AV 友人網上購物的不快經歷分享

wil-wil

最近做野識到個朋友，傾開先知原來都有玩開 AV。佢話初初玩個時，呢個聽聽、個聽，乜都唔識，一陣又話咁夾，轉頭有問題又話另一種夾法至，總知有人叫買乜都膽粗粗試下。呢個 fd 除左鴨記會幫襯之外，亦會上網學人買下野。但初期佢有個宗旨: 就係不買外國 order。佢既理論係 ... 初玩 AV 乜都唔識，又要講英文、又怕唔識點問、最慘有問題發生就更加難追。


不過呢個玩法一樣撞板 ! 佢試過網上買個濾波返黎，點知用咗大半年就燒咗，連累埋部 $800  DVD 死埋，咁緊係搵返網上賣比佢個檔野追討。檔野個老細其實一路都鬼咁好口，又話佢地網上買野以口碑取勝、又話就算唔買野都可以打比佢當做朋友大家研究下 ...


所以呢鍋野，個 fd 起初仲以心為心霖住起碼換到個新濾波返黎，因為件野仲有保養之餘，初初玩 AV 時 Woofer 線同部份線材都幫過個檔買，都唔算生客。點知打去問佢既答案竟然係無佢買過濾波既記錄，所以無可能會有保養! 個 fd 當然好興 仲問佢你有無 check 真 ... 最終當然唔應帳不了了知。呢個 fd 話，以為係香港上網買，同聲同氣，仲要話自己口啤點好，佢自己又唔係第一次幫襯，都會咁 ... 真係同鴨記黑店無分別!



我覺得其實佢都算好好彩，個濾波只係禍及部 HK$800 既 DVD，如果仲有 Amp、BDP 、LCD TV　就真係死得! 呢個 fd 都算有口得 ，點問都唔講話邊度賴野 ! 佢話人地搵餐晏仔，今次算佢唔好彩，況且損失唔係太嚴重，現在嬲過就算，無謂指名道姓好似 唱人咁。大家買過佢野唔得或售後服務承諾又唔對現，最終自然會被途汰，講我知係想我 ... 無論香港或外國站網買野、定話鴨記買野都好，呢小商戶或不知內歷既人，講到天花龍鳳都要比多些戒心，有懷疑就不如唔好買!

maner394

嘩.......咁真係要小心Ｄ攞

JKC710

拖板.....香港.........網上.........口碑取勝......Woofer線........部份線材

245141525

大家買過佢野唔得或售後服務承諾又唔對現，最終自然會被途汰
wil-wil 發表於 1-6-2009 22:18

我反而覺得你朋友爆出嚟會好D,等得佢自然淘汰,佢已經執到笑了~

otigero

我都聯想到d野.....

wil-wil

呢個 fd 現在當然唔係新手，但其實都係必然有機會遇到，所以網上言論可參考，但唔好盡信。如果係我就無呢個 fd 咁大量!

wil-wil

我就無玩開線材，所以都唔知頭知路 ...

拖板.....香港.........網上.........口碑取勝......Woofer線........部份線材

otigero

我反而覺得你朋友爆出嚟會好D,等得佢自然淘汰,佢已經執到笑了~
245141525 發表於 2009-6-1 22:25

我反而覺得你朋友爆出嚟會好D,等得佢自然淘汰,佢已經執到笑了x2

wil-wil

我都想同大家報料，個 fd 新識唔太熟，佢唔肯講我都無法!
下次見到我話佢知我係呢度版主，叫佢比 hints 大家小心!

我反而覺得你朋友爆出嚟會好D,等得佢自然淘汰,佢已經執到笑了~
245141525 發表於 2009-6-1 22:25

245141525

我就無玩開線材，所以都唔知頭知路 ...

拖板.....香港.........網上.........口碑取勝......Woofer線........部份線材

wil-wil 發表於 1-6-2009 22:27

我都唔係好明......