好後悔一年前選擇咗 unify cxxxx limited 買全套投影設備
本帖最後由 samue1 於 2026-4-22 23:53 編輯首先戴定頭盔先，我出呢個post，唔係為咗公審任何人，亦都希望大家唔好將呢個話題延續落去，知道就算啦，大家都係消費者, 我只係唔希望有人步我後塵，喺我角度，呢位"色X"先生係影音界嘅害群之馬.
我點解選擇佢哋？因為我買呢套影投影設備之前，都去過幾次post 76嘅聚會 (此事與post 76任何人等無關)，都有呢位"色X"先生在場講解顏色嘅理論，後來知道佢開咗公司賣投影設備，當時已經諗，如果第日要換投影機同投影幕就會搵佢，因為呢位"色X"先生係post 76都有D知名度，應該會老實可靠啩，對於我呢啲好少接觸影音資訊嘅玩家係一個好選擇，嚟裝機裝幕先知瀨野嘅唔再多講，想知可以睇以下之前嘅post。
https://post76.hk/forum.php?mod=viewthread&tid=356900&extra=&page=1
今次講返"色X"先生呢個幕，大陸做，$13,000，"色X"先生當時講話呢個幕料好正，歐洲料，但估唔到一年後就變成咁樣{:1_260:}我唔想打咁多字啦，大家自己睇 (我用"色X"先生呢個幕之前只係用影輝幕 3XXX人仔，用咗5年都冇咁嘅情況{:1_260:}
個摩打收得隻幕緊得滯?️
其實電幕有摺痕都好常見
本帖最後由 cheungyunwai 於 2026-4-23 09:12 編輯
chhanthony 發表於 2026-4-23 06:06
個摩打收得隻幕緊得滯?️
其實電幕有摺痕都好常見
玩咗咁多年電幕換過五款，唔多唔少都係會有啲摺痕 小弟用過唔多電幕, 計埋今次呢隻第4個電幕, 前面三隻都係5千內, 今次呢隻最貴, 前面三隻都冇出現過咁嘅摺痕, 真係好常見?{:1_257:} 睇返樓主同A先生啲對話，俾着係我都會幾唔舒服，
駛咗嚿都唔少嘅錢俾人都係想玩得開心啲同安心啲，
但用十倍錢買個吊架同得唔到應有嘅承諾同服務；
都算啦，唔夠一年支幕就出橫紋，
問返賣家得到嘅答覆係「放落嚟七日」同「濕度熱度會影響伸縮性」
嘅答覆；
如果按A先生講佢公司支幕都係咁嘅話，當日樓主上去佢公司睇demo時有冇見到想同情況？
又按佢講法支幕會出現呢啲問題，sales樓主買嗰時又有冇講清楚？ 本帖最後由 samue1 於 2026-4-23 12:04 編輯
茶母 發表於 2026-4-23 11:16
睇返樓主同A先生啲對話，俾着係我都會幾唔舒服，
駛咗嚿都唔少嘅錢俾人都係想玩得開心啲同安心啲，
如果按A先生講佢公司支幕都係咁嘅話，當日樓主上去佢公司睇demo時有冇見到想同情況？
>> 正如上面我講, 我用之前3個幕都唔會有咁嘅情況, 所以冇特別留意, 如果根據上邊兩位師兄講, 電幕有摺痕係好常見嘅, 我一定會留意啦, 一定會問啦, 但小弟不才, 才疏學淺.
又按佢講法支幕會出現呢啲問題，sales樓主買嗰時又有冇講清楚？
>> 冇講清楚, 但我有問過佢, 個幕大陸做, 要13000蚊? 有咩好? 佢話佢demo都係用呢隻幕, 係歐洲料, 好靚架. samue1 發表於 2026-4-23 11:00
小弟用過唔多電幕, 計埋今次呢隻第4個電幕, 前面三隻都係5千內, 今次呢隻最貴, 前面三隻都冇出現過咁嘅摺痕 ...
其實都會發生呢個情況，正常幕料同摩打滾筒個連接位會有凹凸位，
幕料每捲一圈就會壓返落個凹凸位一次，如果長期唔落嚟或者日子有功，
又真係會出現壓痕，放落嚟一段時間隨住物料彈性真係會有好轉，
唔同幕料特性唔同，正常料愈厚彈性愈低，相對冇咁易出壓紋，但出現咗就會難啲修復，
薄啲嘅料彈性比較好，出現壓紋機會比較大，但放落嚟會易啲修復，
本帖最後由 lulled 於 2026-4-23 13:40 編輯
茶母 發表於 2026-4-23 11:39
其實都會發生呢個情況，正常幕料同摩打滾筒個連接位會有凹凸位，
幕料每捲一圈就會壓返落個凹凸位一次， ...
我用過兩隻 OS 投影幕 , 兩隻都冇乜問題 , 一隻100吋 , 一隻110吋 , 100吋 已經賣咗 , 110吋而家都用咗好多年 , 正正常常冇問題 , 冇摺痕冇波浪 , 係睇電影先至放落來 , 平時係唔會放落嚟 , 所以呢個理論係唔太成立 lulled 發表於 2026-4-23 13:38
我用過兩隻 OS 投影幕 , 兩隻都冇乜問題 , 一隻100吋 , 一隻110吋 , 100吋 已經賣咗 , 110吋而家都用咗好 ...
我都係講有機會，當然唔同牌子唔同料，出事機率唔同，
不過樓主又真係幾慘，駛錢買貴啲就出咁多事 samue1 發表於 2026-4-23 11:37
如果按A先生講佢公司支幕都係咁嘅話，當日樓主上去佢公司睇demo時有冇見到想同情況？
>> 正如上面我講, ...
其實咩叫歐洲幕料？幕布喺歐洲造？定係指呢隻幕布係賣歐洲某啲大牌子嘅幕？