本週購入幾套西部片，當然係《奇連》演山作品啦，除咗美版 Hang’ Em High 近乎零收錄同冇中字外，其餘都有 ...
victor_wong 發表於 2010-5-20 07:59 http://www.post76.com/discuss/images/common/back.gif
ching, 幾套畫汁如何{:6_141:}
ching, 幾套畫汁如何
Fantastic 發表於 2010-5-20 12:20 http://www.post76.com/discuss/images/common/back.gif
每套表演非常參差，《七俠》唔錯，但一兩個鏡頭明顯執得好緊要，兩套 Dollar，外景表演好靚，但一到室內，就明顯見到白點滿天飛；最平均係 《獨行俠》；始終比起兩套 Dollar 嚟講戲係比較新，唯一感覺唔太好係聲，可能原聲係意義大利文，配咗英文感覺上怪怪哋，加上單聲道變 ５.１，唔好太多要求；作為收藏還可，想試畫同聲就未必可以滿意啦。{:1_260:}
回復 92# victor_wong
Thanks ching.
本帖最後由 victor_wong 於 2010-5-30 23:41 編輯
星期一從書網訂星期四收到，海外嚟講算快，而且價格連運費同各位 CHing 在香港買差無幾；《十面》睇完真係顏色比較淡，而且畫面質素時時壞唔太穩定，一時好靚，要時好麻麻，感覺上聲同美版 PCM 分別唔太大，唯一最抵買點係中字，係得明嘅台式中字，相信話係港版都可以信得過；《鬼魅》整體上同美版分別唁太大，同樣最抵買點係中字加特別收錄；至於《軍天》畫面知係 DNR 落得好重手下，畫面强化得嚟唔太自然，但評講有中字又加返分，整體嚟講三隻平平哋嘅話絕對就入得過。
Ching真是一名超級電影發燒友，真幸福啊。
shshngai 發表於 2010-5-31 00:09 http://www.post76.com/discuss/images/common/back.gif
非也，只是中毒深，無法自拻。相比其他 CHing，只是小小玩意了吧，我又何曾有機會可以一次過訂廿隻碟呢 {:1_343:}
本帖最後由 victor_wong 於 2010-6-7 07:43 編輯
本週順應民意跟大隊入大路嘢，《雷霆救兵》我個人其實一般，片首拜山音樂好細聲以為奶嘢，跟住搶灘就即刻嚟料，畫面雖然偏灰，但勝在夠穩定，呢套 1998年嘅戲，個人覺得畫面竟然仲靚過2005套《強戰世界》，真吹脹；而《強戰世界》，畫面要 Tune 過就好少少，呢套真係好好爆，夜晚睇小心比街坊投訴；《同行殺機》係義無反顧鍾意；至於兩隻 Toy Story 係二手，仲有戲票送，盒面印 5.1，但其實係7.1至啱，畫就冇大驚喜，但聲就竟然交足功課，好有現場感。
呢位師兄真係套套戲都有買DVD喎！
得利e三隻碟竟然係大陸做{:6_121:}
change a bigger carbinet {:1_330:}
本帖最後由 victor_wong 於 2010-6-15 19:33 編輯
亂槍掃射嘅效果除咗係過癮之外，後果亦都係係代表死得人多，洗得錢太多。本週認真血本無歸，忍唔到手，呢個同樣係跌落樹皮月嘅原因之一；最愛嘅《獵鹿者》昨晚一口氣再睇晒，雖則係套戲係三個鍾，但當三幕劇睇，一點都覺長；論畫質，室外景還可以，但一去到室內就雜訊滿天飛，睇真點我覺得只係 DVD 5質素，雷射今次真係唔 OK，如果唔係有中字一定唔入。
《鐵血戰士》新版起初覺得同舊版分别唔太大，而且覺得用咗好多 Edge Enhancement 令人物輪廓更 Sharp，但就冇晒 Detail，好在慢慢漸入佳境，至於聲，我反而覺得舊版好似好少少，雖則大家都係 DTS Lossless Master 5.1，但前者好似大聲D，後就细聲D。而《宇宙威龍》真係百看不厭，但奇就奇在可能睇得DVD太多次，已然習慣咗個畫面，BD反而好似冇DVD咁順，但當然聲就真係Upgrade 咗少少！
至於《殺戮戰場》，之前一晚睇返DVD，同現在BD感覺上分別唔太大，可能大家都係MPEGII吧！《重案夢幻組》切頭切尾跟本就係一隻台版；Sony 《年代》實在太令人失望啦；今時今日仲比台字過港人，咩《絕地戰警》呀！好心學吓人哋《得利》啦，連《洲立》都開始有廣東話字幕啦，做得好唔好係一回事，但至少接納意見，真係去試求進步嘛！如果《年代》繼續係咁，我就買美版算數，反正除咗所謂中字之外，隻碟基本上唔值得買港版。話時話呢隻水準真係一般咋！只比Superbits 版好的咁多多。
其餘兩套新片，纯屬收藏，得閒至拎出嚟睇睇。
