今日出戰旺角入手CAS 行動, 不過任務失敗

orange8615

做左大半年會員, 都仲係新仔GRADE. 不過, 吸收左咁多位CHING O既經驗. 今日應該要實踐下.
Ha.. 行左半日, 最終都係宣告休戰. 再做下功課 下次再繼續

以前自己不嬲唔會講價,岩就買. 時時都買錯好多野. 上到POST76 知道買HIFI 可以有DISCOUNT, 不過有幾多就要靠口才 (+ 運氣)

自己資歷好淺, 2011 2月 先開始玩AV. 都係果句, 要聽歌, AV 跟本俾唔到D咩你.
So 慢慢轉入2CH. 一玩就停唔到. 每隔幾個月又入手新玩具.
但同屋企人住, 玩O既時間唔會多. 多數都係房用電腦, 套HIFI係廳 都冇乜點用過. 有都俾人用黎睇戲啦

原本今日要出旺角, 一早已經諗好順路買個CAS 組合俾房仔用. 其實已經諗左幾個月.
今日出去主要係CHECK $$, 岩就入手.

其實自己玩左差唔多一年, 都未試過真正行下D 影音鋪. 多數係去到一間, 買完就走. (感覺上次次都買貴左)
今次諗住襯機會一次過行哂 添置 + 友誠, 當睇下每個商場D鋪賣D咩, 有個印象都好.
傻下傻下跟住地圖去搵. 都好簡單唔難搵

今日目標
DAC > Rein Audio X-DAC: 幾HIT 同埋價位岩
SPEAKER > Adam A5X: 呢個就大細岩同埋情意結, 想買個Monitor 玩下
線 > 未諗

行完啦. 得果2-3 間有得賣. 大部分商店d sales 都ok. 不過有d 都幾惡劣. 係星際3F XXX PRO, 見佢有A5X, 咁問下個sales 係唔係實價啦,
點知俾人串: "你係唔係即刻要先, 你要就同你講, 你格好價先黎問啦". 我第一次俾人咁樣問候, 好不爽. 我冇再譗佢即走.
可怒也, 價都未有就迫我要先, 唔通你話十萬我都要俾呀. 我心諗 我出面買貴都唔會同你買. Service 好緊要. 唔係點留得住d 客. (不過我真係搵唔到第二間有, 我頂)
不過我冇損心情, 繼續睇下間

中間仲有段故, 話說上到阿二 問DAC + ACTIVE SPEAKER
DAC 有Northstar, 個樣真係好靚仔.   仲有d 麥記, 兩隻藍色大眼仔, 正係好正. 不過睇到個價錢就.
問下佢有冇ADAM A5X, 佢話佢地有賣ADAM, 不過冇現貨要訂.
我諗左一陣, 返正問左咁多間都冇得賣, OK 問左詳細買賣試機D 野先啦.
佢拎左本簿 SHOW 個MODEL俾我, 一睇, e "New Artist 5"?? 唔係A5X 咩!?
費事誤會, 之前我已經強調過幾次係A5 "X", 因為我知有X 同冇X 價錢都差D
佢跟住繼續講, 呢隻係GA 啦 A5 MA, 佢O既全寫咪 Artist 5 囉. 我當唐打個突. 唔通我記錯!!   
跟住我叫佢打比代理問清楚先啦. 佢先知佢地地冇做A5X.

又上一課: SALES 說話不能盡信, 自己做足功課最緊要

就係咁, 今日行哂兩到都冇. 我就死死地氣走人歸家.

今日得著:
整體黎講, d sales 都唔係太差. 只係有一d 特別奇怪. 價錢就要自己做多d功課, 因為可以相差幾遠. (會俾人當水魚禁 ha)
添置D 鋪有d幾hi class 好有壓迫感, 嚇怕我呢D新手, 賣O既野通常都幾focus (膽就膽, 線就線).
返而友誠多數一層過環境大, 感覺輕鬆D(不過應該好容易出事 ha), 不過地方大=租金貴, $$ 應該都相對會高D (我估)
玩HIFI 時間好緊要, 千其唔好心急, 急就會買貴買錯. (不過我時間唔多 )

多謝收看, 有點長. 當係新手分享下啦.

最後借個POST 問下. DAC 好似係旺角唔係好HIT, 十間有5-6 間都冇.
就算有都係得一兩個牌子. 冇乜得點試
邊到有A5X 同多DAC 試?

仲有係阿二買係咪會貴少少?

ppwong517

回復 1# orange8615

DAC 好難係同一間店有多個牌子比你試，印象中只有你講既DXX PRO 多一點，但都係中下價貨，而且貴個人。
主要原因係好多傳統晚HiFi鋪都唔希望CAS成為主流，因為對比CD機搵少好多。如你只係搵一部DAC+有源Speaker。
個人經驗係HK好難產DAC，因一間鋪最多CARRY 2-3個有DAC的品牌。

North Star 以性/價係一個好好既DAC，特別係USB 32 DAC。

阿二始中係樓上鋪，應不會貴，我部NS USB 32 DAC 就係搵佢買，係阿二應會搵到North Star, Chord, Weiss, Esoteric既DAC。
其實你可以到8/F英京問下，同阿二同一老細，但主力中下價貨，服務應會好一點。

Lester

阿二算幾好架啦

avlam

X-DAC 專業好似有喎 ?

orange8615

回復 2# ppwong517

我都有同感.
有呀, 阿二到Northstar, 不過標價要22K, over 哂囉.
ONIX 價位ok, 不過因為冇同場比較 所以都未考慮.

英京都有入到, 不過我只係問左我想要o既野, 佢冇我就走左. 下次再去過先

orange8615

回復 3# Lester


yes, 其實佢d 人都算幾好, 我左問右問, 最終都係運吉. 都ok
我真係有心買架, 係佢地冇我要o既野o者.

經過今次, 有幾間鋪, 我下次買野都會上去先.

orange8615

回復 4# avlam

係呀. 我都有問到價, ok架.
不過佢成間鋪得一隻dac, 其他都暫時冇貨.

我心諗, 我又未聽過隻x-dac, 試聽左都唔知好定唔好, 冇得比較. 唔通要買左返去屋企先試咩?
咪制 都係睇定d 先.

林兄, 新仔我唔識價, pm 左你問

av2005

回復  orange8615

DAC 好難係同一間店有多個牌子比你試，印象中只有你講既DXX PRO 多一點，但都係中下價 ...
ppwong517 發表於 2012-1-15 19:48

同意 ching你話 DXX pro 係最多款 active 喇叭放响同一地方賣, 不過, 肯定唔係最平, 因小弟現在用緊 Yamaha MSP5 active speaker, 之前只得湯李有得賣, 我亦少見有ching用, 但他們都有 display, 証明係進取, 但$肯定貴過湯李, Adam小弟之前去過曾福都試聽過, 服務都唔錯, 講番DXX pro 呢間野, 雖然佢賣嘅貨係進取, 但 services 就麻麻, 小弟早幾日上去見佢有賣 korg, 就想叫佢試試比我聽下, 點知個 sale 諸多直口, 亞支亞左, 魔洛哥, 最後無得聽, 問佢幾錢, 佢好好聲氣話有價錢牌,唉, 一望, 仲貴過湯李成仟銀, 心諗, 都唔知呢間野開黎做乜, 莫非等水魚, 而家資訊甘發達, 大部份消費者都係精明一族, 都唔明點解唔做好Ｄ, 反正開大門口做生意, 客人有興趣想聽下, 都唔知D sale 覺得個客運吉呢? 定係想幫老細拆骨.

nslng

同意 ching你話 DXX pro 係最多款 active 喇叭放响同一地方賣, 不過, 肯定唔係最平, 因小弟現在用緊 Yama ...
av2005 發表於 2012-1-15 23:11

D SALES 串人唔使本。見你唔係即買就乜乜物物。唉，見到都怕。

講返ADAM A5X 其實好多地方都有。但POST76唔知比唔比直接出鋪頭名。

orange8615

回復 8# av2005


    就因為DXX PRO 係專做DAC 同headphone AMP, 佢地可以all invest active speakers & dac (冇cdp, int amp). 對我地呢d 想入CAS o既消費者應該係好事, 不過事實岩岩相反, 因為佢地一台獨大, 抬價, service差都冇理 . 市場需求大, 供應小. 舊hifi 鋪冇佢地轉得咁快. 不過我都唔明, 如果有條水, 只要俾其他人做得好少少, 只係少少. d人就會幫襯佢.
now 佢地最想就係d 人個個入去唔試即買. 佢地就坐係到等收錢. on居.

thx ching , 我都知曾褔有, 不過我諗住睇下有冇街貨, 可能會平一d . 我聽日都應該打去問下約試聽 a3x vs a5x, or 其他牌子