影音補品與畫面調校的思迷
本帖最後由 sjbean 於 2018-7-5 22:17 編輯首先我要多謝T大師幫我部電視作出畫面嘅調校， 令到我對睇電影有另一種感覺， 所有畫面都俾到睇我每一種真實顏色， 而黑白灰之間嘅平衡度亦相當之高， 光暗嘅對比亦達到一個非常之舒服嘅境界， 我每一部之前所睇嘅戲依家都有一個全新嘅感覺，當中嘅感覺就好似VCD變DVD，DVD 變 Blu-ray，每個晝面都升左一級。
之前好多師兄已經出過一啲由T大師所調教嘅畫面對比圖， 所以我今次最主要想講就係畫面調校同埋影音補品對於畫面嘅分別。
首先講下依家自己嘅裝備先
1. LG Oled 55 b7p
2. Alpha 4K fuse
3. Audio quest jitter bug
4. PS audio 濾波拖板
先講下係乜嘢都唔改唔加嘅情況之下，部機咩料先。
小弟墨水有限，所以以下内容會比較抽象，尤其未睇過小說既人，希望各位唔好見怪。
Oled 同普通 LED 既分別，等同天生骨格精奇練武好材料之張無忌同平民伯性既分别。同樣出廠設定， Oled 已經高一大班，就算對一般高手都可以打贏。
當換上4K fuse 時，情況就如張無忌習得九陽六神功，内力大增，輕輕一掌，猶如滔滔大海澎湃湧出。電視比之前更光亮，顏色更鮮艷。但因功大增，有時要減下亮度或對比先舒服。
雖然習得九陽神功， 但身體各經脈仍未完全打通，畫面仍帶點粗糙， 影像未夠暢順。 張無忌靠乾坤氣袋充破各經脈。 袋我就冇嘞，手上剛好有支 audio quest jitter bug，地下剛好亦有濾波拖板， 就用佢哋試下打開電視機嘅經脈。 果然不出我所料， 當兩者一出， 電視機畫面即刻乾淨咗， 畫面流暢度亦有改善。
當我以為神功大成嘅時候， 原來發現自己實在太膚淺， 因為作為頂尖高手， 淨係有精純嘅內力， 係唔足夠打天下嘅。 正當不知如何是好嘅時候， T大師就喺Post 76出現。
同明教教主陽頂天一樣， T的調教技術等同乾坤大挪移神功， 屬於當世極級武功之一。當佢將武功傳於我家電視之時，我家電視就如張無忌從用神功出密室，並可大放光明於光明頂一樣。畫面光而不棘眼， 顏色準確之餘又不奪鮮豔， 黑白灰之間層次清晰而見， 令到我部電視已經登入一級高手之列。
最後總結， 影音補品能增加功力， 但電視調教卻是武功嘅所在， 兩者必須並存， 才能發揮電視最靚嘅一面。 當今天下另有 “九音真經” 一書, 為各武林人仕前赴後繼
我都係用緊EX750喎，可以分享下setting嗎 請問師兄用緊邊個牌子嘅4k藍光機 kuushun 發表於 2018-6-24 01:05
請問師兄用緊邊個牌子嘅4k藍光機
Panasonic ub400 {:6_136:} 求分享數據 {:9_428:} sdr
hdr
因為每塊panel 都唔一樣，所以會有出入
數據只供參考{:8_387:} 啲顏色真係set得好靚 我校完之後直情以為換左電視機，劲!