2012

611323

好期待

大玩偶

92# namelost
唔係呀,我1:00左右買,不過都係睇3:00.
應該見到ching.
我老婆話間戲院好正,可以訓係到睇,
呢套戲直頭可以做埋按摩椅,係咁震.
wildwolf007 發表於 2009-11-13 09:56

師兄 ! 咩戲院AR ?

wildwolf007

97# 大玩偶
The Grand cinema 0既STANDARD CHARTERED STARSUITE
140一位,其實唔算太貴,有免費popcorn同野飲,個位真係非常舒服.
我自己睇戲好怕比前面d人頭左住...
the grand睇就一定唔會,STANDARD CHARTERED STARSUITE就更正,直頭成張床.

鐵心心

睇左   超正

sk236

i like 俄羅絲肥佬......engine...{:5_92:}

namelost

92# namelost
唔係呀,我1:00左右買,不過都係睇3:00.
應該見到ching.
我老婆話間戲院好正,可以訓係到睇,
呢套戲直頭可以做埋按摩椅,係咁震.
wildwolf007 發表於 2009-11-13 09:56

因為我當時排隊買飛的時候，我後面的一名男子排排下便去了會合格離在買票的太太，便想到可能係你
我最後買唔到三點，要4:40才有數個位，普通票，但個位都唔差。
無諗過the grand昨日會有咁多人買飛，有點失預算…

namelost

97# 大玩偶
The Grand cinema 0既STANDARD CHARTERED STARSUITE
140一位,其實唔算太貴,有免費popcorn同野飲,個位真係非常舒服.
我自己睇戲好怕比前面d人頭左住...
the grand睇就一定唔會,STANDARD CHARTERED STARS ...
wildwolf007 發表於 2009-11-13 10:48

好羨慕
下次一定要試下！

chyhm

睇咗2012.....超正

劉一舟

《末日救未來》加長豪華版：內容可能涉及劇情


尋晚喺四方Hse 6睇夜場十點，全院滿座，158分鐘片長，睇到凌晨十二點四十幾分，亦被震椅震足兩個幾小時，奇怪嘅係，不知是否太夜，一出片尾字幕，所有觀眾雞咁腳離開，環顧四周冇一個人願意留低，不出數分鐘場內已經空無一人除咗我，我就留守繼續睇埋落去.........這個情景我覺得有啲奇怪，因為一齣意猶未盡的電影，有時我見過有好多觀眾都睇埋片尾字幕等睇吓仲有冇片段出才離開，呢齣宣傳得咁勁幾乎個個都會睇的片竟然冇一個肯留底睇埋嗰十數分鐘的片尾字幕，可能真係太夜吧。

看畢此片，我就同身邊的朋友講，呢齣爆谷片直頭是 "乸渣麵"，乜差都有，直頭係導演Roland Emmerich大晒冷之作，在此片內你幾乎睇晒所有災難片都會出現的災難場面，如《明日之後》《烈焰狂峰》《活火溶城》《大地震》等，觀能刺激上絕對交足功課俾觀眾，但老問題又出現了，大家最關心的故事又點呢？可能我睇之前已作最壞打算，睇咗之後覺得故事差過《明日之後》，04年的《明日之後》起碼個故事結構完整啲，雖然老豆搵仔好似有啲夾硬嚟，但睇深入啲其實都算有前文後理，而且有些對白都有point，唔同此片，呢套衰啲講句，係《末日救未來》的豪華版，連戲中的美國總統也是黑人扮演 (《末日救未來》係Morgan Freeman，《2012》係Danny Glover)，故事都係講政府已知悉將有禍劫，大家都係整類似挪亞方舟去避劫，但前者就公開秘密，後者就冚都實一實，可能導演唔想俾人話抄橋，又或者咁樣會起到戲劇上的衝突橋段吧，但堆砌出嚟我又唔覺得好高章喎，譬如有得走同冇得走嘅人點樣分離等，呢類間場片段太過碎同埋太過促，片長過久令更多人與人之間枝節講咗都覺得喺度 "攝" 時間，但還好啲演員仲有番啲水準，否則真係此片的致命傷；人性的描繪與家庭倫理是災難片必需提及的內容，在此片亦不難找到，但又係太行啦，好人與壞人的角色衝突，離異夫妻與子女重修舊好等等橋段真係熟口熟面。

導演Roland Emmerich重點電影自1996年的《天煞－地球反擊戰》、04年的《明日之後》到今年呢齣，期間拍攝心路歷程同埋巿場定位都有明顯改變，亦反映了當時的政治氣候，96年的《天煞－地球反擊戰》大美國主義反映當時克林頓時代一時無兩的興盛；04年的《明日之後》經過911的洗禮和喬治布殊窩囊政府的統治，故事180度改變，大美國主義蕩然無存，換來嘅係美國政府要投靠第三世界國家；而呢齣導演仍然繼續吠鬧各個當權政府，無視人民的死活，有錢就可以生存，冇錢就要落黃泉的歪理，最有趣嘅在此片黑人係好人，白人係壞人嘅忠奸分配就真係幾夠pop，當然戲中美國黑人總統誓死唔走都是導演對現今奧巴馬政府仍留有餘地及憧憬的一種心聲；《明日之後》為咗日本巿場，有一場落冰雹場口係設定喺日本發生的，但到此片就差啲提都唔提，只是由對白交待同埋一場老豆打俾娶咗日本老婆住喺日本嘅仔就算，取而代之，就係新興巿場－印度同埋我們嘅祖國，戲中講最先發現異變的是印度，而發現的科學家最後亦被出賣致被水淹；講我地中國就威晒，終極避難所與母艦竟然設於西藏，還有八一軍登場，有場美國政府人員仲衝口而出話我地中國人真巴閉，咁快就造好母艦，不知是褒還是貶意，不過經過金融海嘯一役，全世界損手爛腳，唯獨我國仍然經濟起飛，導演有咁嘅心思亦可以理解，但有一段女角好似揶揄咗我地祖國一句說話，相信若果能夠喺中國上畫都會刪剪咗了。

演員方面，先不講主要角色，反而要提嘅係飾演瘋狂DJ查理的Woody Harrelson (曾演出《性書大亨 / 天生殺人狂》) 和飾演男主角妻子的Amanda Peet (曾演出《玩轉男人心 / 4仔失錯身》)，兩個人真係不能第一眼就認出，尤其Amanda Peet，真係認唔到，乜正咗咁多嘅；男主角John Cusack未必個個都識，但《驚天動地》和《1408》卻有不錯的演出，但在呢齣特技作主導的電影片下只能淪為掛名的男主角，在此片嘅主要功能只需抯車走呀走，喺母艦內游呀游就攪掂，唔需要演技，另一男主角我覺得係扮演好人博士的Chiwetel Ejiofor (曾演出《犯罪帝國 / 同仇殺機》)，他正氣凜然的指責飾演幕僚長的Oliver Patt草菅人命，對各國發表人性尊嚴的偉論，正是黑人指控白人的不是，當各國放下歧見並認承救人時嗰啲行到無倫的對白真係頂唔順。

特效就唔駛講，若專誠睇特技嘅觀眾一定滿意離場，套片開始至約四十五分鐘就嚟料，跟住間歇性的災難場面一浪接一浪，實行要塞飽你為止，而且精細度比《明日之後》更有過之而無不及，有場直頭睇到啲人同樓一齊塌下時的鏡頭，若果有IMAX版睇都會入場，但冇咗巴西耶穌像好仔細的摧毀過程就吊癮，另外當男主角一家和俄羅斯有錢佬乘坐俄製飛機嗰度就有啲納悶，因為之前都睇咗佢地小型飛機逃難場面，再睇就冇乜大驚喜，後段去到母艦內，開始用Video模式拍攝，加強真實性，但對比差咗少少，尤以水閘困住男主角一家時，啲七彩閃光閃過不停，睇到真係有點眼花繚亂。仲有，你地仔細睇吓，除咗伊斯蘭教的建築物冇喺電影內被摧毀外，大部份都係講天主教，例如梵帝岡和巴西耶穌像等，唔通驚被人尋仇？

總結係，特技好得，故仔唔係幾得，我會俾70分 (100分為滿分)

wildwolf007

我都睇左好耐認到嗰位係Woody Harrelson.