怒火更盛。

chhanthony

對國民教育的少少見解，如果單以洗腦論去反對國民教育是站不住腳的，支持國民教育或不反對的人都是說，邊有咁易洗腦，身為中國人應該認識中國。

的確以現時資訊社會，要洗腦並不易，而身為中國人亦好應該認識自己的國家。

但問題在於國民教育教學指引中，指示中指要除了課堂上亦要學生全方位去學習國民教育，亦要引發學生對國家嘅情感，從而令學生對國民身份嘅認同，而評估方面，老師，家長及同學亦可對學生做評估，不要學生對國家流於表面，要動之以情，先不說不同種族或混血兒這些問題。

引發情感的可怕之處，是當對人、國家情感大於理智時，過份熱血，有機會會做成盲目愛國，對一啲國家不公義或腐敗嘅時變得包容，同時亦容不下其他嘅意見聲音。那怕你教8964，文化大革命，學生都會認為國家是對的，就算錯，亦應包容。

想一想我們希望下一代會變成因為日本侵佔釣魚台，而去推倒由中國人所駕駛的日本制私家車嗎? 還是在奧運期間於社交網頁上以言論攻擊一些支持其他國家運動員的華人嗎?

動之以情要上課教的嗎?愛是自發的情感，為何要從學科中去引發學生對國家的感情，如果國家是對人民好，人民自然愛護國家，自然會好好保護國家，又可需要教，要教國情，中史，通識可以了，要教品德，公民教育可以了。

特首說指示有問題可以慢慢傾，香港可以成功是有制度，法冶，指引是源頭，指引方向都有問題，點解唔先撤回做好咨詢才再推出呢，反而叫老師可以自行決定教材，可以唔跟指示。咁套落法例上是否政府推出惡法，巿民覺得有問題是不是可以唔遵守法例，香港何時變得這樣人冶。

到底德育及國民教育有什麼急切性要成必修科呢?評估結果作用是什麼，政府是否用來制訂未來政冶政策的參考數據。

我的見解未必正確，但這個議題是關於我們的下一代，十分希望不論支持還是反對的朋友，花少少時間去了解事件，不要當人家問為何反對時，只是說洗腦教育唔好丫嘛，問你為何支持時，只能說邊有咁易洗到腦丫，中國人要識認中國架嘛。

rockerlam

思歪真係好硬頸，如果以前個政府比人咁反對，一早撒回啦。

cheapching

回復 21# chhanthony

師兄講得有理，可惜現今香港，上致政府，下致市民，無人同你講道理，一有不同意見，立刻惡言相向，要打要殺！求同存異係現今香港係好難發生！
一方堅持要推，一方堅持要撤，根本冇可能傾得埋，大家都冇下台階，邊方面‘贏’都只係慘勝！

個人覺得國民教育本身冇問題，但單一黨國家之下的國民教育就要小心行事，從長計議，以免唔夠持平理性！

chhanthony

一直以嚟我都唔鍾意黃毓民，覺得佢好多時唔畀機會人講嘢，選舉論壇中亦借題發揮去攻擊對手，但如果我因為佢係黃毓民而唔去睇下面段片，損失嘅係我自己，因人廢言的確唔係好事。睇完後不論支持定反對都唔係問題。

[YouTubeHD]lRxL8aO4jqE&feature=youtube_gdata_player[/YouTubeHD]

liljon852

我由頭到腳都係全黑, 反到底

ctmk

回復  chhanthony

師兄講得有理，可惜現今香港，上致政府，下致市民，無人同你講道理，一有不同意見，立 ...
cheapching 發表於 2012-9-4 15:46

說得對- 小心行事，從長計議。
最好大家坐低，飲啖茶，食個包，唔啱講到啱，最後握手言和。多個朋友，少個敵人，何樂而不為？

liljon852

對國民教育的少少見解，如果單以洗腦論去反對國民教育是站不住腳的，支持國民教育或不反對的人都是說，邊有 ...
chhanthony 發表於 2012-9-4 13:12

師兄所講既熱血大於理智, 愛國愛到變盲目好似係內地非常常見.
其中一次, 就係上次返鄉下, 食飯時係度聽鄉下d人傾計, 當中有老有嫩, 佢地問 : 共產黨做得咁好, 點解香港咁抗拒共產黨?
聽到呢句我都O晒咀....

不過都姑且答一答佢, 大概都係針對共匪既管治方法與手段. 後來唔知點樣講講下講到去64事件, 竟然可以話64事件入面共匪做出屠殺學生呢個決策係正確, 因為咁樣係最快平息事件, 維持穩定. 照咁睇黎佢地應該都會覺得異見人士被失蹤都係好合情合理

其間我亦提過一黨專政唔係好事, 但佢地反而認為好似歐美或者好似香港咁分黨分派先係壞事, 話因為咁而成日鬥成日嘈, 宜家一個共產黨話晒事係最好....

到呢個moment我開始發覺係完全冇辦法可以同佢地傾落去, 亦都再懶得解釋當中壞處

我唔知究竟佢地係唔係比共匪多年洗腦而搞成咁, 但老實講, 我懼怕香港既下一代會變成咁, 理智, 分析力被埋沒, 價值觀進一步被扭曲, 恐怖之處在於此.
總之, 今時今日中國太令我覺得似以前d暴君咁, 要人尊敬佢歌頌佢, 絕對唔可以有人對抗佢或持相反意見, 雖不至於殺, 但卻用其他手段去抹黑, 打壓等等, 本質一樣, 正如張敬軒所講, 咁同秦始皇焚書坑儒有乜分別, 欠的只是未去到殺人咁極端.
一個好政府, 係可以接受批評, 係唔怕市民接觸到外來既訊息, 單單河蟹一事, 已足以說明這個政府是容不下其他意見/批評, 只能唯我獨尊.

btw, 題外一問, 有冇師兄熟識共產主義呢樣野? 好似每個比共產主義/共匪入侵既國家都冇個好...比較大同出名既共產國如中國, 蘇聯, 古巴, 朝鮮, 越南 (宜家俄羅斯仲係唔係?), 都係一擔擔咁

Fabregas

現今政府總部集會令我想起23年前某個廣場既情形！
相信大部份香港人(包括梁營中人及土共)都唔想見到當年既事再發生！

朗

[YoutubeHD]K32HDAwDBos&feature[/YoutubeHD]

朗

[YoutubeHD]8jd5FMe4oL0&feature[/YoutubeHD]