有冇人好 enjoy 去德"8" ?

Rakehell

講真 , 小弟可能無乜見過大蛇屙尿 . 未見過世面 .
但係去到某間鋪真係唔多自在.

話說上個禮拜去德8 , 問下隻 amp 同喇叭幾多錢啦 . 老細 up 就 up 表面價 , 即係趕客價 . 咁我梗係話貴啦 . 人地友情標緊 $5xxx.
老細就話喇 : 咁你心目中係咩價呢 ? (講真我去過幾次 , 都係同一句野)
大佬 ! 做生意 , 不嬲都係賣家出價 (唔係趕客價) . 而家 bid 你件貨 ? 咁我答你 , $1000 囉好無.

好似買樓 , 賣家都唔會標 $600萬 (市價 $500萬), 之後話 : 不如你講心目中係幾多 , 我睇做唔做到 ?
叫碟菜芯 , 話 $150 , 之後同你講不如你講心目中係幾多.

俾我感覺 , 買家出價 , 賣家知成本幾多 , 一定羸晒架喎 . 成本 $4000 , 市價 $5000 , 我可能未有間間問晒 , 咁我開 $6000 呱 , 間鋪仲唔 lur 飯應 ?!

真心覺得次次行出黎都覺得佢嫌我窮唔想賣俾我.

敢問師兄們其實係唔係我既問題呢 ? ...

eggcake92

Ching 去 Price.com check 左價
再上黎問一問 先去買 LA....
上次 去買 Impact 10 都係問我 心中咩價.....我真係同佢講 $1,000, 佢即時

hit87761

係咁架嘞!所以睇啱目標,就要做功課research,上下post76,同啲師兄們交流交流!先有本錢同啲sales講價

samnet1

老細就話喇 : 咁你心目中係咩價呢 ?

==> 每次去德8, 都係呢個官方答案

==> 我每次買 AV Amp/喇叭/...... 前都會上網問 C-hing 太約什麼價錢, 心目中太約知 "底價"才炔定 !

angllewave

呢間鋪頭開頭買野唔該做定功課, 查好哂價錢才去買野

不過如果你同佢成為左熟客, 玩法就完全唔同啦

shc34

以我所知, 絕大部份店都係登個正價出黎
講價講到幾多, 真係睇情況
一般我估正價的 8-9折左右啦
要睇下個MODEL新定舊, 間公司黎緊會唔會出新MODEL等因素
個人經歷, 德8地庫, 比起某些樓上舖, 禮貌算係好

chuwing

雖然我現在好少幫佢買嘢；之前我都算係熟客！
不過今次樓主講ge嘢我就唔應同喇；人地打開門口做生意更係要賺錢啦；
做生意來講...佢問你想幾錢都好正常；你肯回價即係你有心買；佢會有心機服務你；啱價咪大家happy 羅！
佢地日日百幾二百人問價點知邊個有心買？個個入到去都話俾最平俾你；唔屎兩個月執粒啦；
信不信由你....佢地大把熟客唔憂做！
你下次試下回價可能有驚喜呢！

kenmok

無辦法，MK AV 鋪不嬲都係咁，所以我從來唔去幫襯。
C Hing 可以去SSP 成田/新成田問下，唔知係咪最平，但起碼老老實實。

fatkie

chuwing 發表於 2013-6-9 01:16
雖然我現在好少幫佢買嘢；之前我都算係熟客！
不過今次樓主講ge嘢我就唔應同喇；人地打開門口做生意更係要 ...

我尋晚 check 機時就有兩三個熟客幫個 sales 手抬部機出黎, 仲一齊試埋一份, 好攪鬼

shrek-01

話說上年想換AMP安記3009(因3010未出要等)
因家住港島東(部機咁重唔想過海買)
有日放假由銅鑼灣行去灣仔(諗住都係貴少少…)
但問左幾間都貴最後都係要過旺角買，
就係去左得8問…(佢話我想幾多）
我話$$$$$(比港島平左5xx)
佢話要問下老細得唔得…(老細話ok)
即時比$扲機走人