, 好滿意!

其餘器材都係無咩特別既野, 值得一提係部PS3除左用黎打機, 因為係第一代機, 仲可以用黎播SACD, 用佢黎播CD聽歌都OK呀~
仲有部TV, 買左3,4年未壞仲未換得, 同埋都未有心水, 留意緊PHILIPS既9系新機, 順便等下黎近4K電視再算~

總結都係學好多師兄咁講, 平有平玩, 夠用就算, 最緊要自己開心~

最後同大家分享下個Full Picture, 希望各位玩得開心~

Full1