小心摩機摩出…一肚氣！

chuwing

多謝各位師兄支持；算啦佢都唔想！廿零歲靚仔唔識諗姐；原本都冇諗住搵佢因為我知道摩機實有風險只不過我唔好采，但好慶佢咁小家唔聽我電話重send段訊息話完全唔關佢事先提醒大家要小心….唔好見到D人在網上有地位及發放改完部機音效好50%畫質好40%就走去試改機；要小心衡量自已可以承擔的風險！宜家 “威達” 知道條友仔唔負責都肯幫我檢查零錢件要我自已俾law！

mrluk

改壞機很可惜  只改電容應不影响DTS
會唔會未set出bitstream?

chuwing

回復 13# mrluk


我套AV之前搵 “亞X影視” 幫我set機百份百有DTS HD出；我都知未必一定關佢事只不過佢開過部機就有機會損壞其他零件，佢幫人整機唔試機都好離譜啦！

里奧

睇完樓主個遭遇 , 都深感同情 , 好彩而家代理幫你攪(雖然要花錢還原) , 但用成3千蚊摩機 , 不如買條靚hdmi線仲實際 . 起碼唔岩用都仲放到二手市場 .

kenny238

回復 13# mrluk


    我都覺得會唔會係set問題,師兄 磨機整壞其他零件都唔會開到機?開到機但你部amp軟件升級.部amp知前d set都冇曬.睇清楚d先師兄.

chhanthony

里奧

會唔會同之前果個POST咁 , 要變更畫面解像呢個設定先出得番HD聲效 ?

鐵心心

樓主的機我幫他改的,不過奇怪樓主可以係要強行說出唔到dtshd都關我mod份電事,(電只有著同唔著)
我真係覺得似比人屈多d,

又唔比remote我,(冇所謂我試昔同唔著就可以)
用又用左兩個星期,(之前仲打黎講佢fd話提升明顯,好吸引)
昨天自己打黎已經講知唔關我事,(我都o咀咁情況都打比我,仲話之前好像已經有事)
不過又叫我同情佢
最後發灘渣

如果我去買條電源線,出唔到dtshd,
我都發惡屈下人先

chuwing

回復 19# 鐵心心

師兄：我已經講過未必關幫我改機的人事；亦都提過過左咁耐唔好意思搵幫我改機的人；如果唔係開頭 “威X” 話攪唔到（維修時間好長）同埋“威X”都覺得幫我改機的人幫我攪完部機有責任；我先搵幫我改機的人傾；只是幫我改機的人唔覆我電話並一口話唔關 “X” 事我先提醒大家要小心，我從來在網上並沒有說是 “X” 幫我改！如果“X”要remote先可以改到機；當時“X”講我知未立刻回家羅俾“X”用，諗住“X”咁神通廣大點知道“X”原來冇remote就唔試機並且事後先同我講？我部機係“X”處成個星期“X”改野時整鬆左D線或整壞其他野都有可能！咁點解一口咬定話唔關“X”事？我可以話俾大家知我沒有在電話發灘渣，我只是收到“X” 訊息後夜晚才發訊息俾“X”； 之前我地傾左十幾分鐘我態度百份百誠懇（各位師兄想想.. 我求緊“X” wow當佢是我娘親咁錫都離唔切啦）我在電話只是從覆講過未必一定關“X”事；但是“X”開個部機就有機會損壞其他零件！如果有留意我網上留言的朋友都知我屋企有老有嫩唔可以成日開機…個幾星期先知有問題好出其？
我唔會再在網上回覆這個話題任何野！你可以鏟走個話題都冇所為！我只是提醒大家做事前要小心諗清楚唔好學我做傻仔！