Noble Khan分享
本帖最後由 vivibo 於 2019-4-11 23:35 編輯小弟好少在呢度出post和留言, 印象中好幾年未出過開箱分享了, 今次購入的Noble Khan, 係小弟近呢幾年真心覺得喜愛的耳機, 所以有一股衝動想分享一下心得.今日舖頭通知我我訂的Khan到貨了, 收工後到舖取貨!
包裝及配件其實有些不合身價, 感覺誠意不足, 畢竟身價成兩萬大元! 不過重點始終是耳機本身及聲音質數, 但希望廠方下次再推出貴價耳機時可以改善下個包裝!
我的Khan很幸運, 花紋好靚, 我好欣賞今次Noble選擇面板物料嘅心思, 係用了一款好特別物料叫木目金, 每一隻也是獨一無二花紋, 我唔識係咩, 但在上月耳機展試聽時, 代理講係一種名貴材料.
在耳機展初聽只用跟機3.5線, 比我感覺條線質數不差, 至少整體聲音質數是對板的, 線身和耳機是很相襯, Noble呢方面係有花過心思的, 相比比起其他旗艦耳機做得好. 條線物料係銅鍍銀, 幾多N銅就唔知了. 日後希望可以為Khan配上更相襯的2.5線. 其實現在的我不太喜歡買鍍銀或純銀線了, 相比起廿幾年前開始初燒玩音響時, 當時認知純銀和鍍銀線一定是好東西, 而當時在線材上也交了不少學費.
跟機有三款耳塞, 一膠兩綿, 三款認真試了, 白色最啱我心意, 聲音平衡度好高, 唯一唔好處, 容易污嘈, 我唔明Noble點解要選擇白色?
聽感:
每位發燒友對音響及個人音響總有一套主觀標準, 音響而言, 小弟口味和要求也隨著時間及聽感經驗有所改變, 小弟注重音色和音樂節奏感之餘, 也對音場深闊度, 音樂結像和弱音細緻度, 樂器層次感和定位, 人聲口形位置都定為我的主觀標準, 小弟認為一套好的音響系統係應該具備以上條件(當然其實仲有好多原素的, 但不在此詳述了). 玩家玩音響有一過癮之處, 又可謂困難之處, 就是藉著空間位置和喇叭擺位, 而對以上條件有所改變, 小弟曾經花了很長時間跟一些師兄和自學去學習喇叭擺位, 另外不同物料音響墊材也會對以上條件有所改變, 這些又係另一種學問.
玩個人音響不同玩家用音響, 不受空間限制, 近耳收聽, 很容易聽到弱音細節, 一流的分析力和音色, 近年推出的播放器,耳機和耳機線水準已經很高. 唯一美中不足嘅係, 相比家用音響, 入耳式耳機很難做到空間表現, 音樂層次感和定位也在現今個人音響裡不明顯表現出來, 始終不同聽感, 不可相提並論.
直至上月耳機展試聽Noble Khan, 在短短試聽幾首歌中, 我發現呢款耳機很特別, 我竟然聽到音樂的層次感和定位, 音場夠深層次感自然增加, 音場闊度適中, 再闊結象有機會過於鬆散了, 各樂器分隔度做得很好, 人聲前樂器後, 人聲厚度適中, 非常難得的音樂表現. 往後一星期, 我再到舖頭試聽, 效果比耳機展試聽時更加好, 店員解釋, 呢隻demo代理已煲了200個鐘, 店員同時講, 呢隻耳機最佳表現在500個鐘後. 真係要咁耐咩????
Noble Khan超高做得很好, 超高頻和高頻銜接很順滑, 線性很好, 高頻延伸可以去到好盡而沒有開叉和標, 開發工程師利用壓電單元用作超高音, 功力有一定水準. Noble Khan高頻演繹突然令我想起以前對Dyna C1個Esotar高音, 高頻去得盡而有很好的延伸. 而Focal鈹高音又係另一種演繹, 高頻擴散度非常出色, 尢期聽Jazz”令令查查”嘅樂器, 彷彿在你耳邊伴奏, 非常過癮!
事實, 今晚我只Noble Khan低音量不算多, 比起我試聽時少好多, Demo半熟情況下我已經覺得足夠, 應有低時佢會比到你, 爽快不拖泥帶水. 我有個假設, 不知對不對, 如果當初工程師調音時, 加多低音量, 現在的層次感,定位, 分隔度會否被等犠牲了? 有得必有失, 這正正是每位發燒友主觀標準.
一路聽一路寫原來已經深夜, 再寫就天光都未寫完, 相信煲練都要一段長時間, 希望煲熟後會有更大躍進, 仲有白色耳綿好夾聲, 我未試市面其他耳綿, 反正來日方長!
此耳機最大敗筆就是2 pin插位(純個人意見)! ip_csl 發表於 2019-4-11 23:57
此耳機最大敗筆就是2 pin插位(純個人意見)!
等第二水FIXED版 我會等多幾版 我對都等換放了代理 凖買家記得要試 2 pin插位咩事呀? vivibo 發表於 2019-4-13 07:40
2 pin插位咩事呀?
換了3條不同耳機線試聲後,一邊無聲,另一邊bad contact, 已到代理換了新(現時都不敢再亂咁換線了) ip_csl 發表於 2019-4-13 08:41
換了3條不同耳機線試聲後,一邊無聲,另一邊bad contact, 已到代理換了新(現時都不敢再亂咁換線了) ...
Ching 代理有新貨換？ tubeamy 發表於 2019-4-13 12:26
Ching 代理有新貨換？
我是一出就買的,上星期三到店換貨,但未有現貨,幸好得到店員幫忙,打了去代理問,剛好有一對現貨,便立刻到代理換了對全新(但都是一句,雖然換了新,但都不敢試換太多線) 本帖最後由 hke3g2006 於 2019-4-13 13:15 編輯
so Khan appears to have a major design fault (the2 pins connector)....i know many buyers need to return theirs to the shop