奪命金看後有感

Hon

杜SIR D戲.....算吧啦  自從睇完套" 放逐" 已經對佢完全冇晒信心 劇情又唔知想點?? 開槍又要用GC特技?? 爆 ...
AST(Gym) 發表於 2012-2-21 23:15

黑社會我覺得好好睇wor

AST(Gym)

我覺得好好睇wor
Hon 發表於 2012-2-22 00:40

    "黑社會" 我淨係記得任達華約梁家輝去釣魚,然後汁舊石頭扑死佢    同埋,古天樂將條友D手手腳腳斬落黎,然後再用碎肉機整碎佢餵狗

day2013

杜sir 好拍到時下銀行唯利是圖、用盡手段的一面。只要把「責任承擔」處理得好好睇睇，就甚麽投資計劃都出得，西裝領呔，專業形象。未有回報，先收一筆。

Hon

"黑社會" 我淨係記得任達華約梁家輝去釣魚,然後汁舊石頭扑死佢    同埋,古天樂將條友D手手 ...
AST(Gym) 發表於 2012-2-22 07:03

你淨係記得呢兩幕....咁代表咩呢? 好睇? 唔好睇?

黑社會我最欣賞梁家輝, 抵佢攞影帝.

杜sir既港產片主力係反映香港現實社會既事, 加埋人情味原素入去, 就好似放逐咁. 至於佢呢套開槍用慢鏡黎拍, 我feel到既係佢想突出子彈既真實感覺, 尤其係射中對方時唔再係以前就咁用反應彈爆左就算, 佢會再加d顏色落去, 睇落就分得出兩邊射中人既數量, 我覺得呢點做得好好.

關大爺

咁西片都一樣既, 只不過佢既做法係不停出續集, 所以我覺得無分別...
Hon 發表於 2012-2-20 18:06

    你對港產片都幾喜歡.不過我對港產片一D興趣都冇,港產片送俾我,我都要考慮下有冇位放先要.

unclechui

同意, 淨係蘇杏嫙果段我已經係戲院講咗超過廿句粗口
yuppi 發表於 2012-2-21 22:55

因為悶到爆粗??
係就啱囉...
現實就真係咁錄音, 又長又悶, 一有唔係標準答案就重新錄過!!
錄音係因為銀行要自保, 如事後有問題就指住段錄音 "個客自己都話完全明白, 我冇昆佢!!"

Hon

你對港產片都幾喜歡.不過我對港產片一D興趣都冇,港產片送俾我,我都要考慮下有冇位放先要. ...
關大爺 發表於 2012-2-22 12:40

咁又唔係WOR, 我只對好戲有興趣.

可能我比較奇怪, 我係唔會理佢港產片又好, 西片又好等等, 總之好戲又啱我睇我就會話好睇.

有時我覺得區分左真係睇小好多好戲, 正如你話你對港產片一D興趣都無, 但你有無真正完整地去睇過一套呢? 無興趣係因為受外界影響, 即係聽得D朋友或其他人講唔好睇所以唔睇, 定還是你睇過好多套港產片都係爛戲而令自己却步呢?

ANYWAY, 睇戲啫, 有時候唔緊咁區緊既.

關大爺

咁又唔係WOR, 我只對好戲有興趣.

可能我比較奇怪, 我係唔會理佢港產片又好, 西片又好等等, 總之好戲又啱 ...
Hon 發表於 2012-2-22 15:57

    你講得都幾啱,可能我真係冇睇港產片好長好長的日子.不過可惜重未一部令我會買藍光嘅港產片影碟,希望港產片又一日會令我駛幾舊買佢返來,唔好係到我死果日就得.哈哈

AST(Gym)

港產片都有好戲 不過真係極小  同樣西片亦都有好多爛戲

Hon

港產片都有好戲 不過真係極小  同樣西片亦都有好多爛戲
AST(Gym) 發表於 2012-2-22 19:25

可否數下極小得黎你覺得邊幾套係好戲...