Storm Warriors《風雲II》P.5 附有影評

Maldini

約左朋友下星期六去睇 !

ewartuen

等你地報告

BoBo

勁過第一集好多

paulching

唔知有無人係想睇何家勁多過兩個主角呢, 我會係, 好有味道!
ewartuen 發表於 2009-12-2 13:35

何家勁型到呢!!!! 睇完trailer我都好想睇佢, 不過都係等睇碟.

ewartuen

46# paulching


不過都係等睇碟

superfai

應該會入戲院睇!

LAWSON

有鵬氏兄弟,又睇下救唔救到佢

劉一舟

成也風雲、敗也風雲.......對白 "瘋暈"？？？(內容涉及劇情)


剛剛有免費戲票和朋友去咗Megabox看夜場，首先聲明我由漫畫第一期睇到懷空左近就停咗，所以電影版一、二集故事係涵蓋咗我睇過的原著。
之前第一集雖然係漫畫真人版首齣，尚算可以接受，已經好睇過馬Sir的另一作品《中華英雄》真人版的了，今集整體來說，絕對好睇過劉雞強導演的第一集，故事和原著相差不大，片初已經講眾人合力戰絕無神，聶風入魔跟住搶龍骨和風雲決戰。
110分鐘片長內，除咗動作場面尚算可以一看外，文戲真係不值一提，尤其啲對白，攪笑多過乜，先講何家勁飾演的無名，佢講對白好似背緊書咁，隻隻字好似好辛苦唧出嚟咁，好鬼難入耳；靈隱寺內，無名給步驚雲劍法贈字嗰段都好鬼好笑，我知原著有呢段，但佢地對答得嚟好好笑，加埋城城嘅反應，成場觀眾都報以笑聲回贈；龍塚內亦有兩段頗值得大笑的場口，如絕無神話絕心天下係唔可以共分的，但無耐又拍晒膊頭氹個仔入去攞龍骨又話你攪掂咗我同你分天下；做皇上的譚耀文接手下嗰句說話又係全場爆笑位........呢啲對白真係睇到觀眾有意想不到的喜劇效果。
演員方面，相距第一集十一年後的城城和伊麵，做番步驚雲和聶風，都依然有番當年氣勢，一向公認最似華英雄的何家勁喺此片飾演無名亦是不錯的選角，惜在此片真正發揮功用不大，阿Sa做第二夢也不錯，不過飾演楚楚的內地演員唐嫣喺戲中真係佈景版一個，除咗有啲對白好擾民外就沒有存在價值，所以當風雲決戰末段被聶風擊斃時，我想觀眾都有舒一口氣的感覺，飾演邪皇的黃德斌，我想出嚟的造型似無敵多過邪皇，任達華飾演的絕無神和霆鋒飾演的絕心演出都不錯，結局絕心垃咗條龍骨不知所終，相信都係第三集出現的伏線。
特技及動作方面，勁似《戰狼300》feel相信已經大把人講，睇落都有幾分相似，但戲中用漫畫表達的手法我覺得幾好，風雲雨中決戰還有點似《22世紀殺人網絡3驚變世紀》結局Leo和Agent Smith雨中決鬥添，不過尾段決戰雖可以但略嫌太長。

睇過漫畫的我會俾68分 (100分為滿分)，但若未睇漫畫則會俾60分。

uraki0083hk

成也風雲、敗也風雲.......對白 "瘋暈"？？？(內容涉及劇情)


剛剛有免費戲票和朋友去咗Megabox看夜場，首先聲明我由漫畫第一期睇到懷空左近就停咗，所以電影版一、二集故事係涵蓋咗我睇過的原著。
之前第一集雖然 ...
劉一舟 發表於 2009-12-14 02:19

劉兄，小弟睇過其他討論區自《風雲II》上映後評價，大部份都勁插呢部唔掂 ，主要係劇情問題，話劉雞強導演既第一集好過彭X兄弟導演既呢部好好多，雖然特技冇《風雲II》咁强，但第一集勝在故事掂 。不過睇完劉兄既評價，有啲心大心細，十五十六，都唔知去睇唔睇好 。

mtvbb

未睇第2集, 以前細個睇第一集, 都已覺好唔掂