Denon AVR-X6300H 戲味濃郁體驗會 (會後討論)

影音小編輯

週四晚終於可同大家聽到 Denon 最新旗艦 X6300H 的功底可去到邊。活動最深刻的是以 7.2.4 的配置嘆到 <血色莊園> 、<泰山>、<忍者龜> 及 15 周年版 <臥虎藏龍>。其中以 DTS:X 音效的 <血色莊園> 就相當鬼聲鬼戲, 連 小瑟 大王都驚到擰轉身猛篤手機扮咩都睇唔到，而 Atmos 規格的 <泰山> 和 <忍者龜> 亦顯出了十分強橫的定位感表現，電影味相當濃郁。而周年版 <臥虎藏龍> 就新增 Atmos 音效，其中盜劍一幕的鼓聲層次和空間感極為離箱，完全超出了大家對電影配樂的預期，真系爽到連個心都離一離 !!!未知大家又點睇呢 ?!!

bigair

無人講我講下啦，小弟第一次參加天龍試音，X6300H係現時為止頂級合併型號，不計舊款的7200, 一部機推11隻喇叭，並未發現腳軟情況，真係算係咁啦，之前剛試完安記新型號，可以講寶完全係兩種取向，各有各好，天龍給我的是飽滿豐厚，仍然係是MIJ，AB類的聲音，溫暖，厚底，再加2隻12"十仔，可以將成間房填滿了，最深刻的是餓虎藏龍atmos一段，氣勢不同凡响，血色莊園的dtsx表現出眾，細胆d都俾個氣氛嚇到。

當日威廉Sir set機真係唔簡單，用到部天龍盡，如果有興趣用現在的家中的合併機和天龍比併，不仿參加「望聞問切」part 2, 應該會有驚喜！

小瑟

第二次的威廉SIR攪你屋企正式開PO招募勒, 如果大家都想試下新DENON X6300H同比威廉SIR優化下你屋企的效果, 就快快來報名勒~~

76-家訪系列#2: 威廉 Sir 與你【望聞問切】尋找影音新角度
https://post76.hk/forum.php?mod= ... 47716&fromuid=4

hunghung4

等我又來分享一下當晚的體驗(舉辦得很好的活動)

第一部份: 經小瑟大王揭開序幕(風趣幽默) ,威廉Sir詳細講解今晚部主角Denon AVR-X6300H(非常專業) ...呢部機設計/制作得很有誠意/功能應有盡有
1) 一部可玩7.1.4  (重新規劃的十一聲度AB類功放)
2) 4 x DSP & 2 X 768kHz/32-bit Dac  (支援Dolby Atmos / DTS:X Cross Up-mixing ,支援多類型音樂擋案..等等) 3) 供電部份(火牛)有加固底版 5)

第二部份: 電影欣賞(用心挑選的片段)
1) <血色莊園> : 唯一有DTS:X 音效的片段,場景氣氛一流,下雨時雨水聲好真實,好想擔傘 最後隻鬼魂從木門衝出來,真是學阿姐講句"個心離一離"

2)<泰山> (泰山從森林走出來那段)泰山高速移動,前後左右...定位準確

3) <忍者龜> (劫囚車那段) 低頻衝擊力好強...低頻不單止一浸一浸,還可從下以上...超正
,
4) <臥虎藏龍> (偷劍那段) 很有電影感/節奏感...張子宜和楊紫瓊一個要逃,一個想奪回寶劍...忽上忽下....末段擊鼓把氣氛越推越高...好激昂

後記: 部機好像少了點天龍味....不過聽威廉Sir話將來可upgrade個Audyssey multi-32 pro軟件, 咪可以加嗰浸天龍味...

以上純熟個人不專業分享,請多多指教

gordon98

我當晚睇第二場，雖然等咗好耐，即係表示第一場overrun咗，不過都係好事，大家玩耐啲，容我俾少少意見，其實我覺得呢啲event一粒鐘，本身唔係好夠喉，建議粒半鐘就perfect 喇
多謝當晚所有人員，包括d&m嘅人同76嘅代表
講返部天龍，唔知係咪單推7.2.4嘅關係，我個人感覺無咗以往天龍份狠勁，雖然仍然有板有眼，但我感覺上surround弱咗少少，音壓細咗啲，弱音無乜，不過可能我坐頭排嘅關係，後面4隻無乜feel
比較可惜係無得聽下用class ab嘅6300H播演唱會，唔知會唔會有另一番感受

malikysl

我係另1個POST 寫左3100 VS 6300 既比較

6300 既 COMMENT 係
DENON AVR-X6300H

1. 有DTS:X 同杜比ATOM CROSS MIXING 好吸引，
2. 感受到威廉SIR 威力，功力既設定效果
3. 包圍感強 (DEON既毒氣室比ONKYO 既大，所以包圍感會較強呱?)
4. 支持雙SUB，終於明白咩了低頻打褲腳
5. 有HEOS 支持唔同SPEAKERS 真方便，不過香港居住環境細難有大應用。
   屋企人見你開AV AMP,     即刻用HEADPHONE 聽歌了!
6. CLASS A/B AMP 聽歌較舒服，(本人喜歡厚暖慢聲)，要兼顧 HEOS 聽歌，可能停留左係CLASS A/B。
7.  可以感受煲機後既改暖，可能第二場既聲音有D 唔同左.
8. 機身暖,


DENON 體驗會 最後一段體驗播臥虎藏龍，配樂，層次感, 包圍感真係好正! 而且 OVERRUN 左45MIN, 真係好正好值得，可在冇比人因為時間而CUT 左呢段，整晚印象最深係呢段。

入門級木耳︿有錯勿怪。

wil-wil

gordon98 發表於 2016-11-7 15:29
我當晚睇第二場，雖然等咗好耐，即係表示第一場overrun咗，不過都係好事，大家玩耐啲，容我俾少少意見，其 ...

gordon98 兄，多謝你支持 76 嘅活動及相關意見!! 其實特別係影音活動正常預一個鐘活動，我地都預多 15 到 30 分鐘做走鬼位，所以第二場係預 20:30 開始。不過，如果正場都預搞兩粒鐘的話，再 overrun 就會太長，因為咁的話兩場完曬會去到十一點多，收埋野就更夜，嘉賓同工作人員係嗰頭樓下唔會食到晚飯，要餓住歸家 (因為部份住得幾遠)。我地好理解 威廉 Sir 嘅活動，大家會好多技術疑難請教，even 唔係佢家手本品牌野   ... 不過當晚又真係 over 得比預期更多，一來第一場加插左家訪嗰位師兄嘅分享，二來中間過場位多人問野，下次會好好睇緊 d 時間，唔好要大家久等，敬希體諒!!!

wil-wil

malikysl 發表於 2016-11-7 16:21
我係另1個POST 寫左3100 VS 6300 既比較

6300 既 COMMENT 係

3. 包圍感強 (DENON 既毒氣室比 ONKYO 既大，所以包圍感會較強呱?)
    其實 Denon 嘅毒氣室較細，加上間房係隔音方面唔係做在好多野，較貼近家居狀態所遇到嘅問題，
    所以正常佢地只會擺 10 個位搞活動，今次反應太熱烈，我試試要求可否盡加位，威廉 Sir 回應係:
    加多嘅位座嘅位置唔會聽齊咁多聲道之餘，整體較果會超級影響音質，不過我見反應咁踴躍，
    博下比多些師兄感受下天龍嘅另一股魅力，不竟我都用緊佢嘅好好舊型號，知到佢 d 底醞 ...
   

bigair

我想問下左後置上面有部機仔，是什麼？

carreyjim

我都係第一次參加天龍試音，以前天龍比我感覺,快,狠,勁但今代比我感覺除快狠勁之外，仲有一份細利感，聽血色莊園就會知道一開頭講對白(你以為無事)點知一吓低頻就成個醒哂，

忍者龜咁多低頻嘅戲都唔肥同散亂

最後臥虎藏龍最有驚喜，好似大王話齋(一定要入)。
忍者龜咁多低頻

每次威廉sir攪動活都去唔到，估唔到今次有幾會，聽完威廉sir set機真不簡單
(Post76 Android 手機版送出)