Alman 發表於 2018-1-14 23:13
Billy 兄真係金睛火眼。。。。
小弟是經手人， 知道她大了肚。。。。。 所以已訂了替代品。
點解幾隻電容都作懷孕， 咁好生養 ??.......原因好易明, 外面天寒地凍，您留在屋内飽暖之餘、長期 "power on" 作的好事。
將有關嘅 E-caps 耐壓 voltage rating 升级，以後安枕無憂。
Furthermore, 煲機一排後，用手指扲住呢隻 heatsink,若果3秒内熱到您要缩手，就表示過熱會影響鄰近 e-cap 早熟。必須実施解決方案。
billymud 發表於 2018-1-15 10:58
點解幾隻電容都作懷孕， 咁好生養 ??.......原因好易明, 外面天寒地凍，您留在屋内飽暖之餘、長期 "power ...
Bill 兄：
多謝提點。 小弟思前想後， 知道點解會搞大咗佢地個肚啦。應該係月前有一晚情不自禁 （唔係， 係一時大意）聽完歌後唔記得熄前級， 跟住襟快布上去， 直到第二日下晝先發現！揭開塊布
後， 唔使問部機緊係慶啦， 咁就變成咁好生養。。。。。。當時知道大件事， 但無乜留意D電容。 一次意外， 足以致命， 要破財了。 阿Q精神， 當係有機會換電容啦。 {:1_253:} Audio Note 電容的味出來了。。。。{:1_340:}
早兩日換咗Audio Note後試聽， 有些失望： 同舊有電容分別不大， 唔通揀錯? 可能要煲先得？
琴晚再聽， 開始感到音色較柔但細緻咗， 節奏活咗。 今晚再聽， 可以話AN給你的是味道更濃兼真。
Bill 兄指出的大肚電容， 已訂了Mundorf 來替代（共一對更換）， 價錢同AN差不多， 到時唔知會否更上一層樓？{:1_262:} Alman 發表於 2018-1-17 11:36
Audio Note 電容的味出來了。。。。
早兩日換咗Audio Note後試聽， 有些失望： 同舊有電容分別不 ...
ALman 大師父，舊愛大肚, 叧結新歡Mundorf ，可預見您會幾天冇得瞓了。{:1_351:} 請問前輩有DZ GG的原始零件表嗎?可否寄到ivankao.ts@gmail.com, 因為我有一組未組裝的GG，而我是新手，不知道焊接位置要對應的電阻電容。 ivankao 發表於 2018-1-20 08:38
請問前輩有DZ GG的原始零件表嗎?可否寄到, 因為我有一組未組裝的GG，而我是新手，不知道焊接位置要對應的電 ...
請查看電郵.
Alman 發表於 2018-1-21 05:01
請查看電郵.
To Alman,
萬分感謝！ 一個實驗：
小弟在GG前級的地輸出接條線去地盒。 突然心血來潮：假如係機內的地線先經地盒洗禮一番（再輸出去後級）， 會有乜唔同呢？{:1_342:}
於是抽出地線（改以Neotech UPOCC 銀線）接地盒一端， 另一端接去RCA座,結果: 音色會柔和同純咗， 但係咁麻煩，都係由得照舊外接地盒算了{:1_352:}
RE: DIY前級Kit推薦: GG終於開聲啦！
本帖最後由 Alman 於 2018-1-31 11:40 編輯望穿秋水， 終於等到Mundorf嚟入門， 取代大肚容， 兼趕走埋粒100V BC電容 。。。。。。。
搞完一輪， 戰戰兢兢開機， 無聲！！{:1_328:} 頓時方寸大亂{:1_260:} 。 原來忘記插DAC去GG前級的線{:1_338:}
唔駛煲， 一出聲就有料到。但係咁意都要煲下先出報告。 請大家先看相： Mundorf 電容報告：{:1_345:}
今次換上Mundorf 比上次Audio Note Standard 的效果更大, 皆因聲底明顯改變！
整體聲底變得豐厚通透，立體感增加，演奏音樂對比大（更活）。
聽炎黃第一鼓的舟山鑼鼓開頭的敲打樂器齊發， 餘響好長同擴散， 嗰兩下掃風器比前清楚；骷顱之舞這首小弟至愛日唱夜唱試音必備的 曲目又如何？左右樂器互相呼應來得明顯，定位更sharp。以前尾段大爆棚大音量播放高音有點散， 依家圓滑清晰咗。聽人聲就非常過癮了， 運氣感情真係好。Eagles 的Hell Freezes Over 現場錄音最後一首Desperado， 人聲唔在講， 背後的電子合成音樂以前聽只係抓不著癢處咁， 依家聽到D線條同演奏。小弟認為Mundorf 比Audio Note Standard 更hifi。這三粒蚊記唔簡單。無揀錯{:1_330:}
聽得興起， 小弟開始搵緊啱amp嘅Mundorf 電容值。。。。。。{:1_343:}