Acoustic System 聖杯／牛肉粒 (report updated 30/1，P.10)

ckw3031

Acoustic System Resonate Basic.
http://feature.u-audio.com.tw/featuredetail.asp?featureid=315
http://www.francktchang.com/3acousticresonators.html

Acoustic System 呢set嘢包括有聖杯（Resonator)，牛肉粒(Diffusor Cube)，圓餅(Wood Diffusor)，反相木（Phase invertor)。
而聖杯分白金、金、特金、銀、銅五種，白金為最高級，銅為最低級。
一般杯的玩法及擺放位置如下(在長方形廳計）：
1）前面正中地下放一隻銅杯及反相木，可貼牆放，或離前牆小許，反相木放係銅杯之前約兩三吋
2）前面結象位置上小小，放一隻白金或金或特金或銀
3）前面中間近天花頂，位置放一隻白金或金或特金或銀
4）前牆四隻角放四隻銀杯
5）兩邊側牆頂位置，近皇帝位前或後小小，每邊放一隻銀杯
6）後牆中間位置，近天花頂放一隻銀杯

上述位置只係大約位置，高度要實地試聽才能決定最佳位置。如果唔係長方形廳，有D位置要實地找尋先得。

上述位置用不同杯，會出現不同程度的效果。
假設用一銅、七銀、一金、一白金。通常銅就放位置1，而白金就放位置2，金就放位置3，四銀就放位置4，其他銀杯就放位置5及6。咁就初步完成杯的setup。在咁嘅杯陣下聽歌，聲會好清晰及像真，唔會覺得散亂的感覺，音場會好淡定，而又會好有生氣及好有音樂感，而包圍感也會強烈好多，好似成個空間都充滿音樂咁。 

講完整体效果後，我再細分每個位置擺放的目的。
位置1放銅杯的用途，能使前牆低頻線條修正得更靚更明顯，低頻更彈跳更下潛，減小低頻渾濁而影響中高頻表現，當低頻清晰時，自自然然中高頻也會變得更清晰。而反相木放在銅杯前面，用後結象會更有質感及實在，低頻線條會再好D。如果用多兩塊放係銅杯左右，結象會再豐滿D，而反相木與銅杯的距離，越近就會越豐滿，但又不能太近，要自己試下來取平衡。

位置2通常放白金杯，由於白金杯的damping能力係最好的，放在正中間，能夠使成個前牆的音埸控制得好定，修正好多過多的反射，令到聽起來覺得唔亂及唔嘈，用咗真係好舒服，你會覺得好似靜咗好多。此外，前牆中心部位會清晰好多，聽多D嘢，層次及分離度也會改善。另外位置2也可以放金杯或銀杯，但那種定的效果就冇白金杯咁好，金杯的damping能力也會比銀杯好。

位置3通常放金或特金杯，用白金杯都得，但就好貴。呢個位置喺用來處理高頻的表現，放完之後，你會聽到天花板位置，本來冇聲的地方變有聲，成個音埸申延致天花板，上中下三個部分好似打通咗咁連一起。

位置4為前牆四角，呢四隻角其實有好多駐波喺度，駐波會令聲音渾濁不清，未喺呢四隻角放杯時，四個位置係好似冇乜聲咁，當放完四隻銀杯後，駐波被修正，你會發覺呢四隻角原來有好多聲喺度，但之前喺完全聽唔到的。而且呢D聲係好清晰咁表現比你聽，當放完呢四角後，成個音場就好似向呢四隻角咁撐開，填滿成個音埸，係呢一刻成個音場變得又full又清晰又淡定了。

位置5又係用兩隻銀杯，放咗會修正側牆天花位置的高頻反射及低頻的共振，使包圍感更好，音樂細節好似埋到身邊一樣。

位置6就放一隻銀杯，用來處理後牆的高頻聲音，用埋呢隻之後，你會感覺到音場不只是前埸先有，係申延到去後牆，好似充滿成間屋咁。

寫住咁多先，瞓醒再寫牛肉粒及圓餅的用法。

ckw3031

Acoustic System Resonate Basic.

用咗隻杯，同唔用的分別實在太大。





- 發送自我的 iPhone 大板凳應用

obee

聖杯.... 師兄可唔可以講多d?

fuman0123

回復 3# kenneth_obee


    我係朋友個老死度聽過，真係好毒！
記得好似重有粒，牛肉粒可改變人聲位置！
千其唔好借返屋企試！奶硬野

ckw3031

聖杯.... 師兄可唔可以講多d?
kenneth_obee 發表於 2012-1-27 08:55

無問題，剛收工回家，瞓醒再出用後感，可能要D時間去寫，因為有好多玩法，
包括有白金杯，金杯，特金杯，銀杯，銅杯，反相木，牛肉粒，圓餅。
由於近年加價加得太利害，要玩晒咁多樣，一定破產，因為實在太貴，
但比到你的效果，係任何機或線或DIY代替品做唔到的，
值唔值就見人見志，我個人覺得如果未加價前就值，加價後就.....算吧！

ckw3031

回復  kenneth_obee


    我係朋友個老死度聽過，真係好毒！
記得好似重有粒，牛肉粒可改變人聲位置！
千 ...
fuman0123 發表於 2012-1-27 09:12

就係有人帶晒成套嘢來我度，我瀨晒嘢....

nakatajackson

用咗隻杯，同唔用的分別實在太大。





- 發送自我的 iPhone
ckw3031 發表於 2012-1-27 08:49

里隻杯響影音展有幸聽過AB test, 無就死氣沉沉,有就跳彈有力,生龍活虎.
話說個日個sales哥哥話有個physicist同佢理論(they both Malaysian). 佢話條友點計都計吾點, 剩係知聲音完全吾同,見佢只擺一只落過牆脚邊(在喇叭後), same source (itune music only), same equipment (of course excellent floorstand), same area. (one room at 影音展). 在場人士都O左嘴.佢話擺在角位再加正中(大約平常電視再高1吋的置位), 威力無窮.  Ching , this product made in france right?? Where u position it and may i know how much??

ez1

回復 2# ckw3031

師兄係乜冬冬呀? 講多d嚟聽下啦唔該.

nakatajackson

無問題，剛收工回家，瞓醒再出用後感，可能要D時間去寫，因為有好多玩法，
包括有白金杯，金杯，特金杯， ...
ckw3031 發表於 2012-1-27 09:18

    好老實自己覺得比upgrade電源或線更加明顯

obee

就係有人帶晒成套嘢來我度，我瀨晒嘢....
ckw3031 發表於 2012-1-27 09:20

    你上得多d富貴台實奶野啦... 只係遲早姐.