Rakehell
發表於 2013-6-9 13:32
師兄們既各方面解釋都好岩.
做功課真係好緊要.
但係想講既係 , 如果個個都要買家開價 , 咁就無左格價呢個意義.
講真我想信好多 (至少唔少) 男人都好唔鍾意講價.話一就一 .唔岩聽就閃人.
錢我唔係要賺盡.我不嬲都唔會只睇價錢 , 所以我幾鍾意去"圓音". 可能我唔鍾意同人拉鋸. 開個折後價,岩聽既就交易. 話知你果一百幾十丫.
我知我同有D師兄睇法有D唔同 , 唔好介意 , 師兄買玩具經驗多 , 我見識少呻下姐. 難保我第時做好功課都係返去搵佢買. {:6_136:}
uglyduckling
發表於 2013-6-9 14:21
Rakehell 發表於 2013-6-9 13:32 static/image/common/back.gif
師兄們既各方面解釋都好岩.
做功課真係好緊要.
C-hing 毋須介意, 其實人同此心, 心同此理, 我一世人都唔知買貴咗幾多用品消費品
有時價高又好似被揾笨, 太低又唔知信唔信得過, 驚佢比陳列品或顧客退貨比你, 如果存心欺騙, 要內外清潔抹到新嘅一樣有幾難呢, 由其 AV 嘢, 冇顧客會收貨後開殼檢查
服務口甜舌滑與態度冷漠或好寸, 同忠誠服務並無必然關係, 淨係信佢個把口及態度, 分分鐘奶咗嘢都唔知, 影帝並無等級, 好寸嗰啲鋪又可能唔呃顧客, 因此揾一間誠實可靠嘅鋪一啲都唔易, 好彩仲有呢類科林或格價網, 在任何物品或服務等多方面, 可以搜集正反两方資料, 以作考慮决定, 所以我先就我購物經驗加把咀, 請 C-hing 勿怪
calvincjsa
發表於 2013-6-9 14:36
本帖最後由 calvincjsa 於 2013-6-9 15:02 編輯
我都幫襯左佢十年八年,
講真,同佢地熟左都吾需要點還價,
我都認同*技安*ice man師兄所講,
佢地冇本事,都吾會喺呢行企左20年,
至於態度好吾好,
就真係見仁見至啦!
我經過就算冇幫襯都一定走入去吹下水,{:6_214:}
佢地都吾會黑面仲嘻嘻哈哈,
旺角區呢間喺我心目中係有信譽嘅鋪頭,
其實做生意賺錢係應份,
同你吾識!米面價囉!{:6_138:}
同你好傾d!米街價囉!{:6_182:}
見你真係有心買嘅!駁你返轉頭米靚價囉!{:6_222:}
到你再買野時,佢認得你,米友情價囉!{:6_189:}
到真係熟客時,米老友價囉!{:6_193:}
關係係要用時間同金錢建立嘅!{:6_209:}
如果一入去就老友價,呢個世界就吾會再有人做 AV 生意喇!
ilavbnm
發表於 2013-6-9 14:51
如果大家去買衫買鞋果陣...問個售貨員件衫/對鞋幾錢?
個售貨員答你...你想做咩價?...大家覺得是否正常?
又或者...大家去到超市買野...見到件貨物無標價
走去問店員件貨幾錢...個店員又答你...你想做咩價?...大家又是否接受?
賣衫賣鞋/超市...問價o既客一定係佢地o既倍數計
如果全港賣衫賣鞋/超市都係咁...大家會唔會覺得無問題呢?{:1_253:}
玩心理戰式開價...並不=黑店
只係店家想睇下個客有無做功課...然後睇住o黎打
無做功課o既客...聽到佢地咁問仲肯繼續傾o既...佢地自然知點做...{:1_262:}
做左功課o既客...咪睇下可唔可以平少少做左單生意佢囉...{:1_339:}
一種多少有投機取考o既生意手法
遇著熟客/識途老馬...咪大家都有著數囉...{:1_339:}
店家要賺錢...消費者要買得平...成功o既...雙方都係既得利益者
既得利益者...當然接受喱種手法...{:1_343:}
所以唔需要講到店家咁委屈
總之一句...o岩就buy...唔o岩就bye啦...{:1_339:}
uglyduckling
發表於 2013-6-9 14:53
calvincjsa 發表於 2013-6-9 14:36 static/image/common/back.gif
我都幫襯左佢十年八年,
講真,同佢地熟左都吾需要點還價,
我都認同*技安*師兄所講,
啱啦, 老友都要揾錢養家........唔係喎, 宜家係俾鋪租先{:8_362:}
manblood
發表於 2013-6-9 15:30
最不值呢0的鋪頭成日海鮮價,...做生意極不老實!......店鋪一定有個入貨價及賣價,...成日問人你想做乜價,...個客講得低,佢又黑面,趕客,.又話人無心買.個客講個價高左,佢有著數,米賣羅,..咁幾時都系佢有著數,個客一定無數為,.....只可以講熟客斬少0的,生客見個斬個!....今時今日咁0既生意手法,...我一定唔會去買,...貼錢買難受咩..!...不如去0的大鋪,...叫有個蒲!......唔好話仲有0的鋪SALES愛理不理咁啦,..真系,而家俾錢你賺嫁,你估黎乞咩,...真系痴乜左線{:1_334:}..........
Rakehell
發表於 2013-6-9 15:33
係既 , 佢咁多年都響到相信唔會呃人.
亦同意呢個出價方法係佢地既策略 (並無貶意).
只係我唔習慣呢種方式去交易姐. 我一定係輸果個 ...
不過講真可能響友情 Lai 晒野買左貴野都未定呢. {:6_161:}
Rakehell
發表於 2013-6-9 15:38
師兄們請冷靜冷靜 ~ 我唔係想挑起咩火頭 .
係我一開頭係有D躁躁地 , 但係聽左其他師兄既意見都無咩唔高興架啦.
唔想引起各方不滿... 不如講下佢有咩好啦 ~~~ 講開心野好過啦 ~{:6_177:}
uglyduckling
發表於 2013-6-9 15:46
放心啦, 呢個科林啲人好好, 吹水啫,唔好介意
ice_man
發表於 2013-6-9 16:15
本帖最後由 ice_man 於 2013-6-9 16:20 編輯
其實大舖亦唔一定好呢,就算連鎖頭大舖百記都會返pack display貨俾人,我朋友同埋我親身經歷整件事嘅過程,呢單野搞左好耐先搞掂,不過唔再長談了.....
早前我亦試過問樓上某間大舖威記某型號嘅十仔價錢,首先個sales表現出唔係好想答咁嘅款,我再問之下佢就施施然咁行入櫃位攞本數簿出黎睇來睇去,睇一輪先再覆我價錢,點知原來報個建議零售價俾我,我就問番個sales呢個唔係定價黎咩,個sales答我呢個就係賣街價,直頭當你傻瓜唔想做你生意咁,心諗唔係化...果然真係明碼實價!而有師兄早前係同一間舖買左隻威記十仔,貨到打開先發現面綱斷腳(估計應該係運輸問題),但紙箱有雙重膠紙,隻十仔表面仲有大量指紋,我就唔猜測其原因,各位師兄可以自己思考一吓固中嘅玄機...
所以之前都講過銷售手法各有不同,呃人與否時間同口碑能証明一切。另外唔喜歡的話可以唔幫襯,幫襯間認為適合自己嘅銷售手法、價錢又合理,又信得過嘅舖頭就可以了,無須動氣...
{:6_142:}
頁:
1
2
[3]
4
5
6
7
8
9
10
11
12