本帖最後由 jack331 於 2012-2-10 03:09 編輯
再多一點分享:
其實本身好少聽Band Sound/ Rock野, 阿Paul的碟我都係第一次聽(唔計beyond), 一般我聽呢類碟都會覺得好糟, 好快聽完收埋, 但係佢今次呢隻我覺得平衡度相當好, 音樂同人聲都係50/50度, 而且D曲又幾耐聽, 阿Paul的演繹好好, 唔會係只求發洩, 曲目"我明白 我不明白"把聲真係唔係幾次阿Paul, 而且每首曲都有一D意思比大家諗下. 另外阿Paul提到音樂要有內容, 呢個對於我呢個HiFi發燒友都係一個反省, 有時對於錄音有幾靚聲玩樂器技巧有幾勁或者唱功有幾厲害同埋把聲有幾甜, 都會不知不覺間過份地追求, 而忽略左音樂的內容/主題/想表達的意思, 今晚阿Paul就真係好清楚地明示, 果然歷練三十年 而且喜愛佢話唔會將同一曲目又出廣東/國語/日文, 我好明白佢講乜, 原本作曲填詞一開頭有了主題或其意思, 無需要為左另外一種語言而
又去再尋求另一種意思, 始終個感覺唔夠真同自然, 而且呢種一雞兩食的做法係好Commerical, 絕對唔適合同熱愛音樂掛勾. 今次阿Paul隻碟有純音樂/國語/粵語, 係如此無限製的情況下創作, 一切從心去創作, 而且又會尊重其他人對佢歌曲的批評, 所以才有如此高水準質素.
另外我覺得HQCD其實好適合呢隻碟, 因HQ動態勁, 而且強弱音都聽得比較清楚.
最後好多謝76各版主的努力付出, 放下自己工作去付出咁多, 仲要做到食都無得食, 除左萬分感謝 真係唔知講咩好.
今晚另外一個收穫係有幸見到CD/吹水區的長老, 如超人/Sunboy/阿正/ykluk/jt24等等..., 見佢地發言發得多, 真人都係第一次見 |
[複製鏈接]
發表於 2012-2-10 02:20
發表於 2012-2-10 02:24
我都唸緊係小吉 cut 左自己個頭定影相既同佢有仇 ... 
