功夫熊貓 blu-ray與dvd 中文 dd5.1聲軌問題(又再遇上咁嘅人)

maner394

唔緊要，你明就好，呢Ｄ人跟本有心倒亂，大家都想係到舒舒服服，開開心心啫

kkchau

"但如果一句咁既回覆都要剷除！好似有些小矯枉過正囉。"

同感! 我都唔覺得那位人兄講左D過份既說話. 橫看直看都只係崩口人忌崩口碗而巳
trango 發表於 2009-3-9 20:55

我都唔覺有咩問題，如果果句都屏蔽真係要之乎者也，如果講果句都接受唔倒都幾難係香港同人傾計溝通

maner394

我都唔覺有咩問題，如果果句都屏蔽真係要之乎者也，如果講果句都接受唔倒都幾難係香港同人傾計溝通
kkchau 發表於 2009-3-9 23:41

如果我感同你講(如果你答好唔過阿邊個, 咁答離把Q咩?!!)你又有咩感覺呢？

小瑟

其實這個場算係咁多個影音網氣氛最好，始終每個人表達方式都唔同，
講真句，佢既回覆算係冇禮貌，但亦未至於太過份！
公道自在人心，佢既不禮貌回覆，自然會有人幫你講說話。

但如果一句咁既回覆都要剷除！好似有 ...
tennishk 發表於 2009-3-9 19:55

雖然公道自在人心, 不過呢個論壇唯一既基本要求只係需要大家囉出禮貌同尊重, 可能大家會覺我我要求好似好高, 香港地人人都係咁吹水架啦, 講野串小小都係文化既一種, 不過我覺得大家都係網友, 講白D只係萍水相逢, 唔係話好老友果隻, 如果人人都用返自己同老友講野既方法, 咁就好易會有好多無謂既爭拗. 如果我都可以好似同我朋友傾計既方式同你地講呢番話, 我諗我都已經唔係咁打呢段野了.

大家要明白, 我同你唔識唔熟, 如果有一個問題真係唔明(好老實講, 依家樓主問既問題我都想問, 只係冇時間問), 想上黎搵大家指教下, 如果一野比個三唔識7既人話我 "係人都知呢個係唔同啦, 你問來把Q咩", 第一, 呢個哂覆真係答左冇答, 第二, 你知係你叻, 你唔將你既智識同人分享係你既自由, 但唔可以話未識呢D野既你問得無聊同白痴, 咁樣我就覺得已經係唔專重人家既表現, 如果呢個說話風格係OK既, POST76一早已經接受, 我亦都唔需要刪除果位仁兄既帖.

大家之所以留係度玩, 可能有好多原因, 但我相信, 呢度唔會有人講野串串貢, 講野目中無人, 一定係有唔小朋友留守呢個版既重要原因之一, 所以, 呢個 FORUM可以冇錢, 可以冇人流, 可以冇回覆, 都可以, 但就一定唔可以冇禮貌同冇尊重.

希望大家都明白呢點係小弟開呢個論壇以來一路既宗旨, 某程度來講都係開壇既原因.

阿定

果個人回覆係咪好寸呢，我又唔覺，可能聽者有心，說者無意，不過有人投訴的話，Hide左果回帖都好應該，即係有d人覺得講粗口無所謂，但有人投訴，網主出手做野，合情亦合理！

我自己都想問點解Blu-Ray好聲d，如果有人咁答我，我估我會回番佢，"鬼唔知BD好d咩，咁點好法都有個解釋架，大搜查之女出BD又真係把Q架啊"，聽的人唔mind，就當吹下水，嘻嘻哈哈笑下，如果聽的人介意，就變罵戰了！

auklr2a

十萬分支持

hkbeachboys

"呢個 FORUM可以冇錢, 可以冇人流, 可以冇回覆, 都可以, 但就一定唔可以冇禮貌同冇專重" x2
十分同意!!! 我諗呢個世界冇人鐘意比人"吉"既，係咪? (尢其係 d 唔識唔熟既人)
做個比喻，如果你係街問路，有人比個 "Q" 字你，又唔係真正答到你，你會唔會當冇野?
總之都係o個句，"人人以禮待人，呢個forum自然更加吸引"

純粹個人意見，有咩唔啱請指教

kkchau

maner394 同我講原來某君用粗口pm佢，咁真係要不得喇

小瑟

係呀, 所以我唯有做野啦!!!!

Terence

maner394 同我講原來某君用粗口pm佢，咁真係要不得喇
kkchau 發表於 2009-3-10 04:04 PM

吓？乜某君咁小家架？