拉左一個獨立電位

YYSKY

KENXYZ 發表於 2013-4-13 15:53
himg]483233[/attachimg]83231[/attachimg]

你呢個係獨立蘇，都唔錯，想有樣學樣的師兄們，建議用30A電線，咁就更加有氣有力，爆機時電壓波動少啲，

KENXYZ

YYSKY 發表於 2013-4-13 16:14
唔建議行Ring 蘇的，六個插蘇座最好用六對線返電箱，退一級都要用三或四對線返電箱，

最大問題係唔想所 ...

請教師兄；
“Ring“意思係？
我宜家即係行緊Ring蘇

如果1個蘇用1對線
$800x6=$4800

我宜家發覺全屋30A牆蘇手拖手一圈共2條
係電箱30A個组出入
電工術語又叫咩呢？

YYSKY

KENXYZ 發表於 2013-4-13 21:57
請教師兄；
“Ring“意思係？
我宜家即係行緊Ring蘇

請教師兄；
我宜家發覺全屋30A牆蘇手拖手一圈共2條
係電箱30A個组出入
電工術語又叫咩呢？＜＜呢個叫Ring蘇，

上文以講你加兩組係獨立蘇，正常做法，HiFi用粗啲電線有著數。

因為HiFi對電源較敏感，所以要求嚴格啲。

YYSKY

收費不是對數乘上去的，因為拉電線時幾條一起做與單一條做差不多的，材料當然多幾倍啦。

ronan

YYSKY 發表於 2013-4-13 08:47
自己出得線就一定大大條那種，一定安全，顏色唔啱可以用熱縮膠轉色，絕對無問題零風險。

反而如果用美式 ...

>>>自己出得線就一定大大條那種，一定安全，顏色唔啱可以用熱縮膠轉色，絕對無問題零風險。

呢d 灰色地帶既野另計，但熱縮膠市場上應該買唔到黃綠色for CPC 用，再者cable 外套多左一條熱縮膠，散熱能力會差左，cable 的溫度上升，電阻會相對大左，載流量少左，影響力水

>>反而如果用美式蘇座就要諗諗。
玩AV 直頭唔應該用美式，美式插頭的插腳得果兩塊好薄好幼的金屬片做CONDUCTOR ，力水一定無咁好，而最攪笑係插頭的CONDUCTOR 好薄好幼，但又接一條好粗的電組，就算用條幾好的電線都無用，因為個瓶頸位就起個插頭的CONDUCTOR 度，唔可以好好咁發揮條電線的威力，而美式插頭一般都唔可以好實咁插起個插座度，所以電源會無咁穩定，相反英式插頭就唔會有呢D 問題，插頭的插腳CONDUCTOR 較組，電阻較細，力水較好，而英式插頭可以好實咁插起個插座入面，電源素相對較穩定

ronan

KENXYZ 發表於 2013-4-13 21:57
請教師兄；
“Ring“意思係？
我宜家即係行緊Ring蘇

>>請教師兄；
“Ring“意思係？

Ring circuit 即係有兩條電線，由mcb/rcbo 接去插座，ring circuit 的好處係voltage drop 較少，current carry capacity 較高，力水較好，因為有兩條電線接去插座，所以當其中一條CABLE 有問題時，電可以由另一條CABLE 流向插座，所以較security ，例如用2x2.5mm sq. 一定好過1x4mm sq. ，但2x2.5mm sq. 的cable 價錢，都會比1x4mm sq. 貴，人工亦都會多左，因為要拉多一條電線，所以如果唔同師傅講明行ring circuit ，師傅一定會行radial ，因為raidal 只係拉一條電線，cable 只係用一條，成本較低，人工都可以慳返唔少

d 師傅會把ring 讀成"Length or Ling" ，例如"插蘇行 ling/length"


唔計房間，一般住宅樓至少會有兩組插座circuit ，一組for kitchen, 因為kitchen 用電量大，另一組for 客廳，所以如果玩av 時，你只要把客廳的non-av equipment 熄左佢，又話者直頭拔走d non-av equipment 的插頭，成個客廳的circuit 只係比av equipment 用，$1 都唔駛出，已經有獨立電源了

XDXDXDXDXD  

YYSKY

ronan 發表於 2013-4-13 23:20
>>>自己出得線就一定大大條那種，一定安全，顏色唔啱可以用熱縮膠轉色，絕對無問題零風險。

呢d 灰色野 ...

有黃綠色膠布買㗎，唔用熱縮膠可以用電膠布包的，規例要求合例顏色，無要求條線係原身顏色符合規例。

美式蘇座插頭好多人都有誤解，以為與英式一樣水氣孔在上，其實佢水氣孔應該向下的，咁插頭會穩固好多，當然與英式比係差啲，最大好處係省位置，最差佢個插頭無出線位向下，原本設計無預算人們用咁大條蛇線，因此用大蛇線時要加附裝置去穩固佢係理所當然啦，所以通常拖板放係向上，咁插最穩固啦，導電性就更加無問題，點都粗過條15A Fuse呀，

美式與英式都各有利弊各有好處。