等小弟又寫吓功課報告先~~!!! 
因為小弟無AV AMP, 只可以用93直入50ST30做影像畫面測試, 而測試對象分別有功課線, 祖國名牌線, 2條唔同牌子既德國線. 而測試BLURAY就係TDK裡面小丑喺隧道劫車既一段, 即係主要試黑位對比同立體感啦~~!! {:9_421:}
首先第一組合係小弟用開既祖國線, 一貫始終超高C/P值表現, 相信好多CHING都有用過, 唔詳細講; 第二組合係德國線V仔, 呢條線借咗人好耐又唔記得試, 今次一試以黑位同立體感計同祖國線差唔多, 不過友人話聲音同白位會較好, 但小弟無amp又淨係試TDK所以無得試; 第三組係另一條德國I仔, 呢條以效果計比祖國同V仔對比度都較高大約5%咁上下, 唔算太明顯, 小弟分得到但老婆就無咩反應. 
最後一組就係功課線, 呢次就真係好神奇喇. 因為小弟總共開咗4次TDK既同一段試, 而老婆就坐喺度成大半粒鐘玩IPHONE, 點知呢條線一開, 老婆就問我係咪換咗機, 做咩啲畫面唔同晒.....小弟一直唔出聲, 就淨係聽老婆講, 佢話啲顏色對比同飽和都高咗, 比起之前(佢唔知我一路換線), 黑又黑咗啲, 紅又紅咗啲, 最勁係點解套TDK畫面全部立體咗既......佢問我係咪賣機前調教過部機(因為第二日部93就離開咗小弟屋企咯). {:9_422:}
聽完老婆呢啲咁客觀既評語, 小弟既總結就係, 功課線果然利害, 雖然小弟測試既線都係一千蚊咁上下既平線(以大約價錢計應該係功課線最貴), 不過佢竟然比德國I仔都有超過20-30%全面提升, 呢條果然係毒物之一~~!! 
功課寫完, 覺得小弟誇張既話請勿見怪~~!!  |
[複製鏈接]
發表於 2012-11-27 15:40
