|
|
樓主 |
發表於 2012-12-17 09:57
|
顯示全部樓層
第一個感覺就係....呢個單圈耳機仔點解咁好聲? 但同時又覺得好似未去到好盡...
剛開始用portable setup試, 感覺到熟悉既圈味, 但同時又有好強既分析力同定位...森海果然好野! 低調得黎交到貨!
以下係小小run-in 2-3小時後既初步聽感:
低頻:
如果無記錯係一個7mm單元, 但低頻好有力! 竟然有小小dup心口既感覺, 除左MDT已經好耐未試過有呢種感覺啦!
下潛得幾深, 量略為多但對我黎講ok, 有小小似MDT打左個7折...(好空泛既比喻...)
中頻:
暫時覺得中頻唔算突出, 正正常常咁, 無驚喜, 平衡而清晰
高頻:
高頻表演超卓! 齒音算可以接受, 聲音帶小甜且去得好盡...菜大姐一句: "是誰..".好毒好毒!!!
由於呢對IEM有別我最近長期使用既TG334, 所以可能有偏差, 因為取向好唔同
音場+分析力:
從未想像過動圈可以有如此分析力! 樂器定位好正, 可以同W4R比美
音場好闊...其實portable好明顯未推得盡, 用家中新成員一推...哇! 10PRO咁多年黎終於有對手啦! 但可惜一般setup發揮唔到真正既威力...
佩帶程度:
呢點講真對我黎講有小小驚喜, 首先估唔到對野咁細...其次發覺都幾好帶! 原裝有5對耳膠連filter, 我就剛剛好fit M size
話就話有驚喜, 但其實比唔上TG334同westone系列, 但對比其他其實已經算好好
另外大家會關心漏音問題, 我自己回程搭地鐵其實覺得隔音未因果兩個氣孔而有大影響, 漏音情況算輕微, 隔音亦都滿意但如果追求absolute silence既師兄可能未必考慮
造工:
造工絕對一流! 好細好精美! 完全無馬虎既感覺 (除左個盒個IE10既字之外...@@) 耳機線好幼好軟, 暫時唔清楚咩材料...3.5為L shape插, 其中最特別就係換線安排, 係個Y字下低有個2.5mm插可以換線....暫時未清楚森海此舉有何意義...
包裝:
包裝簡潔而華麗, 附送既Case好靚好有心思! 一打開左邊有個Serial Number (抽到個靚Number!) 右邊可以放耳機+清潔棒, 最最最令我欣賞既係設計者好有心思, 條耳機線一路兜住個盒, 最後有兩個洞口黎固定位置!!! 呢點LIKE爆! 可能講得抽象, 總之就可以收得好好, 線身唔會繞住
耳膠方面連IE800上面果對有五對, 全部連Filter
耳綿方面有三對 (S, M, L) 不過我比較喜歡用耳膠, 聲音會比較爽
線材方面得一條, 但可以係Y字位拆開
總結:
未Run-in所以聽感為好初步, 期望其他師兄進一步分享
呢對森海flagship絕對有驚喜! 低頻及高頻表現突出, 但中頻暫時只屬一般
最後一點就係...IE800真係好鬼大食!!!!!
AK100推, 50/75夠聲但音場窄, 高頻靚
全MOD系列推, 三頻全面提升, 但都係未去得盡...
家用AMP推, 非常驚人, 再進一步提升, 不過都係覺得重有空間再去...叫親800既都咁難搞既?
有聽過人話IE800有聽HP既感覺...好老實講真係有小小! 果種音場同埋演繹同一般IEM有所不同, 有待進一步測試
所有聽感純屬個人聽感, 大家不喜勿插, 最後都係親自去耳聽為實, 不過隨身系統好難全面發揮...
多謝收看 |
評分
-
查看全部評分
|
[複製鏈接]
發表於 2012-12-17 09:57
