早過香港，今日我上左內地睇左 《水行俠》 ...
本帖最後由 alleelarry 於 2018-12-10 13:12 編輯今次<水行俠>內地比早香港成個星期上映，促使我今日第一次上左內地睇戲?
我選擇左深圳寶安區壹方城嘅CGV影城, 主要係貪新鮮，因為壹方城係上年年尾才新建立嘅大型商場，佢裏面嘅戲院設備應該都唔會差。而且交通方便，從地鐵一號線寶安中心站出來，直接有個出口可以通往這個商場的地下層。
講返套戲，大家唔使擔心Aquaman今次又會好似<正義聯盟> 裏面成個搞笑角色咁樣，又唔識打又冇鬼用，響唔劇透嘅情況之下我只能夠講四個字 “霸氣外露"，睇到尾你就知我講緊乜✨ 引用劇中角色一句: “The King is rising”，劇情方面覺得似 “亞瑟：王者之戰”多過似傳統英雄電影，但最大嘅分別係今次電影裏面描述嘅水底世界係之前從未見過嘅。
響影像畫面上有好強烈嘅新鮮感，導演溫子仁好成功塑造一個精彩嘅水底世界，由神話與科幻結合嘅亞特蘭提斯，至多個神話式嘅壯觀場景都一一呈現眼前，亦相當妙用水底生物帶來嘅各種幽默設定，非常過癮。最尾甚至有“魔戒”式嘅壯觀兩軍對壘，鍾意大場面去發揮影音器材嘅朋友應該唔會失望。
動作設計方面亦很有心思，呢套戲除了將一支“魚义”玩到出神入化之外，更加多次活用水底內以及水面外的不同特性運用在動作場面上，幾有新鮮感。而中段一場響意大利西西里島拍嘅場景，拍到好似響巴西貧民區嗰種穿梭追逐，非常精彩我真係第一次見??。
老老實實當睇完套戲你可能會覺得內地譯名“海王”可能更加貼切。
結論係：溫子仁好嘢! 仲有Nicole Kidman(妮哥潔曼)依然好靚 ?✨✨
本帖最後由 光與曝光 於 2018-12-9 19:48 編輯
WY807 發表於 2018-12-9 18:32
¥63 有imax 睇？
今次 ¥63 只係普通3D, 而尼間戲院係屬於深圳比較貴嘅一間，3D IMAX約 ¥90-124，視乎場次而定
今次嘅經驗比我唔錯嘅感覺，我諗我會繼續搵多幾間去試試✨✨ 樓主寫完有的興趣睇 WY807 發表於 2018-12-9 18:32
¥63 有imax 睇？
扺睇喎 間野有IMAX都唔睇?
我都上左去睇, 不過唔係呢間, 都埋係睇IMAX 3D, 94蚊人仔, 淨係個幕都好過晒HK, 爭在D位唔多好, 我睇嗰間係百老匯開既, 佢地D位我個人覺得真心麻麻地.
如果AVENGER 4大陸又早上畫既話再上去睇至得., Hon 發表於 2018-12-9 23:17
間野有IMAX都唔睇?
我都上左去睇, 不過唔係呢間, 都埋係睇IMAX 3D, 94蚊人仔, 淨係個幕都好過晒HK, 爭在D ...
因為... 買錯飛?? ,下次一定係IMAX首選!
而我睇尼間戲院可能係新開，硬件器材等等都非常之好，只係旁人嘅質素麻麻，依然有大量小朋友叫聲及開電話睇message等等...?
Hon 兄，"D位麻麻地" 既意思係？？？ 太窄？前面個頭阻住字幕？？？可否講多少少呢... 因爲我都未返過内地睇戲，所以都好想知道佢地 D 戲院大約咩狀態呢 {:6_128:}{:6_128:}{:6_128:} 係咪得簡中字，繁中唔駛旨意架啦，係咪英文都無？有無教學點買飛？ 本帖最後由 Hugo Fok 於 2018-12-10 13:08 編輯
個人覺得《海王》一名太過"霸氣外露"，而《水行俠》一名就較貼地同有奇幻色彩，字眼上我覺得"水行"一詞比較多幻想空間... (純個人主觀感覺）^0^個人比較期待係魚叉係海、陸兩個打鬥空間既玩法...