極限調教 SAMSUNG QLED Q7 (謝謝Terry)
某天突然收到Terry 師兄訊息, 問我在不在家, 等我以為師兄想即興上來. 原來佢想問我SAMSUNG QLED Q7有乜port位, 佢搵到我部Q7同 LG 2018系列可以support AutoCAL初頭不太明白, 後來經師兄講解後明左少少, 以我理解後好似悟空的”自在極意功”, 不用手動自動運行, 即係好勁的意思把.{:9_430:}
Terry師兄訂左線後即時約時間, 睇出師兄好心急想試新野, 所以約左一收到AutoCAL線就盡快上來玩我部 Q7 AutoCAL, 師兄到來即時setup好個陣, 初時有些少困難, 但最後成功認到部Q7 AutoCAL, 己經進入”自在極意功”境界
經過一輪自動運作後, 師兄醉心睇 report,再手動微調, 試出Q7不同極限. 我就係到食花生. 雖然係自動運作,但師兄都係第一次玩, 都試左成個幾鐘先播Demo.
結果真係好正, 極限得來又要完美係好難既事, 上次白平衡準, 但色彩未去到極限. 今次白色冇爆, 其它色又準又去盡, 好似即時買左另一部機咁. 睇返之前d 戲即時立體感重左, 對比高左, 之前睇唔到既地方都睇返晒.
呢個都係Terry師兄灌輸我既還原原色概念, 白平衡好似白紙咁準, 然後其他色先會準, 出來效果自然會好明顯,睇到感受到. 自已之前都有上網 copy 設定, 仲係有差別, 再自已亂教,好多位OVER晒.
再次多謝 Terry 師兄對畫面的熱誠執著, 連在場的女仕都睇出明確分別{:8_389:} , 之前仲問我4K係乜來, 唔覺靚到咁利害, 但調教後都大讚師兄的功力, 畫面提升到嘩嘩聲, 女仕睇得舒服, 男士將來申請有關費用都易好多啦.{:9_407:}
總結: 今次 QLED Q7 AutoCAL 經過 Terry師兄調教後超水準完成, 真係有得同 OLED 鬥下, 當然黑位一定冇OLED 咁正, 但因為光位夠, 睇到OLED 睇不到既畫面, 各有各好! 前提都一定要經過專業調教
有緣結識到 Terry 師兄又到朋友真係開心, 爭佢好多餐飯了!{:9_407:}