《Metal Gear Solid V: The Phantom Pain》

@肥狗仔@

kefana 發表於 2015-3-8 13:24
海洋堂/playarts個d 見到個balljoint 已經反胃 ,海洋堂個d 梗加肉酸
(Post76 Android 手機版送出) ...

睇要求啦。雷電本身就係要能屈能伸，論可動性海洋堂真係秒殺playarts同HT。咁其他蛇叔果啲可能係表情/材質/配件oriented，可動性未必咁重要，海洋堂的價值自然被比下去。不過問題係買慣HT，我覺得返唔到轉頭玩玩具仔。

gashapon

@肥狗仔@ 發表於 2015-3-8 15:06
睇要求啦。雷電本身就係要能屈能伸，論可動性海洋堂真係秒殺playarts同HT。咁其他蛇叔果啲可能係表情/材 ...

我應該算是"另類"~ 因為我一開始係玩HT figure的多, 不過之後發覺靚係好靚但無得放膽去玩, 基本上買點家, 拆盒, 影相, 放入display櫃, 之後都唔知幾多年之後先會再拎出來. 基本上只係睇幾時會填滿個display櫃. 而且訂貨同取貨等候時間太長...所以近年來已經無再玩了. 反而依家玩返6吋figure, 雖然無咁精緻, 不過可以放心玩, 擺pose, 郁盡佢d手手腳腳, 感覺仲開心~ (當然我依然認為HT figure是十分出色的~)

playarts 之前都有玩, 我第一隻play arts正正是蛇叔(peace walker那款)~ 不過佢定價越來越高, 我覺得唔太值所以都無再買了.

@肥狗仔@

gashapon 發表於 2015-3-9 13:11
我應該算是"另類"~ 因為我一開始係玩HT figure的多, 不過之後發覺靚係好靚但無得放膽去玩, 基本上買點家, ...

岩啊， 玩同收藏兩種心態。ht果啲太名貴， 唔好話擺pose, 就算平時撞一撞我都吊咗出聲。哩個毒坑太深，早收手是褔。
(Post76 Android 手機版送出)

gashapon

@肥狗仔@ 發表於 2015-3-10 00:29
岩啊， 玩同收藏兩種心態。ht果啲太名貴， 唔好話擺pose, 就算平時撞一撞我都吊咗出聲。哩個毒坑太深，早 ...

始終年紀開始大, 工作+家庭負擔等令我要有取捨. 其實我覺得HT figure唔算貴, 質素都十分好, 只係玩o左好幾年感覺有d悶, 好似隻隻都差不多咁. 加上要等太耐, 拎貨時已經無晒當初訂果種期待, 所以慢慢都無訂了~
(依家只得arkham city batman未拎~)

wetsnake

gashapon 發表於 2015-3-10 09:24
始終年紀開始大, 工作+家庭負擔等令我要有取捨. 其實我覺得HT figure唔算貴, 質素都十分好, 只係玩o左好 ...

我都係有咁同感,04年我買咗 bio 4 leon 開始玩,多數買batman 系列,近年都無乜興致,又無咁多地方擺!不過今次出蛇叔我都會訂!蛇叔終係我至愛!

@肥狗仔@

gashapon 發表於 2015-3-10 09:24
始終年紀開始大, 工作+家庭負擔等令我要有取捨. 其實我覺得HT figure唔算貴, 質素都十分好, 只係玩o左好 ...

成日覺得量太多已經唔算得上收藏，只係堆積一堆有價值的存貨而已。我哩家都係得Robocop同ED209而已，其他HT唔敢再入，冇咩位放喇。最驚係未買之前好興奮，一買返黎第日就想放返出去。之前隻MK33就係咁...

@肥狗仔@

PlatinumGames官方的MGRR兩周年stop motion，睇完真係想入返隻。但更期待會有MGRR2，白金其中一款最好的動作遊戲...

[YoutubeHD]HWxmFjN5JBE[/YoutubeHD]

googleli

老老實實, 如果PS4 都要諗咁多先買, 咁部XBOX ONE真係應該要劈落垃圾桶, 佢幾乎所有game PC都有, 獨佔作接近零, 連Wii U都不如.

@肥狗仔@

googleli 發表於 2015-3-13 17:19
老老實實, 如果PS4 都要諗咁多先買, 咁部XBOX ONE真係應該要劈落垃圾桶, 佢幾乎所有game PC都有, 獨佔作接 ...

如果你係講緊我的話，哩個係好有趣的課題，但都係果句啦:

打咗機咁耐，我以為自己可以自稱機迷(唔係PS迷/XBOX迷/老任迷)，但近幾年先覺醒其實自稱"玩家"已經相當有福。機迷的話，以第8代機去計，本身就係應該係買齊PS4, XONE, WiiU+PC一部。個人負擔唔起咁多遊戲機，錢一回事，屋企位置及時間更叫人煩惱。

XBOX與PC向來一家親，但根據返X360的經驗，如果我只玩PC，咁Halo/Gears有接近90%機會係玩唔到。既然好多玩家可以因為一兩隻game入機，咁其實為咗哩堆獨佔game買XBOX都係一條數。至少Halo及Rise of the Tomb Raider暫時亦只有家用機版本。

好吧，當佢一年後好似DR3/Ryse通通都登陸PC，咁等PC版的大有人在，不過同樣道理好似Batman哩類遊戲其實大家都會知道一年後會出年度版，包DLC，又平啲。黎緊6月出新一集我就真係要睇吓有幾多人會為一個"GOTY封面"而忍手。起碼你GTAV今年終於會出PC版，但console友仍然可以對住佢地笑得好開心。真心哩家出去買張二三千蚊的顯卡都做到PS4/XONE的畫面，不過當我知道哩筆錢花咗都未必玩到我想玩的遊戲，咁點解我要喺兩個月前買WiiU而唔係買PS4，大家應該會知到過中原因喇。

小弟的宗旨: "多game玩 ≠ 多game岩玩"。自問如果唔玩HALO及Gears的話，哩家我會為1886打一篇game評，還有一篇長達九千字，關於Uncharted 4延期的抒情文。但睇返今年兩部機的獨佔game，小弟實在冇辦法瀟灑咁將部XONE掉去垃圾筒，因為佢始終仲有《Quantum Break》﹑《Forza 6》﹑《Halo 5》及《Rise of the Tomb Raider》等獨佔遊戲，當中可能好多都係延期，不過都足以令我唔洗買PS4住。我地都唔係小學生喇，有幾多時間可以打機? 有時間當然會優先想玩自己心宜的作品，其他冇乜興趣的"必玩大作"，我Steam仲有好多買咗未DL的係度。

買咩機只不過係一條普通數學題，比著我話: "唉，買乜鬼XONE?都冇game玩!" 大家或者會非常認同， 轉頭我叫: "PS4冇game岩玩，都係玩住XONE先!" 大家就可能話我嘩眾取寵。哩點我接受的，因為這就是討論區的威力。

wetsnake

傳聞小島神年尾會離開konami?如果係堅既呢隻真係最後一集小島神既metal gear solid !