This meal can be enjoyed again and again.{:6_176:}
見冰島火山爆發，英國 Amazon 寄碟出問題，急急轉軚，原本訂咗英版鐵盒，見美版雙碟加 3D 靚封面即入；昨晚睇埋，再睇都覺正，聲畫俱佳，完全冇投訴，雖然畫面冷冰冰，但感覺同故事中嘅世界好配合；呢套我覺得真係 史 Sir 最好睇嘅成人向動作片，需知 史 Sir 拍唔少幼兒向嘅科幻動作片，再睇呢套一樣咁過癮。港版真係可以考慮再入！
依隻等fox行版
希望行版都出立體封面...
我話最好出埋鐵盒添！{:6_134:}
Woo...good movie{:6_193:}{:6_193:}
本帖最後由 victor_wong 於 2010-4-26 06:50 編輯
終於等到 阿凡達 ＢＤ 鐵盒到手，因為冇 ＳＦ，所以由 ” 西冷 ” 變咗 ” 薄牛扒 ”，好在有本小畫冊同 Postcard，所以算係多隻煎蛋補數；我部 Sony 550 冇問題，可以播到，Load 碟仲快過之前老占套美版 T2，T2係我咁多隻 BD 當中 Load 得最慢同最唔特別嘅一隻碟；講番隻 阿凡達，聲畫冇投訴，由於我在戲院睇 3D 版，所以 2D 版 我係一次睇，感覺畫面好自然，唔覺 ＣＧ 太誇張，至於聲，我反而覺得可以再多一點，因為套戲一靜咗，後邊 Surround 靜晒咁，唔係太多環境聲出現，如果係 TrueHD 可能會唔同少少？
我個人喜歡 " 十月圍城 "，呢套戲最後個場係除咗 Brian De Palma 在 The Untouchables 第二個 夠膽向 Sergei M. Eisenstein 套 Battleship Potemkin 致敬嘅電影；拍得好唔好就好難講，但至少睇到導演對電影有半點熱誠，而且忠於傳統。好在我未買第一版 BD，如果唔係我一定會睇少咗 D Making of，呢隻聲畫都合格，音樂帶動到氣氛，至於碟二嘅 Making of，除咗 ” 黑色十月 ” 比較完整之外，其他 Making of 有十幾段，但全部分件上，冇得 Play All，就比較老土，相信如果要有導白，可能要等鬼佬版啦，所以呢隻暫時只可以係一塊牛肉乾嚟。
自己參考慢慢睇
86716
本帖最後由 victor_wong 於 2010-5-16 23:06 編輯
呢幾個星期分別入咗幾隻 Bruce Willis 嘅舊戲，直情可以話係從 ” 末世天劫 ” OK 到 ” 偽能叛變 ” No Way；” 末世天劫 ” 等唔切中字被啦，聲畫在冇咩要求嘅情況下效果反而覺鬼好好，以一套十二年前嘅舊戲嚟講，修復得算非常唔錯，要顏色有顏色，要暗位有暗位，仲想點。” The Jackal ” 未睇，好難講，入係纯粹情意結，至於 ” 偽能叛變 ”，最初以為係科幻動作，但原來查實係查案懸疑加少少動作，但 Bruce Willis 個形象真係唔係咁討好，加上套戲好似加咗好多 Filter 咁，D 顏色好似好唔自然咁，而呢隻係大陸版，相信同港版係共版，但平一半咁上下，大陸 ” 滴屎嚟 ” 真係值得留意；至於 ” 毒網 ”，纯屬個人喜好，點都會入架啦。
本帖最後由 victor_wong 於 2010-5-16 23:33 編輯
Fritz Lang 嘅戲我只睇過兩套；分別係 ，1927年 Metropolis 《大都會》同，1931 年 嘅 M；兩套先後都在睇完錄影帶再戲院睇，之後 DVD 再睇，感覺上依然咁好睇，M 之前收過 Criterion 第一版零收錄 DVD，再出 SF 版只等 BD 版，終於等到啦；M 講 Peter Lorre 演嘅小童連環殺手，面對個人掙扎同罪惡深淵，萬劫不復，最終神探單憑藉個人力量緝凶，地下判決，何嘗又唔係另一種罪惡；呢套極具社會控訴意識嘅作品，影像強而有力，極度風格化，再睇感覺依然；而 《高達》嘅 Vivre sa vie （My life to live）係當時睇完 À bout de souffle《斷了氣》之後睇嘅第二套作品，同 M 一樣經歷，BD 又係必收之作；至於兩套 老火湯，《太陽神13號》我覺得畫面只可算係中下，而 《末路驕陽》則中上，而聲方面，我反而覺得《末》全面贏晒，音樂完全帶動影片嘅氣氛，都係必收之作！
本帖最後由 victor_wong 於 2010-5-20 08:24 編輯
本週購入幾套西部片，當然係《奇連》演山作品啦，除咗美版 Hang’ Em High 近乎零收錄同冇中字外，其餘都有中字；《地獄門》去年購入，如果 Box Set 舊年出，Box Set 就抵 D 啦；《七侠》（註：呢套冇《奇連》份演出）嘅音樂被人玩得太多啦；音樂一出，直情即刻就令人感覺係香煙廣告咁，咩 Feel 都冇晒；反而《地獄門》雖然都被人戲謔，而且大部份都係喜劇，但可能係個主調係 Minor，感覺上就認真好多，而《七侠》卻係 Major 調，只有氣勢，冇咩情調可言；無論如何，總之呢個星期就可以慢慢嘆啦！{:1_259:}
