God of War: Ascension (現已推出)

DVD迷

@肥狗仔@ 發表於 2013-1-31 23:44
打機唔開聲?點有癮架~強烈建議迷兄入個headset，始終唔聽聲好多精華好似聲效同配樂都感受唔到。 ...

初時唔開聲真冇癮，但慢慢習慣左就冇問題了，好似我剛玩 絕命異次元 2 咁，未開聲一樣玩到驚，呢d先係驚嚇game唔似咩第一身，講真我玩過好多第一身都比唔到咩驚嚇效果比我？？？

DVD迷

今日去訂舖改左訂手制版了……

@肥狗仔@

DVD迷 發表於 2013-1-31 23:50
初時唔開聲真冇癮，但慢慢習慣左就冇問題了，好似我剛玩 絕命異次元 2 咁，未開聲一樣玩到驚，呢d先係驚 ...

但可以想像唔開聲真係會錯失好多野。不單止畫面﹑gameplay同故事，哩D音效都係製作組想要呈現出黎嘅一部份。如果唔開聲的話個人認為只會體驗倒遊戲嘅8成左右，就算細細聲都好。當然我唔係對迷兄嘅打機習慣有咩意見，但我自己都曾經開發過遊戲，果陣都好希望玩家可以欣賞自己喺遊戲入面想要表達的事物，包括音效及配樂。

另外就第三身及第一身問題，其實第一身嘅恐怖遊戲實在唔太多，我地玩過大部份恐怖佳作都係第三身，其他一大堆喪屍FPS主打殺戮。所以要比較都唔容易。當然想要驚嚇第一身嘅仍然有，如果迷兄有興趣的話推介你兩隻，一隻係《Amnesia: The Dark Descent》﹑另一隻係《Bioshock 1》。前者主打心理恐懼，後者並非恐怖遊戲，但論驚嚇位及氣氛唔比Biohazard失色。

DVD迷

@肥狗仔@ 發表於 2013-2-1 00:15
但可以想像唔開聲真係會錯失好多野。不單止畫面﹑gameplay同故事，哩D音效都係製作組想要呈現出黎嘅一部 ...

原來肥狗兄做遊戲開發的，辛苦晒你，明白了，咁我留返星期日開返聲來玩下先，可能太久冇開聲不知會點呢，哈哈！
你介紹果兩隻，我在朋友家玩過少少，可能我冇又頭玩到尾，所以唔知道好不好玩，但我當時玩左少少，所以跟試不到樂趣！

@肥狗仔@

DVD迷 發表於 2013-2-1 00:37
原來肥狗兄做遊戲開發的，辛苦晒你，明白了，咁我留返星期日開返聲來玩下先，可能太久冇開聲不知會點呢， ...

THX^^好似Dead Space哩類遊戲開埋聲恐怖氣氛可以昇華好幾倍，的確好值得一試。不過個人哩家已經冇開發遊戲了，亦唔算得上係職業。不過果陣嘅開發體驗的確挺特別。以前只會打機，到真係自己落手去做嘅時候先發現開發一隻game實在唔容易。所有coding﹑modeling同遊戲設計都要自己搞惦。特別你整果種遊戲市面上已經十分之多，有咩元素可以突圍而出先係重點。到真係整咗隻game出黎之後，又要擔心如果玩家冇留意或者直頭冇玩到你最花心思嘅部份咁點算。所以我好專敬亦好同情業界嘅製作人。
特別好多人覺得買二手game好似理所當然咁嘅時候，佢地可以話係一分錢都賺唔倒。

如果想玩恐怖第一身《Amnesia: The Dark Descent》同《Bioshock 1》都係值得推薦的。但我見迷兄喜歡玩有收集元素，咁可以考慮下《Bioshock 1》，可以滿足倒你三個願望: 驚嚇﹑收集﹑遊戲性。不過日後如果你真係有興趣的話，請等到《Bioshock: Infinite》出咗先，因為《Bioshock: Infinite》PS3版隨碟附送《Bioshock 1》。

+HiN+

訂figure定手掣版好呢

@肥狗仔@

2.1

更新遊戲開發日誌: The Manticore Takes Flight~有學3D建模的朋友應該相當有興趣。本片記錄了由最初的concept art到之後用Maya建模+挷定，然後用ZBrush以normal map方式作為立體貼圖，最後才製作動畫。

[YoutubeHD]b5qB6OGdNIk[/YoutubeHD]

@肥狗仔@

+HiN+ 發表於 2013-2-1 01:04
訂figure定手掣版好呢

手制可收藏可用，fugure只可收藏，而且質素未必討好~

DVD迷

@肥狗仔@ 發表於 2013-2-1 01:03
THX^^好似Dead Space哩類遊戲開埋聲恐怖氣氛可以昇華好幾倍，的確好值得一試。不過個人哩家已經冇開發遊 ...

完全明白了，等 Bioshock: Infinite 出左再決定，謝謝你推介這隻game，希望真好玩吧?

DVD迷

[YoutubeHD]pYJ4A53UziQ[/YoutubeHD]