【會後討論】《A 小調協奏曲》黃貫中 HQCD 分享會

edlsang

多謝各版主努力 ！

阿正

多謝各版主努力 ！

yes, really they spend a lot , 今天見Aidan ching 好幸苦, 值得一讚!

941010

回復 40# benjamin

係我呀要求亞PAUL用英文簽呀師兄，我有咁嘅要求係因為亞PAUL個英文簽法
簡潔得嚟好有力水，佢近幾年好少簽英文名呀！

wil-wil

今次辦呢個活動雖然籌備左一段時間，但出黎氣氛及反應亦比預期熱烈得多。見到大家咁開心，我地 76 活動制作團隊亦非常非常高興! 而且，亞 Paul 亦超好人，係音樂既範圍有問必答，分享左好多佢既制作理念! 我最 Buy 佢話 ... 自己隊 Band 其實真係無分彼此，一家人為理常去沖既個段分享，同 Post76 精神不謀而合。版友係音響上互相幫忙、分享，大家亦視 76 如家人一樣。


好似今次活動黎講，我地雖然都搞唔少，積慮左少少經驗，但要自己主道，安排埋媒體一齊玩都真係第一次 (希望無待慢晒)。係到想借機多謝一班版主如阿定、祺哥、aidan、ken704、mankoo米高、rlwk2009、SonSon 及網主小瑟幫手，佢地事前都百忙中抽空出過黎幾次開會，今日又告假早 d 黎現場打點，晚飯都無食撐到完場。其次更加要多謝版友 ahnel、oops 及佢助手自告奮勇舉手，話出黎幫手拍野、要做到最好。活動雖然完結，但佢地仲要返去執相及剪返晒 d 影片比大家留念，所以真係要為他們鼓掌 ... 另外，仲要多謝陸師兄，大家今晚見到所有既 artwork 有關既野，甚至乎搵人印都係陸師兄係幕後默默耕耘既傑作，謝謝呢次既制作團隊。無你地，今晚唔會咁成功!


當然亦有懶你地一直支持正版音樂、正版電影，先可以讓 76 爭取到咁多好玩既活動。Post76 真係一個臥虎藏龍既好地方，要有什麼人解答影音上問題都有，要有什麼 backup 辦好件事亦有。雖然大家有正職在身，非常忙碌，都可以一呼百應、守望相助，好野!

希望未來可以繼續辦更多更有份量、更有質素既活動比大家。

wil-wil

咁剛剛上年 12 月既九周年台慶，150 人出席、連代理都有兩圍黎、又有成十萬元獎品及全台 90% 版主都出晒黎又點計 ...

今次舉辦既Event算係Post76最盛大既一次, 動用最多人手既一次! 亦係最多Media既一次!
大家密切留意Post7 ...
Ken704 發表於 2012-2-10 00:42

JonesChan

我都有相~~~~

941010

好記得當播到“我明白 我不明白”outro一段純音樂嘅時候，亞PAUL可能驚段outro太長而驚阻住到大家，於是自己親手人肉fade out條音樂，佢大概係話：「條guitar solo好長，唔好悶親大家」，跟住全場人就爆笑。其實佢係唔會令個氣氛有悶場，唔會俾大家覺得佢係一粒星，其實佢大可以攪個大型商場簽名會，跟住好多人買碟，但偏偏佢就鍾意呢種另類小型方式去發表自己，同埋佢嘅presentation真係好好，旁人以為佢自大，其實佢信心爆棚，好清楚自己係行緊點嘅一條路！

我係新仔一名，雖然唔係太認識各位師兄，但真係真係好感激攪呢次活動嘅師兄們，由有構思到聯絡再到實行，我感覺到你哋唔係用一種工作心態去做呢件事，完全係心口寫個勇字，有團火燒住你哋去做，而且又搵到一個咁好嘅場地，完完全全respect你哋，多謝你哋呀！

PS:張入場貼紙好靚，我好想留為紀念，所以貼咗一小陣就“蚊”番出嚟將佢還原再放入袋中收好，當我俾亞PAUL簽完隻碟後，有位工作人員笑住問我：「你仲乜“蚊”咗張貼紙出嚟呀，你唔貼番信唔信我攞走番你隻簽完碟啦。」當然師兄係開玩笑，我想同呢位師兄講SORRY呀，你哋下次張入場貼紙唔好咁精美得唔得呀，嘻嘻！

sunboy

或者真係老土D,但都要向Post 76的各位版主及在場有份幫手的工作人員說聲多謝,帶給眾版友們包括小弟一個難忘及愉快的晚上!

雖然我坐在大後方,大都份時間都見不到亞Paul,可能正因為如此,反而更留心他的說話內容,當中最深印象的一部份是褀哥問阿Paul會否造一些大眾較為喜愛和接受的音樂時,阿Paul毫不猶豫便說不會這樣做,不懂或不喜歡他的音樂是那些人的損失,不是他的損失,他是為喜歡他的音樂的人造他們喜歡的音樂,絕不會隨波逐流去迎合大眾口味,一定會堅守自己的音樂路向,做一些自己喜歡,支持者又喜歡的音樂!

以下是放相時間.........
因為距離太遠而且是傻瓜機仔,畫質粗劣,請各位師兄多多包函!


小瑟&亞Paul


祺哥&佢嘅畢生偶像.............


亞Paul執到寶........Post76"名貴"限量版T恤一件!


今次輪到小弟執到寶.........可以親手從亞Paul手上獲得佢既親筆簽名HQCD!


少少花絮.........祺哥好以好緊張咁睇(定背呢?)緊問題(定台詞?).............


小瑟兄做咩忽然間咁鬼開心.........

最後多謝版主小瑟兄和wil-wil兄幫了小弟一個大忙(不情之請),大家就心照不宣!

jack331

我都post少少相

jack331

加埋D收穫, 靚靚簽名


入番個靚套


post76 x Paul x KEF 張卡仔放埋後面, fit晒