|
|
樓主 |
發表於 2012-1-26 19:16
|
顯示全部樓層
本帖最後由 Raphael 於 2012-1-26 19:19 編輯
又再收到電話, 又有見工機會
今次係一間 AGENCY.... 個 AD 話, 佢地而家為一間 IT 公司 (無講明 IT 邊一瓣) 請 MARKETING~
去到, 坐低..... 無幾耐就有位中年女士入嚟見我 (佢話自己係 AGENCY 公司既老板)
我心諗: 咁親力親為?
通常, AGENCY 都比較 EASY GOING (AGENCY 只係中間人, 想幫客搵到個合適 CANDIDATE 而已, 一般都唔會太 HARSH)
但呢一位女士, 居然好 CHANLLENGING~
佢問我: "你對 ERP 有乜認識?"
我以前公司唔係主力做 ERP SOLUTION, 但我都識一啲, 於是就講出自己對 ERP SOLUTION 既認識同睇法
我講咗一陣, 佢就用好唔客氣既語氣講: "我係問你, 識得乜野 ERP 公司呀!"
我心諗: 你明明唔係咁問我喎!你明明係問我對 ERP 有乜認識!
我於是應佢: "哦~ 原來你意思係問我認識乜野 ERP 公司, 唔係問我對 ERP 有乜認識~ 我認識既 ERP 公司有 XXX, YYY"
註: 我刻意令自己語氣不帶任何不滿; 但咁既情況, 佢肯定知道自己問錯問題出醜
佢為咗扳回面子, 於是就話: "你識得咁少咋? 你對 ERP 認識咁少, 點解會 APPLY 呢份工? 你又叫我點介紹你俾我個 ERP 公司客呀?"
註: 呢個位, 我依然打算忍佢........ 努力以平和親切既語氣回應
我於是答: "其實, 我睇到你地個 AD, 話有一間 IT 公司想請 MARKETING, 所以我應徵; AD 入面, 我睇唔到有註明係 ERP 公司..... 莫非我睇漏咗......?"
我講完之後, 佢面色有啲猶豫; 好明顯佢自己心知, 好可能係佢個 AD 無寫清楚~ (而事實上, 後來亦証明佢真係無寫~)
我見佢落唔到台, 於是幫佢兜返, 繼續話: "不過, 其實今日大家見面, 亦唔一定淨係著眼於一個 JOB OPENING 既~ 你了解咗我既 BACKGROUND 之後, 話唔定遲啲有其他更合適既 OPENING 呢~ 到時, 要有勞你地幫我介紹一下嘞~ 麻煩晒你地~"
佢見咁既情況, 唯有向我講: "咁你又唔駛咁客氣...."
我心諗: 嗱, 我幫你兜返住, 俾你落台......跟住落嚟, 斷估你會態度好啲啦~
(點知, 佢下一句說話, 真係令我心底扯火!)
佢話: "我睇你 RESUME, 以往做開 MARKETING, 搞 PROMOTION, EVENT 之類....... 唔駛孭數~ 咁我覺得, 你呢啲根本就唔算係 MARKETING 囉! 頂多算係 SALES SUPPORT 之嘛~!"
我心諗: 頂你個肺!! 我啱啱幫你落台, 你居然轉頭就侮辱我既 JOB HISTORY??!!!
我見佢根本就無意思好好咁傾, 根本只係嘥我時間! 於是決定唔再婦人之仁.....
我應佢: "如果係 SALES SUPPORT 的話, 應該係指幫 SALES DEPT 處理單據, 入數, 其至安排出貨.... 諸如此類~ MARKETING 唔係做呢啲既~ 而且孭數既, 通常都係 SALES 或者 BUSINESS DEVELOPMENT~ 我知道有部份小型公司, MARKETING 要兼埋跑數; 但真正需要人做 MARKETING 既大公司, 係唔會咁安排既~ 你既然係 AGENCY, 相信無理由你會唔知道......... 除非你未有經驗幫具規模既企業聘請 MARKETING 啦~"
呢次我完全唔打算俾位佢落台..... 佢無野好講, 於是就耷低頭, 扮睇我份 RESUME..... 再係求其問我幾個例牌問題 (人工要求之類)
然後, 佢唔死心, 話: "ER.... 我覺得你作為一個 MANAGER, 無理由 APPLY 工作時, 會用 WEBSITE 既 "QUICK APPLY", 而唔係正正經經地 SEND 求職EMAIL入嚟囉~ 咁你知唔知令人質疑你既誠意?"
我心諗: 你唔講由事可! 你講呢句, 你等於叫我 "亨" 你個頭~
我答佢: "通常, 我一向都唔會用呢種方法既~ 我都覺得呢種方法唔夠誠意~ 不過, 你地個 AD 入面, 無寫上你地既聯絡 EMAIL 或者地址; 你知道嘛?"
佢面色變咗一變
我唔等佢應我, 繼續講: "起初, 我仲以為你地公司希望 CENTRALIZE 所有 INCOMING APPLICATION 既 SOURCE, 所以刻意唔寫 EMAIL或者地址, 想全部 CANDIDATE 經呢個方法 APPLY...... 而剛才你咁講, 証明咗原來唔係你地既 SYSTEM 要咁做, 而係有人漏寫咗~~ 好彩你問一問我, 否則我就白白被視為無誠意嘞~~ ANYWAY, 正如我剛才所講, 如果你地有其他合適既工作, 請隨時通知我; 不過, 最好就請你地搞清楚啲細節先罷~ 雖然我有大把時間, 但我都唔想你 CLIENT 既時間被浪費囉~"
佢唯有好尷尬地講: "一定, 一定.... 我地好一向好認真做野既....."
之後 INTERVIEW 完結, 佢鵪鶉到唔敢送我出門口..... |
|
[複製鏈接]
發表於 2012-1-22 14:17
