各位師兄有無試過俾人投訴 (終於搵到源頭)

JKC710

各位師兄有無試過俾人投訴呢??? 我SETUP好哂D野玩既第3晚就俾人投訴喇............雖然我前晚係過份左少少(有同事黎, 我毒佢地, 由九點到零晨2點都不停試DTS DVD DEMO 1, 2, 3集, BLU-RAY 演唱會, 打機..........), 到D同事走左, 我熄機之後就聽到門口有對講機聲..........不過我熄哂機佢就吹我唔脹, 跟住到琴晚返到屋企累累地諗住聽隻歌放鬆下(普通音量, 關哂門窗), 啐之.........一開就俾人投訴~~ 食蕉上到黎, 我都同佢講, 話而家咁細聲, 會唔會投訴果位"人兄"敏感左D呢, 但係食蕉都係叫我細聲D, 佢話呢幾晚都有人投訴, 不過琴晚上到黎聽唔到有聲, 在於我黎講, 呢個跟本就係一個報復~~ 各位會點處理呢??? 無理由唔玩GA~~

我今晚返去都一定會開機, 但係我唔係獠事鬥非, 我都係會以普通音量黎聽歌, 如果都係俾人投訴既, 我就真係覺得係一個針對既行為喇.

香港地地方細, 再加上有人郁D都投訴一餐, 如果真係一個針對既行為, 各位又會點處理呢???

cowegg

去到兩點,又好像誇張左d,這幾天唔好爆住,休息下先,等人地都休息下,可能就不會咁敏感的了!!

daken

最初玩AC-3零晨三點幾play Twister. police 即到

wil-wil

我試過晚上 10 點到，樓上男戶主走落黎話我 bass 震到佢屋企野!
當時係調較完機試緊聲播李克勤歌!

jayngan

聽下歌都投訴~ 有冇搞錯呀~
師兄你有冇close晒d window呀?

magjeff7v

暫時都未試過, 的鄰居都好好人....

syau

零晨2點就真係....
同埋你衰過一次比果個人, 我覺得佢一定會敏感 D 架.....
所以我一定到十點度就會收番細聲 D
話晒住係度唔係話搬就搬同人地又唔洗面左左會好 D...

wil-wil

我慣左玩親影音都閂晒窗，感覺聲會好好多!
其實街門邊都用在隔聲、隔風海綿，
但話 bass 震到佢就唔識搞，
所以晚上玩就細聲及現在盡量 11-12 點後唔大聲玩。

其實我試過測試，以我常爆機咁玩大既聲播碟，
然後走去同層最遠相反方向既單位及樓上樓下試聽 ...
只要留心同層就連對白都聽得到講乜，唔好話爆機，
樓上樓下就蟻咬咁聲，但一槍戰同爆破都有重 bass 聲!

syau

香港地地方細, 再加上有人郁D都投訴一餐, 如果真係一個針對既行為, 各位又會點處理呢???
JKC710 發表於 2009-2-25 16:37

都玩大左就跟番法律架嘞..... 23:00 後唔爆機就掂喇....

kelvincps2005

小弟試過，但改為下午先睇戲，　晚上８：００前睇concert後就未complaint過！